Eki ǵasyrǵa jýyq tarıhy bar qazan

Bolashaq aýyldyq okrý­gine issaparymyz barysynda qundy tarıhı jádigerdiń kýási boldyq. Ol osy okrýgke qarasty Jańatań aýylynyń turǵyny Nurlybek Otarov pen Aqmaral Omarovanyń úıinde saqtaýly turǵan, eki ǵasyrǵa jýyq tarıhy bar shoıyn qazan. Qazannyń ıesi Aqmaraldyń aıtýy boıynsha, atasy Izmurattyń aǵasy О́temurat Omarov 1940 jyl­dary isti bolyp, Tomsk qala­synda júrgen kezinde, sol jaqtan elge alyp kelgen. Sol kezden beri atadan balaǵa mura bolyp kele jatqan qazannyń janynda 1831 jáne PZMZ degen jazýy bar. Áleýmettik jeli arqyly izdestirgenimizde PZMZ jazýy baıyrǵy tarıhy bar Petrovsko-Zabaıkalsk metallýrgııa zaýytynda jasalǵanyn, al, 1831 jazý qazannyń quıylǵan jylyn bildiredi. Sol kezde bul zaýytta Reseı tarıhynda ózindik iz qaldyrǵan «Jeltoqsanshylar» (De­ka­brıster) jumys jasa­ǵan eken. Bul qundy já­diger aýdan tarıhynan syr shertetin ólketaný mura­jaıyna tap­syrylsa, keıingi jas urpaq­qa mura bo­lyp qalary sózsiz. Qaırat JAQYP  Batys Qazaqstan oblysy, Qaztalov aýdany