Qazaqstan Respýblıkasy Investısııalar jáne damý mınıstrliginiń buıryǵy  №326

2015 jylǵy 26 naýryz, Astana qalasy Aeroklýbtar týraly úlgilik erejeni bekitý týraly «Qazaqstan Respýblıkasynyń áýe keńistigin paıdalaný jáne avıasııa qyzmeti týraly» Qazaqstan Respýblıkasynyń 2010 jylǵy 15 shildedegi Zańynyń 14-baby 1-tarmaǵynyń 41-35) tarmaqshasyna sáıkes buıyramyn: 1. Qosa berilip otyrǵan Aeroklýbtar týraly úlgilik ereje bekitilsin. 2. Qazaqstan Respýblıkasy Investısııalar jáne damý mınıstrliginiń Azamattyq avıasııa komıteti (B.K.Seıdahmetov): 1) zańnamada belgilengen tártipte Qazaqstan Respýblıkasy Ádilet mınıstrliginde osy buıryqtyń memlekettik tirkelýin; 2) osy buıryqty Qazaqstan Respýblıkasy Ádilet mınıstrliginde memlekettik tirkelgennen keıin kúntizbelik on kún ishinde buıryqtyń kóshirmesin merzimdi baspa basylymdaryna jáne «Ádilet» aqparattyq quqyqtyq júıesine resmı jarııalaýǵa jiberýdi; 3) osy buıryq Qazaqstan Respýblıkasy Investısııalar jáne damý mınıstrliginiń ınternet-resýrsynda jáne memlekettik organdardyń ıntranet-portalynda ornalastyrýdy; 4) osy buıryq Qazaqstan Respýblıkasy Ádilet mınıstrliginde memlekettik tirkelgennen keıin on jumys kúni ishinde, osy buıryqtyń 2-tarmaǵynyń 1), 2) jáne 3) tarmaqshalarynda kózdelgen is-sharalar oryndalǵany týraly málimetterdi Qazaqstan Respýblıkasy Investısııalar jáne damý mınıstrliginiń Zań departamentine usynýdy, qamtamasyz etsin. 3. Osy buıryqtyń oryndalýyn baqylaý jetekshilik etetin Qazaqstan Respýblıkasy Investısııalar jáne damý vıse-mınıstrine júktelsin. 4. Osy buıryq birinshi resmı jarııalanǵan kúninen bastap kúntizbelik on kún ótken soń qoldanysqa engiziledi. Qazaqstan Respýblıkasynyń Investısııalar jáne damý mınıstriniń mindetin atqarýshy J.QASYMBEK Qazaqstan Respýblıkasy Investısııalar jáne damý mınıstriniń mindetin atqarýshynyń 2015 jylǵy 26 naýryzdaǵy №326 buıryǵymen bekitilgen Aeroklýbtar týraly úlgilik ereje 1. Jalpy erejeler 1. Osy Aeroklýbtar týraly úlgilik ereje (budan ári – Úlgilik ereje) «Qazaqstan Respýblıkasynyń áýe keńistigin paıdalaný jáne avıasııa qyzmeti týraly» Qazaqstan Respýblıkasynyń 2010 jylǵy 15 shildedegi Zańyna (budan ári - Zań) sáıkes ázirlendi. 2. Osy Úlgilik ereje aeroklýbtyń quqyqtyq márte­besin, onyń uıymdyq qurylymyn, aeroklýbta tirkelgen jalpy maqsattaǵy avıasııany paıdalanýshylardyń ushý qaýipsizdigin jáne avıasııalyq qaýipsizdikti qamtamasyz etýge baǵyttalǵan fýnksııalary men mindetterin belgileıdi. 3. Aeroklýb paıdalanýshylarmen jasalǵan shart­tarǵa sáıkes baqylanbaıtyn áýe keńistiginde ushqan kezde avarııalyq habar berýdi qamtamasyz etý boıynsha qyzmet usynady. 4. Aeroklýb usynatyn qyzmetter kórsetýge paıdalanýshylarmen jasalǵan sharttardyń esebin aeroklýb júrgizedi. 5. Aeroklýb óziniń qyzmetin eriktilik pen teń quqylyq qaǵıdattarynyń negizinde júzege asyrady. 