Sýǵa da, qarǵa da qona beredi

Búginde elimizdiń birqatar qalala­rynda kanadalyq kompanııa «Twin Otter Series 400» áýe laıneriniń tanys­tyrylymyn ótkizgeni bel­gili bolyp otyr. Oral áýe­­jaıynda osyndaı rásim­ge qatysýymyzdyń sáti tústi. Budan uqqan-túı­ge­nimiz – shaǵyn áýe ushaǵy Qazaq­stannyń klı­mat­tyq ereksheligine óte qo­laı­ly ekendigi. Bul 19 adamǵa laıyqtalǵan. Jolaýshy­lardy tasymaldap qana qoı­maı, qutqarý operasııalaryn júrgizýge jáne sanavıasııaǵa asa yńǵaıly. Taǵy bir erek­sheligi ushý-qoný jolaǵyn qajetsinbeıtin kórinedi. Kanadalyq «Viking Air» kom­panııacy marketıng bó­liminiń dırektory Devıd Hızdiń aıtýynsha, atalǵan ushaq túriniń asfalt tó­selmegen qara jerge, tipti, qar men sý ústine de qona berý múmkindigi bar eken. Bul úshin arnaıy qurylǵylar ornatylypty. Onyń joǵary jáne tómen temperatýralarǵa shydamdylyǵy da óz aldyna bir bólek áńgime derlikteı. Búginde kanadalyq kompanııa shyǵarǵan 900-ge tarta ushaq túrleri álemniń 57 elinde qoldanysqa engizilipti. О́ziniń kólemi jaǵynan álemdegi memleketter arasynda alǵashqy ondyqqa kiretin Qazaqstannyń ulan-baıtaq aýmaǵy jaǵdaıynda, tipti, bir oblystyń ishindegi aýdandar bir-birinen 500-600 shaqyrym qashyqtyqta ekenin eskersek, bul óte qolaıly áýe kóligi ekeni birden baıqalady. Ony paıdalanǵan kezde arnaıy ushý-qoný jolaqtaryn salý­dyń qajettiligi joq ekeni de tıimdi bolmaq. О́ıtkeni, joǵaryda aıtylǵandaı, «Twin Otter Series 400» esh­qandaı qonatyn jer tal­ǵamaıdy. Endeshe, muny nege shalǵaı aýyldardaǵy tur­ǵyndardyń ıgiligine paıda­lanbasqa? Osy arada «Twin Otter Series 400» ushaǵynyń baǵasy 7 mıllıon AQSh dollaryn quraıtynyn da aıta ketken jón. Árıne, mundaı joǵary baǵany ekiniń biriniń múm­kindigi kótere bermeıtini taǵy da aıan. Temir QUSAIYN, «Egemen Qazaqstan» ORAL