Pan Gı MÝN,
BUU Bas hatshysy:
– Men Prezıdent myrzaǵa onyń kóregen basshylyǵy men adamzattyń ıgiligi jolynda osy máseledegi erekshe kóshbasshylyǵy úshin rızashylyǵymdy bildirgim keledi.
Prezıdent Nazarbaev 1991 jyly Semeı synaq polıgonyn japqan kezde estilgen óte kúshti daýysy bar Kóshbasshy bolyp tabylady. Sheshim aıtarlyqtaı kúrdeli jaǵdaılarda qabyldandy, biraq ol osyny jasaýǵa qol jetkize aldy.
Barak OBAMA,
AQSh Prezıdenti:
– Nursultan Nazarbaevty quttyqtap, onyń kúni búginge deıin jalǵastyryp kele jatqan qarýsyzdaný salasyndaǵy atqarǵan jetekshi róli úshin rızashylyǵymdy bildirgim keledi.
Osydan jıyrma jyl buryn Qazaqstan ıadrolyq qarýdan bas tartý týraly sheshim qabyldady. Bul eldiń ekonomıkalyq jaǵynan damyp, ósip-órkendeýine jol ashty. Qazaqstan búkil álem úshin osy baǵytta kúsh-jiger jumsaýdyń úzdik úlgisine aınaldy. Men Sizge ıadrolyq qarýdan bas tartý salasyndaǵy jetekshi rólińiz úshin alǵys aıtamyn.
Iýkııa AMANO,
MAGATE-niń bas dırektory:
– Qazaqstan kóptegen el úshin ıadrolyq qarýsyzdaný salasynda kóshbasshy jáne úlgi bolyp tabylady. Men Sizdiń elińizdi osy salada qol jetkizgen orasan zor tabysymen quttyqtaımyn.
Qazaqstan qarýsyzdaný salasyndaǵy óziniń kóshbasshylyq rólin áli de jalǵastyra beredi dep senemin.
Derıl KIMBOLL,
Qarý-jaraqty baqylaý jónindegi assosıasııanyń dırektory (AQSh):
– Qazaqstan Prezıdentiniń Semeı polıgonyn jabý týraly sheshimi kúni búginge deıin óziniń ózektiligin joıǵan joq. Qazirgi tańda bárimiz de dál osy qadamnyń AQSh Senatynyń da Nevada shtatyndaǵy ıadrolyq polıgondy ýaqytsha toqtatý týraly sheshim qabyldaýyna ıtermelegenin túsinemiz.
Osynyń artynsha-aq, 1993 jyly Bıll Klınton ıadrolyq synaqtarǵa moratorıı jarııalady. Bul óz kezeginde Iаdrolyq synaqtarǵa jappaı tyıym salý týraly sharttyń paıda bolýyna alyp keldi. Bul jerde aqıqat bireý: Nursultan Nazarbaevtyń ıadrolyq polıgondy jabýy, shyn máninde, óte mańyzdy jáne tarıhı oqıǵa.
