Búgin «Egemen Qazaqstan» gazetine Japonııanyń Qazaqstandaǵy elshisi qyzmetine jańadan taǵaıyndalyp jatqan Ichıro Kavabata kelip, basylym basshylyǵymen kezdesti.
Aldaǵy ýaqytta senim gramotasyn tapsyrǵannan keıin óziniń basty mindeti eki eldiń yntymaqtastyǵyn odan ári keńeıtý bolatynyn atap ótken I.Kavabata myrza «Egemen Qazaqstan» gazetimen aradaǵy aqparattyq baılanysty damytýǵa erekshe den qoıatynyn aıtty. «Men sizdiń elge endi kelgendikten, qazaq tilin úırenýdi bastadym. Bolashaqta sizdermen qazaqsha sóıleskim keledi», – deıdi dıplomat.
Kezdesý barysynda eki eldiń iri buqaralyq aqparat quraldary arasynda áriptestik baılanys ornatý, biliktilikti arttyrý maqsatymen tájirıbe almasý máseleleri de talqylandy.
«Egemen aqparat»