6. Osy Úlgilik erejede mynadaı termınder paıdalanylady: 1) aeroklýb - áýeaılaqty (tikushaq aılaǵyn), áýe­jaıdy menshik quqyǵynda ne ózge de zańdy negizderde paıdalanatyn jáne Zańda kózdelgen jaǵdaılarda jalpy maqsattaǵy avıasııany paıdalanýshylardyń qyzmetin qamtamasyz etetin zańdy tulǵa; 2) jalpy maqsattaǵy avıasııany paıdalanýshy - áýe kemesin jalpy maqsattaǵy avıasııa maqsatynda ushý úshin paıdalanatyn jeke nemese zańdy tulǵa; 3) jalpy maqsattaǵy avıasııa - jeke jáne (nemese) zańdy tulǵalardyń menshigindegi jáne áýe tasymaldaryn, avıasııalyq jumystardy oryndaý, izdestirý-qutqarý jáne avarııalyq-qutqarý jumystaryn júrgizý, dúleı zilzalalar bolǵan jaǵdaıda aqysyz jáne jaldaýsyz kómek kórsetý maqsatynda, sondaı-aq oqý, sporttyq, mádenı-aǵartý is-sharalaryn júrgizý, tehnıkalyq shyǵarmashylyqty damytý, áýe kemesin paıdalanýshynyń jeke qajettilikterin qanaǵattandyrý maqsatynda paıdalanylatyn azamattyq avıasııa. 2. Aeroklýbtyń uıymdyq-quqyqtyq mártebesi 7. Aeroklýbty jeke jáne (nemese) zańdy tulǵalar zańdy tulǵa qura otyryp, derbes uıym retinde qurady (bekitedi). 8. Jylyna keminde bir ret shaqyrylatyn aeroklýb músheleriniń jalpy jınalysy joǵary organy bolyp tabylady. 9. Quryltaıshylardan jáne aeroklýb músheleriniń jalpy jınalysymen saılanatyn aeroklýb múshe­lerinen turatyn aeroklýb keńesi basqarý organy bolyp tabylady. 10. Keıinnen qaıta saılaný múmkindigimen aeroklýb keńesi bir jylǵa saılaıtyn jáne aeroklýbtyń jalpy jınalysynda bekitiletin aeroklýb basshysy atqarýshy organy bolyp tabylady. 11. Aeroklýbtyń jarǵysy qurylýynyń naqty sharttaryn, múmkindikteri men onyń jumysynyń erekshelikterin negizge ala otyryp, osy Úlgilik ereje negizinde ázirlenedi. 12. Aeroklýbtyń derbes teńgerimi, bank mekemelerindegi esep aıyrysý jáne ózge de shottary, móri, mórtabany, óziniń ataýy bar blankisi bolady. 13. Aeroklýb emblemany, tý men rámizdi qoldanady. 3. Aeroklýbtyń qurylymy 14. Jalpy maqsattaǵy avıasııany paıdalaný­shy­lardyń qyzmetin júzege asyrý úshin aeroklýbta mynalar bolady: 1) avıasııalyq baılanys, sonyń ishinde dybys zoraıtqysh quraldarymen jabdyqtalǵan áýeaılaq (tikushaq aılaǵy) jáne dıspetcherlik pýnkt; 2) áýe kemeleri úshin daıyndalǵan turaq oryndary; 3) áýe kemelerine tehnıkalyq qyzmet kórsetýge arnalǵan óndiristik oryndar; 4) oqý jáne tehnıkalyq-paıdalaný bazasy, qajetti jabdyq, avıasııalyq-tehnıkalyq múlik, qutqarý quraldary; 5) ushý quramynyń aldyn ala jáne ushý aldynda daıyndyqtan ótýine arnalǵan úı-jaılar; 6) qajetti meteorologııalyq jabdyq; 7) táýeldi baqylaý (jahandyq spýtnıktik oryndy anyqtaý) qurylǵylarymen jáne beınetirkeýishtermen jabdyqtalǵan áýe kemeleri. 15. Aeroklýb usynatyn qyzmet túrleri sertıfı­kat­taýǵa jatatyn jaǵdaıda, azamattyq avıasııa salasyn­daǵy ýákiletti organ sertıfıkasııalyq tekse­rip qaraýdy Zańnyń 14-baby 1-tarmaǵynyń 41-33) tarmaqshasyna sáıkes ótkizedi. 