Taǵy bir úmitker synaqtan súrindi

Keshe prezıdenttikke kandıdat retinde ózin-ózi usynǵan Astana qalasynyń turǵyny, ýaqytsha jumyssyz Qanat Esjanov prezıdenttikten úmitkerlerdiń memlekettik tildi erkin meńgergendigin anyqtaıtyn Lıngvıstıkalyq komıssııaǵa synaq tapsyrdy. – Prezıdenttik saılaýǵa qa­­tysý týraly sheshim qabyldaýdyń ońaı emes ekendigi belgili, – degen edi ol synaq aldynda BAQ ókilderine bergen suhbatynda. – Meni bolashaq urpaqtyń taǵdyry qatty alańdatady. Sondyqtan da elimizde bolyp jatqan saıası úde­risterdi syrttaı baqylaǵannan góri, onyń tikeleı qatysýshysy bol­ǵandy jón kórdim. Kandıdat Ádilet mınıstr­li­gi­niń bir aksıonerlik qoǵamynda maman, keıinnen dırektordyń orynbasary qyzmetin atqarǵan eken. Qazir ýaqytsha jumys istemeıdi. Al Lıngvıstıkalyq komıs­sııa otyrysyndaǵy synaqta ol «Táýelsizdik belesteri» taqy­rybyn tańdaǵan bolatyn. Synaq nátıjesin jarııalaǵan Lıngvıstıkalyq komıssııanyń tór­aǵasy Myrzataı Jol­das­be­kovtiń jýrnalısterge habar­la­ǵa­nyndaı, úmitker «Táýelsizdik belesteri» taqyrybyna jazǵan shyǵarmasynda barlyǵy 32 qate jibergen. Sondaı-aq ol Abaıdyń qara sózderin ejiktep, óte qı­nalyp oqyǵan. Buǵan qanaǵat­tan­baǵan Komıssııa músheleri oǵan qosymsha suraqtar da qoıǵan eken. Kandıdat buǵan da kóńilden shyǵatyndaı jaýaptar qaıtara almaǵan. Al sońǵy synaq – 15 mınót erkin sóıleýdiń ornyna kandıdat nebári 6 mınót qana sóılegen. Lıngvıstıkalyq komıs­sııa­nyń músheleri prezıdenttikke kandıdat Qanat Esjanov memlekettik tildi erkin meńgermegen degen qorytyndy shyǵarǵan. Álısultan QULANBAI.