Kásipkerlik aıasy keńeıip keledi

Kez kelgen isti bastaý úshin bastapqy kapıtal qajet. Al bank­terden nesıe alý aýyl kásip­kerleri úshin is júzinde ońaı emes. Desek te oblys ortalyǵynan 350 shaqyrym qashyqtyqtaǵy Qyzylqoǵa aýdanynda da kásipkerlik qanat jaıa bastady. Kásipkerler men kásip ashýǵa ynta tanytýshylar 2013-2015 jyldary 1338,6 mln teńgeniń nesıesimen qarjylandyryldy. Sońǵy úsh jylda aýdan boıynsha 80 kásipkerlik nysan (naýbaıhana, jylyjaı, saýda orny, qyzmet kórsetý oryndary jáne t.b.) iske qosylyp, 161 jańa jumys orny ashyldy. Qazir aýdanda 1223 bıznes sýbektisi resimdelgen. Aǵymdaǵy jyldyń 7 aıynda ártúrli baǵdarlamalar arqyly 38 joba júzege asty. 103,4 mln teńge nesıege qol jetkizildi. Osy jyly iske qosý josparlanǵan 31 kásipkerlik nysannyń 12-i iske qosylyp, bıznesterin júrgizýde. Aýdanda kásipkerlikti damytýdyń kartasy jasaqtalyp, osy kartada ár aýyldyq okrýgtegi ashylatyn bıznes oryndary naqty josparlanǵan. «Aýyl sha­rýashylyǵyn qarjylaı qoldaý qory» AQ arqyly nesıe alyp, kásibin dóńgeletip otyr­ǵan 7 naýbaıhana qyzmeti nan jáne nan ónimderimen qatar ártúrli tortqa tapsyrys­tar qabyl­dasa, M.Ábisheva basqaratyn «Nazgúlim» sharýa qojalyǵynyń shaǵyn et ónimderi sehy kotlet, frıkadelkı, tushpara jasap, tutynýshyǵa usynýda. Jeke kásipkerler N.Moldaǵalıeva men E.Ońǵarbaev ashqan jıhaz jasaý sehtary qazirgi zamanǵa laıyq jańa qural-jabdyqtarmen qamtylyp, ónimderi joǵary suranysqa ıe bolyp otyr. Plastıkalyq seh ashý úshin nesıemen qarjylandyrylǵan jeke kásipkerler E.Jumagereev, Q.Berkalıev, S.Mańǵybaev óz jobalaryn iske qosyp, jergilikti halyqtyń tapsyrysyn qamtamasyz etýde. Sondaı-aq Mııaly aýylynan jeke kásipker O.Nuradınovtiń Qyzmet kórsetý ortalyǵy 20 oryndyq ashana, shashtaraz, tigin tigý sııaqty shaǵyn qyzmet túrlerin qolǵa alsa, Saǵyz aýyl­ynda jeke kásipker A.Taıshybaevanyń saýda ortalyǵy iske qosylyp, 15 saýda jasaýshylar osy jerden óz kásipterin jasaýda. Halyqqa monsha, shashtaraz, sán salondary qyzmetterin kórsetýde. Máselen, Q,Aıtýǵanovtyń 20 oryndyq «Monsha jáne shashtaraz», A.Qaýashevanyń «Monsha ashý», J.Býzovanyń «Sulý­lyq salony» jobalaryna ınfra­qurylym tartýǵa nesıe qarjysy bólinse, taǵy bir kásip­ker L.Sahıevanyń «Turmystyq qyz­met kórsetý ornyn ashý» jobasy tigin, shashtaraz, perde jáne jalıýz tigý qyzmetterin qamtyp otyr. Aýyl halqyna tis dárigerlik qyz­me­tin kórsetýde jeke kásipkerler A.Nuradınova, A.Sarıev za­manaýı jańa qural-jabdyqtar alsa, S.Ajaıypov jobalyq quny 10,0 mln teńgelik «Aqnıet» tis emhanasy jobasyn iske qosty. «Nurly Jol» baǵdarlamasy aıasynda kúrdeli jóndeýi bas­­talǵan Aqtóbe – Atyraý – Astrahan respýblıkalyq mańy­zy bar tas jol aýdan aýmaǵynan ótedi. Osy joldyń boıy­nan bıznes nysandaryn ashý josparyna sáıkes Muqyr aýyly­nyń Jamansor eldi mekeninen G.Jolamanovanyń «Aǵataı» shaıhanasy, Saǵyz aýylynan jeke kásipker Ámirshe Nurly­bektiń «Alıhan» qonaqúıi jáne shaıhanasy iske qosylyp, jolaýshylarǵa qyzmet kórsetýde. Osy jol boıynan ashylǵan Muqyr aýylynan S.Ońǵarbaıdyń «Tegershik jamaý ornyn ashý» jobasy da qarjylandyrylǵan bolatyn. Sonymen qatar oblystyq mańyzy bar Qulsary-Beıneý tas joly boıyndaǵy Tasqudyq eldi mekeninen jeke kásipker K.Bıjanovanyń jobasy da jumysyn bastady. Buryn qolǵa alynbaǵan kásiptiń biri – jańa tehnologııamen iske qosylǵan 4 jylyjaı halyqty kókónispen qamtýda óz úlesterin qosyp otyr. Bolashaqta Mııaly aýylynan repe­tı­torlyq ortalyq, Tasshaǵyl aýylynan «Janar-jaǵarmaı beketin ashý», Qarabaý aýylynan «Qus ósirý» jobasy, Mııaly aýylynan «Balalarǵa arnalǵan taǵamdar satý» dúkeni, «Meıramhana jáne gıpermarket» jobalaryn iske qosý jos­parlanyp otyr. Zınesh SARBÝFEEVA, Qyzylqoǵa aýdandyq kásipkerlik bóliminiń basshysy Atyraý oblysy