Yqylasty yntymaq

Taıaýda Serbııanyń astanasy Belgrad qalasynda saýda-ekonomıkalyq yntymaqtastyq jónindegi Qazaqstan-Serbııa úkimetaralyq komıssııasynyń birinshi otyrysy ótti. Is-shara barysynda taraptar eki eldiń saýda jáne ınves­tısııalar, geologııa jáne aýyl sharýashylyǵy, sondaı-aq, qy­l­­mys­tyq jolmen alynǵan kiris­t­erdi jylystatýǵa qarsy is-qı­myl salalaryndaǵy ynty­maq­­tastyǵyn talqylady. Son­­daı-aq, qorshaǵan ortany qor­­ǵaý, bilim, qurylys jáne tý­rızm­­ge baılanysty máseleler qaraldy. Plenarlyq sessııaǵa Ser­bııa­­nyń ekonomıka mınıstri Goran Knejevıch pen Qazaq­stan­nyń Ulttyq ekonomıka mı­nıstri Qýandyq Bıshimbaev qatysty. Q.Bıshimbaev óz sózinde 2015 jyly $55,8 mln qura­ǵan eki­jaqty taýar aına­ly­my­nyń eki eseden astam ósýi­ne qara­mastan, onyń deń­geıi qolda bar áleýetke sáı­kes emes dep atap ótti. «Kórsetil­gen derekter is­ker­lik jáne ınvestısııalyq qa­rym-qatynastardy jandandyrý úshin is-sharalar qabyldaý qajet ekenin dáleldeıdi», dep sanaıdy Q.Bıshimbaev. Mınıstr 31 mamyrda Eýra­zııa­lyq ekonomıkalyq odaqqa múshe memleketterdiń basshylary EAEO men Serbııa ara­syn­daǵy erkin saýda týraly kelisim boıynsha kelissózder bastaý týraly sheshim qabyldaǵanyn eske saldy. Atalǵan kelisimniń qorytyndysy men onyń iske asy­rylýy, onyń oıynsha, Qa­zaq­stan men Serbııanyń saý­da-ekonomıkalyq qarym-qaty­­nastaryn jańa deńgeıge shy­ǵarýǵa múmkindik beredi. Aýyl sharýashylyǵy sala­syn­daǵy yntymaqtastyq úshin úlken múmkindikter ashylý­da. Qazaqstan ósimdik sharýa­shy­lyǵy men mal sharýa­shy­lyǵy salasynda ózara is-qı­myl­dy damytýǵa múddeli. «Biz as­tyq pen tabıǵı taza etti eks­port­taýǵa daıynbyz. Serbııa óziniń tabıǵı jaǵdaılary arqasynda bizdiń naryqqa kókónis pen jemis jetkizýshi retinde qyzy­ǵý­shylyq tanytady», dep habarlady Q.Bıshimbaev. Ol bilim almasýdy jandandyrý qajettiligin: stýdenttik baǵdarlamalardy ilgeriletý jáne eki eldiń úzdik joǵary oqý oryndarynyń akademııalyq orta ókilderiniń ózara saparlaryn ótkizý qajet ekenin atap ótti. Mınıstr otyrysqa qatysý­­shy­larǵa «Astana» halyqara­lyq qarjy ortalyǵynda ınves­torlar úshin jasalatyn jaǵ­daılar týraly aıtyp berdi, sondaı-aq, Serbııanyń qurylys kompanııalaryn «Nurly Jol» memlekettik baǵdarlamasy bo­ıynsha iske asyrylatyn jo­ba­­lar­ǵa qatysýǵa shaqyrdy. Qory­­tyndylaı kele, ekijaq­ty saý­da-ekonomıkalyq yntymaq­tas­tyqty jandandyrýǵa senim bildirdi. Serbııa tarapy Qazaq­stan bıznesmenderin respýb­lıka­daǵy, ásirese, ózara qyzy­ǵý­shylyq týdyratyn energetıka jáne taý-ken ónerkásibi, qurylys jáne qurylys materıaldary ónerkásibi, mashına jasaý jáne qolóner, aýyl sharýa­shylyǵy, hımııa jáne far­masevtıka ónerkásibi sala­syn­daǵy bıznes ortamen jaqy­nyraq tanysýǵa shaqyrdy. Serbııa, sondaı-aq, ózderi­niń qurylys jáne jobalaý kom­panııalarynyń Qazaq­stan­daǵy turǵyn úı qurylys baǵ­d­ar­lamasyna, sondaı-aq, jol, áýejaı qurylysyna jáne qurylys ónimderin jet­kizý­ge keńinen qatysýyna qyzy­ǵý­shylyq bildirdi. Taraptar sondaı-aq, Qazaq­stan men Serbııa aras­ynda­ǵy ynty­maqtastyq jónin­degi isker­lik keńes qurý týraly sheshim qabyldady. Ol Qazaq­stan men Serbııanyń bıznesi ara­synda ózara is-qımyldy úı­les­tiretin baılanystyrýshy býyn bolmaq. Saýda-ekonomıkalyq ynty­maq­tastyq jónindegi Qazaq­stan-Serbııa úkimetaralyq komıssııasynyń ekinshi otyrysy Astanada ótedi. «Egemen-aqparat»