Onda M.-H.Dýlatı atyndaǵy Taraz memlekettik ýnıversıtetiniń stýdenti F.Jarqynbekova, Taraz memlekettik pedagogıkalyq ýnıversıtetiniń stýdenti Á.Musabaı jáne «Jastar avıasııa ortalyǵy» AQ kýrsanty Iа.Semerdjıdı el jastarynyń alańsyz bilim alyp, bilikti maman atanýyna únemi qamqorlyq jasap kele jatqan Memleket basshysyna degen urpaq alǵysyn rızashylyqpen pash etti. Zamana aýanyna oraı qyzyqty konsertpen bastalǵan aksııa oblystaǵy barlyq oqý oryndary stýdentterin Elbasy Joldaýynan týyndaıtyn mindetterdi júzege asyrýǵa bir kisideı atsalysýǵa shaqyrǵan úndeý qabyldaýmen aıaqtaldy.
Kósemáli SÁTTIBAIULY. Jambyl oblysy.
TAZALYQ – ÁRKIMNIŃ BASTY MINDETI. Atyraý qalasy men oǵan irgeles eldi mekenderdiń sanıtarlyq tazalyǵy únemi saqtala bermeıdi. SES mamandary únemi dabyl qaǵady. Osyǵan oraı ótken aptada oblys ákiminiń tapsyrmasymen oblystyq shtab quryldy. Qala aýmaǵyna qarasty okrýgter tazalyǵyn qadaǵalaıtyn arnaıy toptar iske kirisip, tazalyqty saqtaýǵa árbir turǵynnyń mindetti ekeni túsindirilýde. Tekserý barysynda Geolog, Jumysker, Balyqshy okrýgterinde tazalyqtyń nasharlyǵy anyqtaldy. Osyǵan oraı kinálilerge 516 eskertý berilip, 46 ret aıyppul salyndy.
Joldasbek ShО́PEǴUL. Atyraý oblysy.
VILGELM – SPORT DEMEÝShISI. О́tken aptada Qashyr aýdanynyń ortalyǵy – Tereńkól aýylynda qyzdar arasynda voleıboldan jarys bolyp ótti. Bul jarysqa oblystyń aýdandarynan kelgen birneshe komanda qatysty. Sport merekesi aýyl sportshylaryna dem bergendeı. Aýdan komandalarynyń barlyǵy da elimizde ótetin jarystardyń jeńimpazdary kórinedi. Qazir olar naýryz aıynda Shymkent qalasynda ótetin týrnırge daıyndalýda. Sóıtip, birinshi oryndy tereńkóldikter, ekinshi oryndy lebıajilikter, al úshinshi oryndy Pavlodar aýdanynyń komandalary ıelendi. Voleıbolshylar bul jarystyń ótýine sebepker bolǵan «Vılgelm» sharýa qojalyǵyna yrzalyqtaryn bildirdi.
Farıda BYQAI. Pavlodar oblysy.
EŃ ÚZDIK POLISIIа QOSYNY. Petropavl qalasyndaǵy №12 ýchaskelik tirek pýnkti Ishki ister mınıstrligi ótkizgen «Qalalyq jáne aýyldyq jerlerdegi úzdik ýchaskelik polısııa qosyny – 2010» respýblıkalyq baıqaýynda birinshi oryndy ıelendi. 20 shaǵyn aýdanda ornalasqan polısııa qosyny 30 myńnan astam turǵynǵa qyzmet kórsetedi. Munda kásibı biliktiligi joǵary jeti polıseı jumys isteıdi. Byltyr olar túrli qylmystardyń izin sýytpaı ashýmen qatar, aldyn alýda, san alýan túsinik jumystaryn júrgizýde de óz jumystaryn tıimdilikpen atqara bildi. Aýyr qylmystar da tolyq áshkerelendi. Endi, mine, qalalyq jerlerdegi polıseıler arasynda top jaryp, maqtaýlylar qataryna qosylyp otyr.
О́mir ESQALI. Soltústik Qazaqstan oblysy.
KOLLEDJDE JAŃALYQ KО́P. Semeıde sport kolledjiniń ashylyp, jumys isteı bastaǵanyna onshaqty jyl boldy. Sondyqtan ony mundaǵylar táýelsizdik kolledji desedi. О́ıtkeni, keshegi keńes zamanynyń jetpis jyldyq tarıhynda mundaı arnaıy sport oqý ornyna qol jetkizý múmkin bolmaǵany ras qoı. Qazirde munda 250-ge jýyq oqýshy oqıdy. Jýyrda atalǵan oqý ornynda jańa jattyqtyrý zaly ashyldy. Jańa zal sport qural-jabdyqtarymen jetkilikti qamtamasyz etilgen. Onda bir mezgilde otyzǵa jýyq jas talap jattyǵa alady. Kúni erteń-aq bolashaq Azııa, álem chempıondary osy táýelsizdik kolledjinen shyqpasyna kim kepil!?
Dáýlet SEISENULY. Semeı.
ESIK AShQAN AÝYL KLÝBTARY. Zerendi aýdanynyń Ortaǵash aýyly bir kúnde qulpyryp shyǵa keldi. Munda on bes jyldan keıin mádenıet oshaǵy saltanatty jaǵdaıda jumysyn bastady. Aýdandyq máslıhat hatshysy Qaırat Aýǵalıev osynaý qýanyshty oqıǵanyń basty qaHarmany aýyl aqsaqaly Jeńis Hasenov ekendigin atap ótti. Zeınetker aǵamyz eski klýb úıiniń esik-terezesi men kirpishteriniń kim kóringenniń qolynda ketpeýin qadaǵalap, únemi baqylap otyrǵan kórinedi. Ol kisiniń tıisti jerlerge jazǵan ótinishteri qanaǵattandyrylyp, nebary eki aıdyń ishinde mańyzdy nysan qatarǵa qosyldy. Jóndeý jumystaryna 2 mıllıon teńge jumsalǵan.
Baqbergen AMALBEK. Aqmola oblysy.
TANYMAL SÝRETShINI ESKE ALDY. Oraldyq qylqalam sheberi, marqum Sáken Ǵumarovtyń tóltýma týyndylary eń alǵash taıaý jáne alys shetelderde moıyndalyp, baǵalanǵan edi. Tek sodan keıin ǵana onyń ólmes murasy qazaqstandyq qaýymnyń júrekterinen oryn ala bastaǵan-tyn. Tiri bolsa osy bir kúnderde ol 74 jasqa tolar edi. S.Ǵumarovtyń osy dataǵa oraı Oraldaǵy murajaıynda óziniń esimin ıelengen sýret mektebi oqýshylarynyń kórmesi ótkizildi. Olarǵa Sáken Ǵumarovtyń jary Gúlsara Ýálıqyzy estelikter aıtyp, beıneleý óneri has sheberiniń kartınalaryna qatysty qoıylǵan suraqtarǵa jaýaptar qaıtardy.
Temir QUSAIYN. Oral.
