О́nimi ótimdi de tózimdi

Elbasy Nursultan Nazarbaev óziniń  Qazaqstan halqyna bıylǵy Joldaýynda turǵyn úı-kommýnaldyq sharýashylyq salasyn damytý jáne eldi mekenderdi sapaly aýyz sýmen qamtamasyz etý máse­lelerine basa nazar aýdardy. Mundaı  baǵdarlamalardy júzege asyrý ómirlik másele ekenin atap ótti. «Sýmen, jylý­men, elektr jáne gazben qamtamasyz etý júıe­lerine keń aýqymdy jańartý júr­gizip, sondaı-aq, turǵyn úı qatyna­synyń ońtaıly modelin qurý qajet», – dep  qadap aıt­ty. Aımaqtyq ındýstrııalan­dy­rý kartasy aıasynda saly­nyp, búgin-erteń paıdalanýǵa berilgeli otyrǵan qýaty jy­ly­na 20 mıllıon tonna metall qurylǵylaryn shyǵarýǵa eseptelgen «Aqtó­be­qu­rylyshım­qu­rastyrý» JShS polıetılen qubyrlary zaýytynyń jalpy jobalyq quny 900 mıllıon teńge qu­raıdy. Álemdik ozyq tehnologııaǵa eseptelgen bul zaýytta joǵary  jáne orta qysymdy ár túrli dıametrdegi qubyrlar  shyǵa­ry­lady. Joba «Nurbanktiń» zaem­dyq qar­jysymen qarjy­lan­dyryldy. О́ndiriste eń ozyq ınnovasııalyq tehnologııa – Ger­manııanyń «KraussMaffei» kom­panııasynyń qýat tıimdiligi joǵary eks­trýzıondyq jelisi paıdalanylady. Qubyr ónim­de­rin óndirýge Germanııa men Ko­­reıa­nyń óte sapaly polıetıleni qolda­nylady. Son­dyqtan zaý­yt­ta shyǵarylǵan polıetılen qubyrlary 50 jylǵa shydas beredi. «Aqtóbequrylyshım­qu­ras­ty­rý» JShS-niń dırektory Serik Ahmetalınniń aıtýynsha, kásiporynda shyǵarylatyn po­lı­etılen qubyrlary  turǵyn úı-kommý­nal­dyq sharýashy­ly­ǵyn­da sý, kanalızasııa jáne gaz júıelerin jańartýǵa taptyr­maı­dy. Qazir nysan jumys isteýge tolyq daıyn, ázirge iske qosý-retteý jumystary júr­gi­zilýde. Munda 70 adam eńbek etetin bolady. Zaýyt tolyq qýa­tyna kóshkende 150 adam ju­mys isteıdi. Qajetti jumys­shylar  tájirıbeli jáne kásibı sheberligi joǵary jergilikti ma­mandardan irikteletin bo­la­dy. Jańa zaýyttyń aýmaǵynda bir mezette 2 myń tonna qubyr saqtaıtyn óndiristik baza, po­lıetılen qubyrlaryn óndi­re­tin seh, ákimshilik-turmystyq ǵı­marat, ashana, derbes jylý qa­zandyǵy salynǵan. 2,5 kVt-tyq shaǵyn stansa quras­ty­rylyp, ýchaskelerge barlyq syrtqy kommýnıkasııalar júr­gizilgen. Tuǵyn úı-kommýnaldyq sha­rýashylyq salasynda jańartý jumystaryn qar­qyn­dy júrgizý qajettigi týyp otyrǵan qazirgi kezeńde zaýyt ónimderine su­ranys ta joǵary bolmaq. Jo­bany júzege asyrý Batys Qa­zaqstannyń polıetılen qubyr­laryna degen qajetin ótep qana qoımaı, taıaý jyldarda Reseı­diń kórshiles aımaqtarynyń rynogyna shyǵarýǵa da múm­kindik beredi. Satybaldy SÁÝIRBAI. Aqtóbe oblysy.