«Kazahstanskaıa pravda» gazeti de dızaınyn jańartty

Aqparat jáne kommýnıkasııa mınıstrliginiń Ortalyq kommýnıkasııalar qyzmetinde «Kazahstanskaıa pravda» respýblıkalyq gazetiniń jańartylǵan dızaınynyń tanystyrylymy ótti. «Kazahstanskaıa pravda» RG» AQ basqarma tóraǵasy Aleksandr Tarakov gazetti bezendirýdiń jańa formatyn qalyptastyrýda «Nıý-Iork Taıms», «Vashıngton post», «Deılı nıýs» sııaqty belgili basylymdardyń tájirıbesi qoldanylǵanyn atap ótti. «Gazettiń bas redaktorynyń orynbasary Sergeı Nesterenko jetekshilik etken top bar tájirıbeni jınaqtap, birqatar basylymdardy zerttep shyǵyp, jańa ózgerister engizdi. Ol ózgeristerdi «Kazahstanskaıa pravdanyń» erteńgi nómirinen kórýge bolady», – dedi A.Tarakov. Budan bólek, erteńnen bastap «Kazahstanskaıa pravda» gazeti men Kazpravda.kz saıty burynǵydan da tyǵyz árekettesetin bolady. Qaǵaz basylymnyń birinshi jolaǵynda QR-kod ornalastyrylady, ol arqyly oqyrman óz gadjetindegi sáıkes qosymsha arqyly tikeleı saıtqa kire alady. Internet redaksııanyń bas redaktory Damır Aıdarov basylym portalynyń 2014 jyldan beri bólek formatta jumys isteıtinin atap ótti. «Biz logotıpti ózgertip, jańa jobalardy usynbaqpyz. Ony bizdiń oqyrmandar baǵalaıdy dep senemiz. Sondaı-aq jańa baǵyttardy – beınematerıaldar, beınejańalyqtardy belsendi túrde ıgerip jatyrmyz», – dedi D.Aıdarov. Aıdar О́RISBAEV