Jańa múmkindikter kezeńi

Elbasy N.Á.Nazarbaevtyń ha­lyqtyń áleýmettik ál-aýqatyn art­tyrýǵa baǵyttalǵan, parasat pen kóregendikke toly «Bola­shaqty bir­ge qalaımyz» atty Joldaý­yn­da jarııa etilgen tyń bastaýlar kez kelgen salada jańa múmkindik­ter ashady. Joldaý qo­ǵamnyń al­dyna jańa mindetter qoıdy, usta­nymy joǵary talaptar júktedi. Atap aıtsaq, onda basty nazar áleý­met­tik, den­saýlyq saq­taý, bilim berý, tur­ǵyn úımen qamta­ma­syz etý syn­dy aıshyqty máse­le­lerge arnaldy. Aý­yl sha­rýashy­ly­ǵy salasyn ór­kendetý, ındýs­trııa­landyrý men ınfra­qu­ry­lym­dy damytý esebinen or­nyq­ty eko­nomıkalyq ór­leý­ge qol jetkizý, adamdardyń bá­se­­kege qabiletti­ligin arttyrý úshin jaǵdaı jasaý qajettigi aıtyldy. Jegi qurttaı jal­maǵan jem­qorlyq indetin joıý shara­la­ry kórsetildi. Halyq­ara­lyq sa­rap­shy­lardyń taldaýy boıynsha Qa­zaqstannyń jemqor­lyqqa qar­sy zańnamasy eń tıimdi bolyp tanyldy. Bul oraıda keden or­gandary, ásirese, Astana qalasy boıynsha kedendik baq­y­laý departamenti jemqorlyqpen kú­res­te pármendi ister atqaryp keledi. Keden odaǵy qurylyp, sonyń arqasynda ótken jyly oǵan mú­she memleketterge qazaqstandyq ónim eksporty 52,4 paıyzǵa ar­typ, al bıýdjetke túsetin keden bajynyń ósimi 25 paıyzdy qu­rady. Keden odaǵy úsh eldiń óz­ara yntymaqtastyǵy men serik­tes­tiginiń jarqyn kepili. Al Astana qalasy boıynsha kedendik baqylaý departamenti respýblı­kanyń bıýdjetin keden tólemderi men salyqtar esebinen 5 mlrd. 447 mln. teńgege molaıtty. Sol sııaqty Joldaýda qazaqty ult et­ip biriktirip otyrǵan ana tili­miz­diń taǵdyry týraly, 2017 jyly qazaq tilin meńgergen qazaqstan­dyqtar sany 80 paıyzǵa, al 2020 jyly 95 paıyzǵa artatyndyǵy aıtyldy. Bul arada departamentimizde is-qaǵazdar júrgizý to­lyq­taı qazaq tiline kóship, bar­lyq shyǵys hattar tek qazaq tilinde joldanatynyn atap aıt­qym keledi. Memlekettik tildiń qoldanylý aıasy meılinshe ke­ńeı­­tile túsýde. Baqytjan SALQYMBEKOV, Astana qalalyq kedendik baqylaý departamenti bastyǵynyń mindetin atqarýshy.