Nemis saıasatkeri: Obama Pýtınge bulaı demeýi kerek edi

Batys saıasatkerleri Reseı prezıdenti Vladımır Pýtınmen qarym-qatynasta aıtarlyqtaı úlken qatelikterge jol berip qoıdy. Endi sonyń jemisin ózderi terip, jep jatyr. Germanııa býndestagindegi solshyldar partııasynyń burynǵy basshysy, nemistiń belgili saıasatkeri Gregor Gızı osylaı dep esepteıdi. Bul rette ol eń aldymen AQSh prezıdenti Barak Obamanyń Reseıdi aımaqtyq derjava dep kemsite ataýynyń beker bolǵanyna nazar aýdartady. «Pýtın -  jolbarystyń qaıraty bar kúreskerler teginen, mundaı adamǵa ondaı nárselerdi aıtýǵa bolmaıdy. Onyń ústine, Pýtın men Obamanyń jeke qarym-qatynastary da basynan jaqsy bolyp qalyptasa qoımady. Qalaı bolǵanda da, Pýtın amerıkalyqtarǵa Sırııadaǵy soǵysta Reseıdiń álemdik deńgeıdegi derjava ekenin tolyq tanytyp berdi», - dedi Gızı óziniń Die Welt gazetine bergen suhbatynda. Ol Batystyń qatelikteri qataryna sondaı-aq Iýgoslavııany bombalaýdy, Reseıdiń Shyǵys Eýropadaǵy shekarasy boıyna raketaǵa qarsy qorǵanys júıelerin ornalastyrýdy, Ýkraınany batys alıansyna tartpaq bolǵan áreketti jatqyzdy. Gregor Gızı budan bólek, Batystyń kezinde Kosovonyń bólinip shyǵýynda qandaı ról oınaǵanyn alǵa tarta otyryp, Qyrym úshin Reseıge qarsy sanksııa engizýdiń túk keregi bolmaǵanyn atap ótti. Saıasatker endi Máskeý Batysty álsiretý úshin kez kelgen batyl qımylǵa barady dep sanaıdy. Ol sol maqsatta Túrkııamen qarym-qatynasty qalpyna keltirip alady. Ol osyǵan baılanysty Batys lıderleri sheshimderiniń oılanbastan jasalǵan áreket retinde atap kórsetedi. Murat AITQOJA