Manıfest qaǵıdalary maquldandy

Asta­na­daǵy Táý­el­sizdik saraıynda Elbasy Nursultan Nazarbaevtyń qaty­sýy­men ótken «Iаdrolyq qarý­syz álem qurý» atty halyqaralyq konferen­sııanyń keńestik dá­ýirde 456 ıadrolyq tajal synaqtardyń qur­bandyǵy bolǵan óz elimiz úshin ǵana emes, sonymen qatar,  ıadrolyq klýbqa kiretin alpaýyt elderdiń synaq alańdary men atom bombasynan tikeleı zardap shekken ózge halyqtar úshin de, atomsyz beıbit álemde ómir súrýdi kókseıtin ózge memleketter úshin de máni zor boldy. Bulaı deýge tolyq negiz bar. Birinshiden, atal­­mysh kon­fe­ren­­­­­­sııa Se­­meı ıadro­lyq sy­­­naq alańy­­­nyń jabyl­ǵa­­nyna shı­rek ǵasyr tolǵan me­­reıli sátine baǵysh­­­talsa, ekinshiden, bul sha­ra óz jerindegi ala­pat ıadrolyq arsenaldan óz betimen bas tart­qan, sondaı-aq, álem­degi antı­ıad­rolyq qoz­ǵalystyń kósh basynda kele jatqan jáne atom q­a­rýynsyz-aq qaýipsizdigin saqtap, tu­raqty damýdyń sara jolyna túsken Qazaqstan Respýblıkasy egemendiginiń 25 jyldyǵyna baǵyshtaldy. Úshinshiden, bul kon­ferensııaǵa álemniń 52 elinen bedeldi tulǵalar bastap kelgen delegasııalardyń qura­mynda beıbit atom qaǵıdasyn ustanǵan 180-ge jýyq adam qa­tysty. Olardyń ishinde áıgili saıasatkerlermen qatar, abyroı-ataǵy bıik parlament depýtat­tary, ókimetterdiń jaýapty qyz­metkerleri, ártúrli halyqaralyq uıymdardyń ókilderi, qala merleri, qoǵam qaıratkerleri jáne úkimettik emes uıymdardyń ókilderi de barshylyq. Konferensııanyń jalpy otyrysy men tórt paneldik sessııa­larynda sóz alǵan tulǵalardyń barlyǵy da Qazaqstan Prezı­den­tiniń tereń mazmundy baıanda­masy men BUU-nyń resmı qujat­tarynyń biri bolyp tirkelgen  «Álem. XXI ǵasyr» atty manı­fesine jáne konferensııa qabyl­daǵan «Astana kózqarasy: ıadro­lyq synaqtarǵa tyıym salýdan – ıadrolyq qarýsyz álemge» atty  úndeýge  biraýyzdan qoldaý kórsetti. Ádil AHMETOV, Qazaqstannyń eńbek sińirgen qaıratkeri