Qoǵamdyq qabyldaý ótkizdi

Parlament Májilisiniń depýtaty Jámıla Nurmanbetova «Nur Otan» partııasynyń Astana qalalyq fılıalynda qoǵamdyq qabyldaý ótkizdi, dep habarlady Májilistiń baspasóz qyzmeti. Qoǵamdyq qabyldaý jumysy barysynda barlyq ótinish bildirgen azamattarǵa quqyqtyq keńes berilip, bilim berý, halyqty jumyspen qamtý jáne basqa da áleýmettik mańyzdy máselelerdiń zańnamalyq normalary túsindirildi. «О́zderińiz biletindeı, biz halyqtyń áleýmettik osal sanatyndaǵy jandardy áleýmettik qorǵaýǵa úlken mán bere­miz. Biz muqtaj adamdarǵa qoldaý jáne kómek kórsetýimiz kerek. «Nur Otan» par­tııasy Astana qalalyq fılıaly qoǵam­dyq qabyldaý bólmesinde Qazaqstan Respýb­lıkasy zańnamalarynyń sheńberinde qu­qyqtyq kómek kórsetilip, keńes beriledi. Qajet jaǵdaıda berilgen ótinish mazmunyn qaraýǵa ókiletti memlekettik jáne jer­gilikti atqarýshy organdarǵa hattar ji­beriledi», – dedi Májilis depýtaty. Qoǵamdyq qabyldaý bólmesinde sońǵy jeti aıda 300-den astam qoǵamdyq qabyldaý júzege asyrylsa, onyń 56-syn Parlament Májilisiniń depýtattary S.Q.Ahmetov, P.O.Kazansev, Q.S.Mýsın, S.F.Bychkova, J.N.Nurmanbetova, T.I.Iаkovleva ótkizipti. «Nur Otan» partııasy Astana qalalyq fılıalynyń qoǵamdyq qabyldaý ból­mesinde Astana qalasy ákiminiń orynba­sarlary, basqarmalar, departamentter men quqyq qorǵaý organdarynyń basshy­lary azamattardy turaqty túrde qabyl­daý jumysyn júrgizedi. Bul jerde adamdar óz suraqtaryna tatymdy jaýap jáne keńes ala alatyn bolǵandyqtan, ótinish bil­dirýshi astanalyqtardyń sany artyp keledi.