Qazaqstan Respýblıkasy Bilim jáne ǵylym mınıstrliginiń buıryǵy №722

2015 jylǵy 31 jeltoqsan,  Astana qalasy «Memlekettik bıýdjetten qarjylandyrylatyn ǵylymı, ǵylymı-tehnıkalyq jobalar men baǵdarlamalardy memlekettik esepke alý qaǵıdalaryn jáne olardyń oryndalýy jónindegi esepterdi bekitý týraly» Qazaqstan Respýblıkasy Bilim jáne ǵylym Mınıstriniń 2015 jylǵy 31 naýryzdaǵy № 149 buıryǵyna ózgeris engizý týraly buıyramyn: 1. «Memlekettik bıýdjetten qarjylandyrylatyn ǵylymı, ǵylymı-tehnıkalyq jobalar men baǵdarlamalardy memlekettik esepke alý qaǵıdalaryn jáne olardyń oryndalýy jónindegi esepterdin bekitý týraly» Qazaqstan Respýblıkasy Bilim jáne ǵylym Mınıstriniń 2015 jylǵy 31 naýryzdaǵy №149 buıryǵyna (Normatıvtik quqyqtyq aktilerdi memlekettik tirkeý tiziliminde № 10885 bolyp tirkelgen, «Ádilet» aqparattyq-quqyqtyq júıesinde 2015 jylǵy 5 maýsymda jarııalanǵan) mynadaı ózgeris engizilsin: kórsetilgen buıryqpen bekitilgen Memlekettik bıýdjetten qarjylandyrylatyn ǵylymı, ǵylymı-tehnıkalyq jobalar men baǵdarlamalardy memlekettik esepke alý qaǵıdalaryn jáne olardyń oryndalýy jónindegi esepterdi bekitý týraly qaǵıdalarynda: 8-tarmaq mynadaı redaksııada jazylsyn: «8. Memlekettik esepke alý úshin túpnusqada qaǵaz jáne elektrondy tasymaldaǵyshtarda: 1) memlekettik bıýdjetten qarjylandyrylatyn ǵylymı, ǵylymı-tehnıkalyq baǵdarlamalar (budan ári – baǵdarlama); 2) memlekettik bıýdjetten qarjylandyrylatyn ǵylymı, ǵylymı-tehnıkalyq jobalar (budan ári – joba); 3) baǵdarlamalardy aqparattyq kartasy bar jobalardyń oryndalýy boıynsha esepter (budan ári – esep), onyń ishinde ǵylymı, ǵylymı-tehnıkalyq qyzmet nátıjeleri týraly málimetter usynylady. 4) bıýdjet qarajaty esebinen qarjylandyrylatyn tıisti saladaǵy ǵylymı jáne (nemese) ǵylymı-tehnıkalyq qyzmet nátıjelerin kommersııalandyrýǵa járdemdesý baǵdarlamalary, jobalary; 5) bıýdjet qarajaty esebinen qarjylandyrylatyn tıisti saladaǵy ǵylymı jáne (nemese) ǵylymı-tehnıkalyq qyzmet nátıjelerin kommersııalandyrýǵa járdemdesý baǵdarlamalary, jobalary boıynsha esepter. Qujattar paketi tolyq bolmaǵan jáne olar tıisinshe resimdelmegen jaǵdaıda qujattar anyqtalǵan kemshilikter tolyq joıylǵanǵa deıin tirkelmeıdi. Usynylǵan qujattar qaıtarylmaıdy. Memlekettik bıýdjetten qarjylandyrylatyn ǵylymı, ǵylymı-tehnıkalyq jobalar men baǵdarlamalardy memlekettik esepke alýǵa baılanysty shyǵyndardy bas uıym nemese oryndaýshy uıym (oryndaýshy) ózi kóteredi». 2. Qazaqstan Respýblıkasy Bilim jáne ǵylym mınıstrliginiń Ǵylym komıteti (S.E.Joldasbaev) zańnamada belgilengen tártippen: 1) osy buıryqty Qazaqstan Respýblıkasy Ádilet mınıstrliginde memlekettik tirkeýdi; 2) osy buıryqty Qazaqstan Respýblıkasy Ádilet mınıstrliginde memlekettik tirkeýden ótkennen keıin kúntizbelik on kún ishinde merzimdi baspa basylymdarynda jáne «Ádilet» aqparattyq-quqyqtyq júıesinde resmı jarııalaýǵa jiberýdi; 3) osy buıryqty Qazaqstan Respýblıkasy Bilim jáne ǵylym mınıstrliginiń ınternet-resýrsynda ornalastyrýdy qamtamasyz etsin. 3. Osy buıryqtyń oryndalýyn baqylaý Qazaqstan Respýblıkasynyń Bilim jáne ǵylym vıse-mınıstri T.O Balyqbaevqa júktelsin. 4. Osy buıryq alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi. Bilim jáne ǵylym mınıstriniń mindetin atqarýshy T.BALYQBAEV Buıryq Qazaqstan Respýblıkasynyń Ádilet mınıstrliginde 2016 jylǵy 2 aqpanda Normatıvtik quqyqtyq kesimderdi memlekettik tirkeýdiń tizilimine №12973 bolyp engizildi.