Fınlıandııa EKSPO-2017-ge qatysý týraly shartqa qol qoıdy

Astanada Fınlıandııa Respýblıkasynyń «EKSPO-2017» halyqaralyq mamandandyrylǵan kórmesine qatysý shartyna qol qoıý rásimi ótti. Bul týraly pm.kz habarlady. Qujatqa «Astana EKSPO-2017» Ulttyq kompanııasynyń basqarma tóraǵasy Ahmetjan Esimov jáne Fınlıandııa Ulttyq seksııasynyń komıssary Severı Keınıala qol qoıdy. Kezdesý kezinde Ahmetjan Esimov fın tarapyn kórmeni uıymdastyrý jáne EKSPO-2017-ni halyqaralyq turǵydan ilgeriletý jónindegi jumyspen tanystyrdy. Ulttyq kompanııa basshysy búgingi tańda kórmege qatysatynyn 98 el men 18 halyqaralyq uıym rastaǵandyǵyn aıtty. «Jańartylǵan energııa kózderin qoldaný salasynda Fınlıandııa eýropalyq elder arasynda kóshbasshylardyń biri bolyp tabylady. JEK damytýdaǵy bizdiń tájirıbemiz kórmege qatysýshylar men kelýshiler úshin qyzyqty bolatyndyǵyna senimdimin», – dedi A.Esimov. О́z kezeginde, Fınlıandııanyń Ulttyq seksııasynyń komıssary Severı Keınıala eldiń osyndaı aýqymdy halyqaralyq is-sharalarǵa basqa skandınavııalyq eldermen birlese qatysqandyǵyn málimdedi. «Alaıda, bizdiń dostyq qatynastardy jáne kórmeniń ózekti taqyrybyn eskere otyryp, Fınlıandııa jeke ózi qatysýǵa sheshim qabyldady», – dedi ol. Aıdar О́RISBAEV