Elbasy strategııasy – eldik strategııasy

Qazaqstandyqtar Memleket basshysy Nursultan Nazarbaevtyń «Nur Otan» HDP HIII sezinde sóılegen sózin osylaı baǵalap otyr Jaýapkershilik júgin jete sezinemiz Bıylǵy jyl asa mańyzdy oqıǵalarmen bastaldy. Solar­dyń biri – Astanadaǵy Táýel­s­iz­dik saraıynda «Nur Otan» ha­lyqtyq-demokratııalyq par­tııa­synyń HIII seziniń ótýi partııa tarıhynda  aıtýly iz qaldy­rary anyq. Elimizdiń ár qıyry­nan jı­nalǵan delegattar «Nur Otan» partııasynyń Tóraǵasy Nursul­tan Nazarbaevtyń sózin asqan muqııattylyqpen tyńdap, jar­qyn bolashaqqa jetýdiń aı­qyn joldaryn tujyrymdap be­rýi­­niń taǵy bir kýási boldy. «Nur Otan­nyń»  Qazaqstan hal­qy aldyn­daǵy abyroı-bede­li­niń nyǵaıa túskenin osy jıyn aıǵaqtap berdi. Saıası uıymnyń 2005 jylǵy saılaýaldy baǵ­dar­­lamasynyń ory­n­­dalýy Pre­zı­denttiń esimimen tyǵyz baı­la­nys­ty ekenin Ýá­lıhanov aý­da­nynyń turǵyn­dary da jaqsy  túsinedi. Elba­sy­nyń «100 mektep, 100 aýrýhana», «Bız­nes­tiń jol kartasy-2020», taza aýyz sý sekildi tikeleı tapsyr­malary eldi mekenderge deıin jetip, aýyl­dyq­tardyń turmys-tirshiligine oń  áserin tıgizýde. Álemdik daǵ­darysqa qaramastan, áleýmettik tólemaqylardyń ósýi, bilim berý, densaýlyq saqtaý sala­laryndaǵy aıtarlyqtaı  ózgeris­terge qol jet­­kizýimiz el eko­nomı­kasynyń tu­raqty damý jolyna túskenin aıǵaqtasa kerek. Bizdiń aýdan shalǵaıda orna­las­qandyqtan, bertinge deıin bo­lashaǵy bulyńǵyr, keleshegi joq óńirge jatqyzylyp, kelgeni ras. Táýelsizdiktiń arqasynda, Memleket basshysynyń aýyldy kó­terý­diń aýqymdy baǵdarlamasyn túzip berýiniń nátıjesinde tur­mys sa­pasy jaqsaryp, eldi mekenderdi sapaly aýyz sýmen qam­tamasyz etý jolǵa qoıyldy. Ká­sipkerlikti órkendetý, jańa ju­mys oryn­da­ryn ashý baǵy­tynda da  kóp is tyn­dyryldy. Serpindi ınnovasııalar shoǵyry paıda boldy. Osyn­daı oń ózgeristerge Prezıdenttiń saıası jańǵyrtý, qoǵamda beıbitshilik pen tynysh­tyqty saqtaý syndy saıasaty arqasynda jetip otyrmyz. Biz sezden úlken ásermen, zor jigermen oraldyq. Nur­sultan Ábishuly partııa aldyna jańa talaptar qoıyp, 2030 jyl­ǵa deıingi Damý strategııasyn laıyq­ty oryndaý úshin eldiń aldaǵy 20 jyldaǵy  bolashaǵyn belgilep berdi. Aýqymdy shara­lardy iske asyrýdaǵy «Nur Otan» partııa­synyń taıaý 20 jyldaǵy strate­gııalyq baǵdar­lamasynyń negizine  aı­na­laty­nyn jetkizdi. Meni El­ba­synyń jas býynǵa arnaǵan ata­lyq sóz­deri qatty tolqyt­ty. О́ziń­niń tarıhyńdy, ana tilińdi, shyǵý tegińdi  bilmeı naǵyz patrıot bola almaısyń, deýi bári­mizge oı salary anyq. Sezd Qazaqstannyń qazirgi Prezıdentin partııanyń aty­nan 2011 jyly 3 sáýirde ótetin kezekten tys prezıdenttik saı­laýǵa kandıdat retinde usy­nýymen de este qaldy. Memleket basshy­synyń kezekten tys prezı­dent­tik saılaýǵa túsýge kelisim berýi bárimizdi qanat­tan­dyrdy. Endigi mindet – júk­telgen jaýapkershilik júgin sezine otyryp, elge,  halyqqa qyzmet etý. Eslám ÝAHITOV, Ýálıhanov aýdanynyń ákimi, sezd delegaty. Soltústik Qazaqstan oblysy, Ýálıhanov aýdany.