«Boko haram» tobynyń lıderi ólimshi bolyp jaralandy

Afrıkadaǵy «Boko haram» terrorlyq tobyrynyń lıderi Abýbakar Shekaý ólimshi bolyp jaralandy. Bul aqpardy Nıgerııa prezıdenti Mýhammad Býharı rastap berdi. Onyń aıtýynsha, Shekaý Nıgerııa áýe-qorǵanys kúshteriniń soqqysy barysynda aýyr jaraqat alyp qalǵan. Avıasoqqy ótken juma kúni Shekaý Nıgerııanyń soltústik-shyǵysyndaǵy Borno shtatynyń Taıe derevnıasynda qaraýyndaǵy komandırlermen birge dinı salttar jasaýǵa daıyndalyp jatqan kezde berilgen. RIA «Novostı» habarlaǵandaı, soqqy kezinde úsh dala komandıriniń kózderi joıylyp, qaraqshylardyń basshysy ólimshi bolyp jaraqat alyp qalǵan. «Boko haram» - radıkaldy ıslam tobyry. Onyń sodyrlary negizinen Nıgerııanyń soltústigi men soltústik-shyǵysynda áreket etedi. Biraq shabýyldy Nıger, Kamerýn jáne Chad sekildi kórshi elderge jasaıdy. Ol búkil elge sharıǵat zańyn engizý jolynda kúresedi. Murat AITQOJA