Qazaqstan Respýblıkasy Bilim jáne ǵylym mınıstrliginiń buıryǵy  №61 

2016 jylǵy 22 qańtar,Astana qalasy Eksternat nysanynda oqytý qaǵıdalaryn bekitý týraly «Bilim týraly» 2007 jylǵy 27 shildedegi Qazaqstan Respýblıkasy Zańynyń 5-babynyń 46-10) tarmaqshasyna sáıkes buıyramyn: 1. Qosa berilip otyrǵan Negizgi orta jáne jalpy orta bilim berý baǵdarlamalaryn iske asyratyn orta bilim berý uıymdarynda eksternat nysanynda oqytý qaǵıdalary bekitilsin. 2. Mektepke deıingi jáne orta bilim, aqparattyq tehnologııalar departamenti (J. Jontaeva) zańnamada belgilengen tártippen: 1) osy buıryqtyń Qazaqstan Respýblıkasy Ádilet mınıstrliginde memlekettik tirkelýin; 2) osy buıryqtyń kóshirmesin Qazaqstan Respýblıkasy Ádilet mınıstrliginde memlekettik tirkeýden ótkennen keıin kúntizbelik on kún ishinde merzimdi baspa basylymdarynda jáne «Ádilet» aqparattyq-quqyqtyq júıesinde resmı jarııalaýǵa, sondaı-aq Qazaqstan Respýblıkasy normatıvtik quqyqtyq aktileriniń etalondyq baqylaý bankinde ornalastyrý úshin «Qazaqstan Respýblıkasy Ádilet mınıstrliginiń Respýblıkalyq quqyqtyq aqparat ortalyǵy» sharýashylyq júrgizý quqyǵyndaǵy respýblıkalyq memlekettik kásipornyna joldaýdy; 3) osy buıryqty Qazaqstan Respýblıkasy Bilim jáne ǵylym mınıstrliginiń ınternet-resýrsynda ornalastyrýdy; 4) osy buıryq Qazaqstan Respýblıkasy Ádilet mınıstrliginde memlekettik tirkeýden ótkennen keıin on jumys kúni ishinde Qazaqstan Respýblıkasy Bilim jáne ǵylym mınıstrliginiń Zań departamentine osy tarmaqtyń 1), 2) jáne 3) tarmaqshalarynda kózdelgen is-sharalardyń oryndalýy týraly málimetterdi usynýdy qamtamasyz etsin. 3. Osy buıryqtyń oryndalýyn baqylaý jetekshilik etetin Qazaqstan Respýblıkasynyń Bilim jáne ǵylym vıse-mınıstri E.N. Imanǵalıevke júktelsin. 4. Osy buıryq alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi. Qazaqstan Respýblıkasynyń Bilim jáne ǵylym mınıstri A. SÁRINJIPOV Qazaqstan Respýblıkasy Bilim jáne ǵylym mınıstriniń 2016 jylǵy 22 qańtardaǵy №61 buıryǵymen bekitilgen Eksternat nysanynda oqytý qaǵıdalary 1. Jalpy erejeler 1. Osy Eksternat nysanynda oqytý qaǵıdalary (budan ári – Qaǵıda) «Bilim týraly» 2007 jylǵy 27 shildedegi Qazaqstan Respýblıkasy Zańynyń 5-babynyń 46-10) tarmaqshasyna sáıkes ázirlendi jáne orta bilim berý uıymdarynda eksternat nysanynda oqytý tártibin aıqyndaıdy. 2. Osy Qaǵıdada mynadaı uǵymdar paıdalanylady: eksternat - bilim alýshy sabaqqa únemi qatyspaı-aq, tıisti bilim berý baǵdarlamasynyń oqý pánderin óz betimen oqıtyn oqytý nysandarynyń biri; ekstern - densaýlyǵyna baılanysty orta bilim berý uıymdarynda oqýǵa múmkindigi joq jáne/nemese shetelde ýaqytsha turatyn tulǵa. 3. Orta bilim berý uıymdarynda eksternat nysanynda oqytý bilim alýshylardyń negizgi orta, jalpy orta bilimniń jalpy bilim berý oqý baǵdarlamalaryn ózdiginen oqýyn, sondaı-aq ýaqytsha shetelde turatyn Qazaqstan Respýblıkasy azamattarynyń balalaryn qashyqtyqtan oqytýdy qarastyrady. 4. Eksternat nysanynda oqý mynadaı sanattarǵa usynylady: densaýlyǵy týraly dárigerlik-konsýltatıvtik komıssııanyń qorytyndysy bar bilim alýshyǵa; ýaqytsha shetelde turatyn Qazaqstan Respýblıkasy azamattarynyń balalaryna. 5. Eksternat nysanynda bilim alý Qazaqstan Respýblıkasy Úkimetiniń 2012 jylǵy 23 tamyzdaǵy № 1080 qaýlysymen bekitilgen orta bilim berýdiń memlekettik jalpyǵa mindetti standartyna sáıkes ázirlengen negizgi orta jáne jalpy orta bilimniń jalpy bilim berý baǵdarlamalary sheginde júzege asyrylady. 