Búgin – Nıdjat Rahımov pen Baqtııar Taıjannyń týǵan kúni

---

Búgin, 13 tamyz kúni Qazaqstan quramasyna Rıo-de-Janeırodaǵy Olımpııalyq oıyndarda alǵashqy altyn medaldi alyp bergen aýyr atlet Nıdjat Rahımov 23 jasqa tolyp otyr. Osy Rıoda kúndelikti bolyp jatqan bar jańalyqty «Egemen Qazaqstanǵa» joldap turǵan arnaýly tilshimiz Baqtııar Taıjan da búgin sol jaqta týǵan kúnin toılap jatyr. Eske sala keteıik, Nıdjat Ragımov tamyzdyń 11-ine qaraǵan túni Oıyndardyń aýyr atletıka týrnırinde 77 kg salmaqta synǵa túsip, qossaıysta 379 kılo alýymen chempıon atanǵan edi. Ol julqa kóterýde 165 kg salmaqpen úshinshi oryn alsa, serpe kóterýde 214 kg salmaqpen ózinen keıingi Qytaı atleti Lıýı Sıaoszıannan 12 kg alǵa ketip qaldy. Bul sportshy da jıyntyǵynda 379 upaı jınady. Biraq jeke salmaǵy qazaqstandyqtan aýyr bolǵandyqtan, ekinshi satyda qalyp qoıdy. Nıdjattyń osy altyn medali shynynda Qazaqstan úshin naǵyz aqjoltaı tabys boldy. Osynyń artynsha qurama qorjynyna ekinshi «altyn» tústi. Ony júzýshi Dmıtrıı Balandın ákeldi.

Nıdjattyń osy tolaǵaı tabysyn elge alǵashqylardyń qatarynda qýana habarlaǵandardyń biri de bizdiń arnaýly tilshimiz Baqtııar Taıjan boldy. Endi onyń ózine kelsek, 2000 jyldan beri «Egemen Qazaqstan» gazeti sarbazdarynyń qatarynda eńbek etedi. Arasynda birer jyl oblystyq «Ońtústik Qazaqstan» gazetin basqarǵany bolmasa, negizinen taban aýdarmaı, uzaq jyldardan beri bas basylymnyń Ońtústik Qazaqstan oblysyndaǵy menshikti tilshisi bolyp keledi. Ol 2006 jyly Dohada ótken Azııa oıyndarynan bastap, basylym atynan London, Beıjiń Olımpıadalaryna baryp qaıtty. Endi, mine, Alla taǵala oǵan kezekti týǵan kúnin alystaǵy Brazılııa jerinde qarsy alýdy násip etipti. Biz eki týǵan kún ıesin de ómirlerindegi osy aıryqsha kezeńmen shyn júrekten quttyqtaımyz. Ekeýine de ózderi qyzmet atqaryp júrgen salada tabysqa jete berýge tilektestik bildiremiz. Eń bastysy, qashanda bastary aman, baýyrlary bútin bola bersin. Rýslan IGILIK