Tólem rásimi jeńildedi

Bul júktilikke jáne bosanýǵa baılanysty áleýmettik tólemderdi mashaqatsyz alýǵa kómegin tıgizýde Júktiligine jáne bosanýyna baılanysty tabysynan aıyrylý jaǵdaıyna áleýmettik tólemderdi esepteýge qajetti qujattar toptamasy qysqartyldy. Bul Densaýlyq saqtaý jáne áleýmettik damý mınıstrligi men «Azamattarǵa arnalǵan úkimet» memlekettik korporasııasynyń birlesken jumysynyń arqasynda múmkin bolyp otyr. Endi, ótinish bergen kezde áıel­derge sońǵy 12 aıǵa jumys ornynan tabystary týraly anyqtama usyný qajet emes. Jeke kýáligin, eńbekke ja­ramsyzdyq paraǵy men banktik shotyn usyný jetkilikti. Jeke kásipker degen kýáligi bar áıelderge sondaı-aq, JK tir­keý týraly kýálik pen salyqtary boıyn­sha sa­lystyryp tekserý aktisi qajet bolady. «Buryn memlekettik korporasııanyń jumys­kerleri avtomattandyrylǵan aqparat­tyq júıege naqty aýdarylǵan áleý­met­tik aýdarymdardy jumys ornynan beril­gen anyqtamada kórsetilgen somalarmen sa­lystyryp tekserý júrgizetin. Al ol sáı­kes bolmaǵan jaǵdaıda ótinish berýshige qu­jat­tar naqtylaý úshin qaıtarylatyn», – deıdi «Azamattarǵa arnalǵan úkimet» mem­lekettik korporasııasy dırektorynyń orynbasary Serikqan Sabyrjanov. «Budan bylaı Memlekettik áleýmettik saqtandyrý qorynan beriletin áleýmettik tólemder mólsherlerin taǵaıyndaý qaǵı­da­tyna engizilgen ózgeristerdiń arqa­synda júktiligine jáne bosanýyna baılanys­ty tólemderdi taǵaıyndaý avtomattan­dyryl­ǵan aqparattyq júıede qamtylǵan naqty aýdarymdar boıynsha júzege asyry­latyn bolady. Júktiligine jáne bosanýy­na baılanysty tólemderdiń mól­sheri eseptelgen jáne aýdarylǵan áleý­met­tik aýdarymdardyń durystyǵy úshin jaýap­ker­shi­lik arqalaıtyn jumys berýshige tike­leı baılanysty ekendigin este saqtaý qajet», – dep túsindirdi dırektordyń orynbasary. Zeınetaqy men járdemaqy esepteý jónin­degi kez kelgen másele boıynsha konsýl­­tasııany qazaqstandyqtar 1411 tegin nó­mirine qońyraý shalyp alýyna bolady. Memlekettik korporasııa arqyly júk­tiligine jáne bosanýyna baılanysty tabysynan aıyrylý jaǵdaıyna qatysty jyl basynan beri barlyǵy 97,5 myń áleýmettik tólem taǵaıyndaldy.  Nazar QASYM