16. Aeroklýbta tirkelgen áýe kemelerin paıdalanýshylar ózderiniń menshik nysanyna jáne uıymdyq-quqyqtyq nysanyna qaramastan, óz qyzmetin Qazaqstan Respýblıkasynyń áýe keńistigin paıdalaný jáne azamattyq avıasııa qyzmeti salasyndaǵy zańnamasynyń talaptaryna sáıkes júzege asyrady. 4. Aeroklýbtyń mindetteri 17. Aeroklýbtyń mindetteri: 1) jalpy maqsattaǵy avıasııanyń áýe kemelerin paıdalanýshylarǵa ornalasý, ushýdy uıymdastyrý jáne oryndaý úshin múmkindik berý; 2) avarııalyq habarlaýdy qamtamasyz etý; 3) óz qyzmetterin paıdalanatyn paıdalanýshylarǵa (ıelerine) meteorologııalyq jáne aeronavıgasııalyq aqparatty, ushý jaramdylyǵyn qoldaý, áýe kemelerine tehnıkalyq qyzmet kórsetý jáne olardy jóndeý, avıasııa personalyn kásibı daıarlaý, jaýapkershilik aımaǵy sheginde áýe kemelerine qyzmet kórsetý, avıasııalyq qaýipsizdikti qamtamasyz etý jónindegi qyzmetterdi usyný; 4) oqý, sporttyq, mádenı-aǵartý, tehnıkalyq shyǵar­mashylyqty damytý is-sharalaryn uıymdastyrý jáne ótkizý; 5) avıasııalyq týrızmdi damytý; 6) Qazaqstan Respýblıkasynyń zańnamasynda tyıym salynbaǵan jáne aeroklýbtyń jarǵysynda kózdel­gen ózge de qyzmetterdi júzege asyrý bolyp tabylady. 5. Aeroklýbtyń qyzmeti 18. Aeroklýbqa basshylyq jasaýdy aeroklýb keńesi júzege asyrady, onyń músheleri aeroklýb keńesiniń tóraǵasyn tańdaıdy. Aeroklýb keńesi mynadaı mindetterdi sheshedi: 1) aeroklýbty qurý, qaıta uıymdastyrý jáne taratý; 2) aeroklýb basshysynyń laýazymyna kandıdatýra irikteý jáne taǵaıyndaý; 3) aeroklýbtyń uıymdyq-shtattyq qurylymyn bekitý; 4) aeroklýbqa bólinetin úı-jaıdy, avıasııalyq jáne basqa da tehnıkany, jabdyq pen múlikti paıdalaný tártibin aıqyndaý jáne baqylaý; 5) avıasııa personalyn daıarlaýdy qamtamasyz etý; 6) kirý jáne múshelik jarnalar mólsherin belgileý; 7) aeroklýbtyń jumys josparyn qalyptastyrý; 8) aeroklýbtyń oqý-ushý jáne qarjy-sharýashylyq qyzmetiniń qorytyndysyn qaraý; 9) aeroklýb músheleriniń jalpy jınalystaryn daıyndaý men ótkizýdi jáne aeroklýbtyń uıymdyq qyzmetin nyǵaıtýǵa baǵyttalǵan basqa da is-sharalardy júzege asyrý; 10) ózge de uıymdastyrý, sharýashylyq jáne tehnıkalyq máselelerdi júzege asyrý. 19. Aeroklýbty aǵymdaǵy basqarýdy aeroklýb keńesiniń múshesi bolyp tabylatyn aeroklýb basshysy júzege asyrady. Aeroklýb basshysynyń kandıdatýrasyn aeroklýb keńesi nemese jalpy jınalysy usynýy múmkin. Aeroklýb basshysy avıasııalyq qyzmet máse­lelerinde Qazaqstan Respýblıkasynyń áýe keńistigin paıdalaný jáne memlekettik avıasııa qyzmeti salasyndaǵy zańnamany, sharýashylyq-qarjylyq qyzmeti máselelerinde - aeroklýb keńesiniń sheshimderin basshylyqqa alady. 20. Aeroklýb basshysy mynadaı fýnksııalardy oryndaıdy: 1) uıymdar men mekemelerde aeroklýbtyń múddesin bildiredi, aeroklýbtyń múlki men qara­ja­tyna ıelik etedi, aeroklýbtyń barlyq shtattyq qyzmetkerleri men músheleri úshin mindetti bolatyn buıryqtar, ókimder jáne nusqaýlyqtar shyǵarady; 2) aeroklýb keńesiniń kelisimimen qolda­nystaǵy zańnamaǵa sáıkes óziniń orynbasarlaryn jáne aeroklýb qyzmetkerlerin qyzmetke taǵaıyndaıdy jáne qyzmetten bosatady; 