Tártipsizdiktiń alǵashqy qurbandyǵy

Iran astanasy Tehran qalasynda demonstranttar men polısııa arasynda qaqtyǵys bolyp, bir adam opat bolsa, ja­ra­lanǵandar ondaǵan adam sanalady. 200-den astam adam qa­maýǵa alynǵan. Jumys kúni aıaqtalǵan keshqurym sátte qa­lanyń eki bas alańyna túrli joldarmen bet alǵandar qatary ondaǵan myń adamǵa jetken. Jınalǵandar úkimetke qarsy urandar aıtyp, saıası tutqyn­dardy bosatýdy, rejimdi demokratııalandyrýdy talap etken. Keı kóshelerde polısııadan qorǵaný úshin barrıkadalar turǵyzyla bastaǵan. Demonstranttarǵa on myń shamasynda polısııa qarsy turǵan kórinedi. Olar adamdardyń shoǵyrlanýyn boldyrmaý úshin kózden jas aǵyzatyn gaz, keldekter jáne rezeńke oqtar qoldanýda eken. ShENEÝNIKTER ShOTTARYN JABÝDY О́TINDI Egıpet basshylyǵy AQSh-qa, Ulybrıtanııa men Fran­sııa­ǵa eks-prezıdent Hosnı Múbáraktiń ákimshiligindegi burynǵy sheneýnik­terdiń shottaryn jabý týraly ótinishpen shyqty. Biraq Fransııa men AQSh burynǵy sheneýnikter tiziminde eks-prezıdenttiń ne ózi, ne otbasy músheleri joq ekenin málimdep otyr. Sonymen qatar, Mysyr basshylyǵy atalǵan ótinishti Eýro­odaqqa qatysty da jasaǵan. Endi EO elderiniń qarjy mınıstrleri arnaıy májiliste Mysyr basshylyǵynyń ótinishin talqy­lamaq. Qazirdiń ózinde joǵarydaǵy ótinishter qanaǵattandy­ry­latyn syńaıly. О́kinish­tisi, tizimde Múbáraktiń ne ózi, ne otbasy músheleri joqtyǵy ǵana. IEMENDE DE QAQTYǴYSTAR JALǴASÝDA Iemenniń astanasy Sana qalasynda manıfestanttardyń polısııamen jáne el prezıdenti Abdalla Salehtyń jaqtas­ta­rymen qaqtyǵystar qaıta jalǵasty. 3 myń qaraly nara­zylar el astanasyndaǵy basty alańǵa kelip, prezıdenttiń otstavkaǵa ketýin talap etti. Qaqtyǵys saldarynan birneshe adam jeńil dene jaraqatyn aldy. Prezıdenttiń otstavkasyn talap etken demonstrasııalar sondaı-aq Taız qalasynda kórinis berdi. Onda 8 manıfestant jaraqattanǵan. Odan bir kún buryn bolǵan osyndaı aksııa bary­synda on adam tutqynǵa alynǵan eken. Prezıdent Saleh kelesi merzimge saı­lanbaımyn, 2013 jyly otstavkaǵa ketemin dep málim­degendikten, parlamenttik oppozısııa úkimetpen kelissózge kelýge kelisken. RESEI KÝRILDEGI ÁSKERIN KÚShEITEDI Kýrıl araldarynda ornalasqan 18-shi pýlemettik-artıl­le­rııalyq dıvızııaǵa endi zenıttik-zymyrandyq brıgada qosyla­tyn boldy.  Sonymen qatar, ásker quramalarynyń qarý-jaraq­tary da jańalarymen almastyrylatyny málimdeldi. Bul aqparatty Reseı qorǵanys mınıstri Anatolıı Serdıýkov te qýattady. Onyń sózine qaraǵanda, Reseı Kýrıl araldaryndaǵy stra­te­gııalyq nysandaryn nyǵaıtýǵa qajetti sharalardyń bárin jasaı­tyn bolady. Bul málimdeme  Reseı men Japonııa arasyndaǵy qarym-qatynas ótkirlene túsken jaǵdaıda jasalyp otyr. Eki jaqty qarym-qatynas japondar óz aýmaǵy sanaıtyn Kýrılge Reseı prezıdenti D.Medvedev saparmen barǵan soń buzylǵan bolatyn. BAHREINDE DE KО́Z JUMǴANDAR BAR Týnıs pen Mysyrdaǵy halyq kóterilisi