О́rkenıettiń ómirsheń ónegesi

Astana qalasynda ótken «Iаdrolyq qarýsyz álem qu­rý» atty halyqaralyq kon­fe­­rensııaǵa qatysyp, álem­dik deń­geıde kóterilgen kele­li má­selelerdiń kýási boldym. Elbasynyń álem­dik deńgeıdegi ıadrolyq qa­rýsyz­dandyrý jónindegi bastamasy – Jer sharyndaǵy búkil adam­zatty ıadrolyq synaqtardan birjo­la bas tartýǵa jáne beıbitshilikke shaqyr­ǵan úndeýiniń nátıjesin kórip, uǵyndym. Konferensııa barysynda Elbasy Qazaqstan halqy úshin ıadrolyq qarý men radıasııa sonshalyqty túsiniksiz teorııa emes ekenin jáne elimizdiń aýmaǵynda 500-ge tarta atmosferalyq, jerústi jáne jerasty «beıbit» dep atalyp kelgen áskerı synaqtar jasal­ǵanyn atap ótip, búgingi kúnge deıin osy sy­naqtyń zardabyn tartyp kele jat­qa­nyn baıandap, adamzatty ıadrolyq qa­rýsyz álem qurý máselesine bir kisi­deı at­salysýy qajettigin jetkize bildi. Búginde Semeı polı­go­nynyń jabylýyna 25 jyl tolýy – ıadrolyq qarýsyz álem qurý bastamasynyń ózge elderge úlgi bolarlyqtaı birden-bir fakt ekenin aı­týǵa bolady. Semeı sy­naq alańynyń jabylýy eli­mizdiń bolashaǵyn, ıaǵnı beı­bitshilikti tańdaýdyń durys­tyǵyna eshkim kúmán keltir­meıdi. Iаdrolyq qarýdan bas tartý arqyly elimizdegi turaqtylyqty, beıbitshilikti qamtamasyz ete bildik. Álemdegi qarýly qaqtyǵystardy toqtatyp, beıbit ómirge bastaıtyn Vashıngton qalasynda ótken Iаdrolyq qaýipsizdik jónindegi IV sammıtte jarııalanǵan Elbasy Nursultan Nazarbaevtyń «Álem. XXI ǵasyr» manıfesi álemdik deńgeıde qoldaý tapqanyn basa aıtqan durys. Sondyqtan, osy maqsatta elimizde keńinen nasıhat jumystaryn júrgizýge «Nur Otan» partııasy barsha qazaqstandyqtardy shaqyrǵany málim. Osynaý birlikke bas­taý bolatyn keleli is Jetisý jerinde jandy jalǵasyn taýyp, memlekettik saıasatqa saı qadam jasaıtynyna kámil senim bildiremiz. Ǵalıasqar SARYBAEV, «Nur Otan» partııasy Almaty oblystyq fılıaly tóraǵasynyń birinshi orynbasary TALDYQORǴAN