3) óziniń orynbasarlary arasynda mindetterdi bóledi, aeroklýb qyzmetkerleriniń laýazymdyq nusqaý­lyqtaryn bekitedi jáne ózge de mindetterdi atqarady; 4) aeroklýbtyń avıasııalyq qyzmetin ózi jáne óziniń orynbasarlary arqyly uıymdastyrady, qamtamasyz etedi jáne basshylyq jasaýdy júzege asyrady; 5) osy Úlgilik ereje men aeroklýb jarǵysynan týyndaıtyn ózge de fýnksııalardy oryndaıdy. Aeroklýbtyń basshysy bolmaǵan jaǵdaıda, onyń fýnksııalaryn onyń orynbasarlarynyń biri oryndaıdy. 21. Aeroklýb: 1) óz qyzmetiniń barlyq máseleleri boıynsha Qazaqstan Respýblıkasynyń qoldanystaǵy zańnamasyn, osy Úlgilik erejeniń jáne aeroklýb jarǵysynyń erejelerin saqtaýdy; 2) aeroklýb jarǵysynda belgilengen negizgi mindetterdi oryndaýdy; 3) sharttyq mindettemelerin oryndaýdy; 4) jumysty josparlaýdy jáne avıasııa personalyn sapaly daıarlaý jónindegi josparlardy ýaqtyly oryndaýdy jáne ushý qaýipsizdigin qamtamasyz etýdi; 5) áýe kemelerin normatıvtik quqyqtyq jáne paıdalaný qujattamasynyń talaptaryna sáıkes tehnıkalyq paıdalanýdy; 6) aeroklýbta ornalasqan paıdalanýshylar men áýe kemeleriniń sany týraly azamattyq avıasııa sala­syndaǵy ýákiletti organǵa ýaqtyly habarlap otyrýdy; 7) Zańnyń 14-baby 1-tarmaǵynyń 41-4) tarmaq­shasyna sáıkes aeroklýbta tirkelgen paıdalaný­shy­lardyń áýe kemelerimen bolǵan avıasııalyq oqıǵalar men tosyn oqıǵalar týraly aqparat usynýdy qamtamasyz etedi. 22. Múshe bolý erikti negizde júzege asyrylady. Azamattyǵyna, jynysyna, násiline jáne ultyna qaramastan azamattar, sondaı-aq menshik nysanyna qaramastan zańdy tulǵalar múshe bola alady. 23. Aeroklýb músheleri aeroklýb jumysynyń barlyq máselelerin talqylaýǵa qatysady, aeroklýb­tyń basqarýshy organdarynyń quramyna saılanady, aero­klýb ınfraqurylymyn, jabdyqty, oqý qural­da­ryn ortaq negizde paıdalanady, sondaı-aq aeroklýb ótkizetin avıasııalyq-buqaralyq is-sharalarǵa qatysady. 6. Aeroklýb menshigi 24. Aeroklýb menshiginde ǵımarattar, qurylystar, turǵyn úı qory, jabdyq, múkámmal, qarjy, sonyń ishinde valıýta qarajaty, aksııalar jáne basqa da baǵaly qaǵazdar, sondaı-aq aeroklýb qyzmetiniń máni men maqsattaryn materıaldyq qamtamasyz etý úshin qajetti basqa da múlik bolýy múmkin. 25. Aeroklýbtyń qarjy qarajaty onyń músheleri arasynda qaıta bólinbeıdi jáne jarǵylyq maqsattar men mindetterge qol jetkizý úshin paıdalanylady. 7. Aeroklýbty qaıta uıymdastyrý jáne taratý 26. Aeroklýbty qaıta uıymdastyrý jáne taratý quryl­taıshymen kelisilgen aeroklýbtyń jalpy jınalysynyń sheshimi boıynsha nemese quryltaı­shy­nyń nemese Qazaqstan Respýblıkasynyń qoldanys­taǵy zańnamasynda kózdelgen tártippen sottyń sheshimi boıynsha júzege asyrylady. 27. Aeroklýbty taratý kezinde esep aıyrysýdan qalǵan múlik aeroklýbtyń jarǵylyq maqsatyna paıdalanylady. Buıryq Qazaqstan Respýblıkasynyń Ádilet mınıstrliginde 2015 jylǵy 28 sáýirde Normatıv­tik quqyqtyq kesimderdi memlekettik tirkeýdiń tizilimine №10819 bolyp engizildi.