nátıjeli aıaqtal­ǵan­nan soń bolar, mundaı oqıǵalar qara qurlyqtyń jáne arab áleminiń keıbir jerlerinde kórinis bere bastady. Máselen, Bahreınde demonstranttar men polısııa arasyndaǵy qaqty­ǵys saldarynan bir adam qaza taýyp, kem degende 25 adam ja­raqattanǵan. Elde kópshilik bolyp tabylatyn shııtter bıleýshi súnnıt azshylyǵynan qysym kórgenderine tózbeıtindikterin endi ǵana ashyq bildire bastaǵandaı. Bahreınniń koroli súnnıt ókili bolyp tabylady. Elde azshylyq bola tura, erkinsıtinderi koroldi arqa tutatyn­dyqtan ekeni anyq. Demonstranttar jazylýyna súnnıt­termen qatar, shııtter de qatysa alatyn jańa konstıtýsııa qabyldaýdy, premer-mınıstrdi saılap qoıýdy talap etip otyr. QARÝ-JARAQ PEN ESIRTKI TÁRKILENDI Argentına basshylyǵy Amerıka Qurama Shtattarynan AQSh áskerı-áýe kúshteriniń ushaǵynan tabylǵan deklarasııa­lan­baǵan qarý-jaraq pen esirtkige baılanysty túsinikteme talap etti. AQSh ushaǵy Býenos-Aıreske birlesken áskerı jattyǵýlar ótkizýge kelgen sarapshylar men qural-jabdyq­tar­dy jetkizýge oraı qonǵan bolatyn. Qarý-jaraq pen esirtkini S-17 júk ushaǵyn qaraý barysynda jergilikti kedenshiler tapqan eken. Olar týraly AQSh taraby usynǵan eshqandaı qujatta málimet joq bolǵan kórinedi. Argen­tı­nalyqtar ushaq bortyndaǵy júktiń barlyǵyn kámpeskelep, AQSh-tan oqıǵany birge tekserýdi talap etken. Túsinispestik saldarynan birlesken oqý-jattyǵý da ótpeı qalǵanǵa uqsaıdy. QYZMETKERI KESIRINEN JUMYSTAN KETTI Lıtva polısııasynyń bas komıssary Vızgırdas Telıchenas otstavkaǵa ketti. Onyń mundaı qadamǵa barýyna polısııa qyzmetkerleriniń biri jol-kólik oqıǵasyn jasap, birneshe kisiniń ólimine soqtyrýy sebep boldy. Keıin anyqtal­ǵa­nyn­daı, polısııa qyzmetkeri rólge mas kúıinde otyrypty. Telıchenas oqıǵaǵa túsinikteme bere kele, polısııanyń is-áreketine tek bas komıssar ǵana emes, sondaı-aq keıbir bólim­shelerdiń bas­shylary da jaýap berýi tıistigin atap ótken. El prezıdenti Dalıa Grıbaýskaıteniń tóńiregindegiler Telıchenastyń otstavkasyn laıyqty qadam dep baǵalap otyr. Mundaı qadamǵa eki basshynyń biri bara ber­meı­tini belgili. QYSQA QAIYRYP AITQANDA: • Mysyrda bılik basyna kelgen áskerıler parlamentti taratyp, konstıtýsııa áreketin toqtata tu­ra­tyndaryn jarııalady. Sondaı-aq 6 aı ishinde jańa prezıdenttik saılaýǵa daıyndyq júrgizýge ýáde berdi. • Palestına avtonomııasynyń úkimeti otstavkaǵa ketti.  Premer-mınıstr Salam Faııad bastaǵan úkimettiń ot­stavka­syn avtonomııa prezıdenti Mahmud Abbas qabyl aldy. Bul oqıǵa Izraılmen kelissózder týraly qupııa qujattardyń syrtqa jarııalanyp ketýimen baılanysty oryn alǵan sııaqty. • Italııa premer-mınıstri Sılvıo Berlýskonıge qatysty is sotqa joldandy. Oǵan kámeletke tol­maǵandarmen seksýaldy qarym-qatynasqa tústi degen aıyp taǵylyp otyr. 74 jastaǵy premer isi boıynsha alǵashqy sot májilisi 6 sáýirge belgilengen. Internet materıaldary negizinde ázirlendi.