6. Eksternat nysanynda oqýǵa ótinishterdi qabyldaý jáne oǵan ruqsat berý, qajetti qujattar tizbesi Normatıvtik quqyqtyq aktilerdi memlekettik tirkeý tiziliminde № 11057 bolyp tirkelgen «Orta bilim berý salasynda jergilikti atqarýshy organdarmen memlekettik kórsetiletin qyzmetter standarttaryn bekitý týraly» Qazaqstan Respýblıkasy Bilim jáne ǵylym mınıstriniń 2015 jylǵy 8 sáýirdegi № 179 buıryǵyna sáıkes resimdeledi. 7. Bilim alýshylardyń tıisti deńgeıdegi jalpy bilim berý baǵdarlamalaryn ýaqytyly meńgerýi úshin eksternat nysanynda oqýǵa ruqsat alýǵa ótinishter aǵymdaǵy jylǵy 1 jeltoqsannan keshiktirilmeı tapsyrylady. 2. Eksternat nysanynda bilim alýshylardy aralyq jáne qorytyndy attestattaý 8. Eksternderdi attestattaý Normatıvtik quqyqtyq aktilerdi memlekettik tirkeý tiziliminde № 5191 bolyp tirkelgen «Bilim alýshylardyń úlgerimin aǵymdaǵy baqylaý, aralyq jáne qorytyndy memlekettik attestattaý júrgizýdiń úlgi erejesin bekitý týraly» Qazaqstan Respýblıkasy Bilim jáne ǵylym mınıstriniń 2008 jylǵy 18 naýryzdaǵy № 125 buıryǵyna sáıkes júrgiziledi. 9. Eksternderdi qorytyndy attestattaýǵa jiberý týraly sheshimdi bilim berý uıymynyń pedagogıkalyq keńesi qabyldaıdy. Eksternderdi qorytyndy attestattaýǵa jiberý týraly buıryqty orta bilim berý uıymynyń basshylary aǵymdaǵy oqý jylynyń sońynda shyǵarady. 10. Attestattaý nysany men merzimderin oqý baǵdarlamalary men oqý jumys josparlaryna sáıkes orta bilim berý uıymdarynyń basshylary belgileıdi. 11. Jalpy bilim beretin pánder boıynsha konsýltasııalar, aralyq attestattaý oqýshylardyń ýaqyt múmkindikterin eskere otyryp, aǵymdaǵy oqý jylynyń jeltoqsan-sáýir aılarynda bilim berý uıymdarynyń basshylary bekitken kestege sáıkes júrgiziledi. 12. Negizgi mektep kýrsy boıynsha eksternder negizgi orta bilimi týraly kýálikke engiziletin pánder boıynsha, orta mektep kýrsy boıynsha jalpy orta bilimi týraly attestatqa engiziletin pánder boıynsha attestattalady. Dene tárbıesi, tehnologııa, alǵashqy áskerı daıyndyq, mýzyka, syzý boıynsha attestattaý ótkizilmeıdi, al bilimi týraly qujatta «oqylǵan joq» degen jazý jazylady. 13. Aralyq attestattaýdan ótpegen, qorytyndy memlekettik attestattaýǵa dáleldi sebepsiz kelmegen eksternder bilim berý uıymynan shyǵarylyp, jazbasha (tapsyrys hatpen) ne jeke habarlanady, ol shyǵarý týraly buıryqqa qol qoıýmen rastalady. 14. Eksternderdi aralyq jáne qorytyndy memlekettik attestattaý emtıhan komıssııasynyń barlyq músheleri qol qoıǵan jáne orta bilim berý uıymynyń basshysy bekitken «Eksternat» belgisi bar hattamalarda kórsetiledi. Hattamaǵa aralyq jáne qorytyndy memlekettik attestattaýdan ótý nátıjeleriniń jazbasha materıaldary qosa tigiledi. 15. Aralyq attestattaýdan ótken eksternderge tıisti oqý baǵdarlamalary boıynsha oqýdy eksternat nysanynda aıaqtaǵany týraly belgisi bar qorytyndy baǵalarymen tabel beriledi. 16. Qorytyndy memlekettik attestattaýdan ótken eksternderge Normatıvtik quqyqtyq aktilerdi memlekettik tirkeý tiziliminde № 10348 bolyp tirkelgen «Memlekettik úlgidegi bilim berý týraly qujattardyń túrleri men nysandaryn jáne olardy berý qaǵıdalaryn bekitý týraly» Qazaqstan Respýblıkasy Bilim jáne ǵylym mınıstriniń 2015 jylǵy 28 qańtardaǵy № 39 buıryǵyna sáıkes bilim deńgeıi (satysy) týraly memlekettik úlgidegi qujat beriledi. Buıryq Qazaqstan Respýblıkasynyń Ádilet mınıstrliginde 2016 jylǵy 18 aqpanda Normatıvtik quqyqtyq kesimderdi memlekettik tirkeýdiń tizilimine №13110 bolyp engizildi.