Qazaqstan Respýblıkasy Ishki ister mınıstrliginiń buıryǵy №828

2015 jylǵy 9 qazan,  Astana qalasy Qazaqstan Respýblıkasy Ishki ister mınıstrliginiń áskerı-medısınalyq (medısınalyq) bólimshelerinde medısınalyq kómek kórsetý qaǵıdalaryn bekitý týraly «Halyq densaýlyǵy jáne densaýlyq saqtaý júıesi týraly» Qazaqstan Respýblıkasynyń 2009 jylǵy 18 qyrkúıektegi Kodeksiniń 8-babynyń 6) tarmaqshasyna jáne «Áskerı qyzmet jáne áskerı qyzmetshilerdiń mártebesi týraly» Qazaqstan Respýblıkasynyń Zańyna sáıkes buıyramyn: 1. Qosa berilip otyrǵan Qazaqstan Respýblıkasy Ishki ister mınıstrliginiń áskerı-medısınalyq (medısınalyq) bólimshelerinde medısınalyq kómek kórsetý qaǵıdalary bekitilsin. 2. Qazaqstan Respýblıkasy Ulttyq ulanynyń Bas qolbasshylyǵy (R.F.Jaqsylyqov) zańnamada belgilengen tártippen: 1) osy buıryqty Qazaqstan Respýblıkasy Ádilet mınıstrliginde memlekettik tirkeýdi; 2) osy buıryqty memlekettik tirkegennen keıin kúntizbelik on kún ishinde ony merzimdi baspa basylymdarynda jáne «Ádilet» aqparattyq-quqyqtyq júıesinde resmı jarııalaýǵa joldaýdy; 3) osy buıryqty Qazaqstan Respýblıkasy Ishki ister mınıstrliginiń ınternet-resýrsyna ornalastyrýdy qamtamasyz etsin. 3. Osy buıryqtyń oryndalýyn baqylaý Qazaqstan Respýblıkasy Ishki ister mınıstriniń orynbasary B.B. Bısenqulovqa júktelsin. 4. Osy buıryq alǵashqy resmı jarııalanǵanynan keıin kúntizbelik on kún ótken soń qoldanysqa engiziledi. Mınıstr polısııa general-polkovnıgi  Q.QASYMOV «KELISILDI» Qazaqstan Respýblıkasy Densaýlyq saqtaý jáne áleýmettik damý mınıstri ____________ T.DÚISENOVA 2015 jylǵy «___» __________ Qazaqstan Respýblıkasy Ishki ister mınıstriniń 2015 jylǵy 9 qazandaǵy № 828 buıryǵymen bekitilgen Qazaqstan Respýblıkasy Ishki ister mınıstrliginiń áskerı-medısına (medısına) bólimshelerinde medısınalyq kómek kórsetý qaǵıdalary 1. Jalpy erejeler 1. Osy Qazaqstan Respýblıkasy Ishki ister mınıstrliginiń áskerı-medısına (medısına) bólimshelerinde medısınalyq kómek kórsetý qaǵıdalary (budan ári – Qaǵıdalar) «Halyq densaýlyǵy jáne densaýlyq saqtaý júıesi týraly» Qazaqstan Respýblıkasynyń 2009 jylǵy 18 qyrkúıektegi Kodeksiniń 8-babynyń 6) tarmaqshasyna (budan ári – Kodeks), «Áskerı qyzmet jáne áskerı qyzmetshilerdiń mártebesi týraly» 2012 jylǵy 16 aqpandaǵy Qazaqstan Respýblıkasynyń Zańyna sáıkes ázirlendi jáne Ulttyq ulannyń, Tótenshe jaǵdaılar komıtetiniń, áskerı-tergeý organdarynyń áskerı qyzmetshilerine jáne olardyń otbasy múshelerine, sondaı-aq ishki ister organdarynyń zeınetkerlerine (budan ári – kontıngent) Qazaqstan Respýblıkasy Ishki ister mınıstrliginiń áskerı-medısına (medısına) bólimshelerinde medısınalyq kómek kórsetý tártibin aıqyndaıdy. 2. Osy Qaǵıdalarda ishki ister organdary áskerı qyzmetshileriniń otbasy músheleri dep: jubaıy (zaıyby), ekeýiniń nemese erli-zaıyptylardyń bireýiniń kámeletke tolmaǵan balalary (asyrap alǵan, asyrap-baǵýyndaǵy nemese qamqorshylyǵyndaǵy); balalar (asyrap alǵan, asyrap-baǵýyndaǵy nemese qamqorshylyǵyndaǵy) jáne jubaıynyń (zaıybynyń) bilim berý uıymdarynda kúndizgi oqý bóliminde oqıtyn jıyrma úsh jasqa deıingi balalary; múgedek balalar (asyrap alǵan, asyrap-baǵýyndaǵy nemese qamqorshylyǵyndaǵy) jáne jubaıynyń (zaıybynyń) on segiz jasqa deıin múgedek bolǵan múgedek balalary; áskerı qyzmetshiniń asyrap-baǵýyndaǵy ata-analary túsiniledi. 2. Qazaqstan Respýblıkasy Ishki ister mınıstrligi áskerı-medısına (medısına) bólimsheleriniń qurylymy 3. Qazaqstan Respýblıkasy Ishki ister mınıstrligi áskerı-medısına (medısına) bólimsheleriniń qurylymy bylaı berilgen: 1) Qazaqstan Respýblıkasy Ishki ister mınıstrligi Tyl departamentiniń Medısınalyq basqarmasy (budan ári – Medısınalyq basqarma); 2) Astana, Almaty qalalarynyń jáne oblystardyń ishki ister departamentteriniń medısına qyzmetteri (budan ári – IID medısına qyzmeti); 3) «Qazaqstan Respýblıkasy Ishki ister mınıstrliginiń Emhanasy bar ortalyq gospıtali» memlekettik mekemesi (budan ári – EbOG); 4) «Oblystar IID Emhanasy bar gospıtali» memlekettik mekemesi (budan ári – EbG); 5) «Astana, Almaty qalalarynyń jáne oblystardyń IID Emhanasy» memlekettik mekemesi (budan ári – derbes emhana); 4. Qazaqstan Respýblıkasy Ishki ister mınıstrliginiń áskerı-medısına (medısına) bólimsheleri óz qyzmetin Qazaqstan Respýblıkasynyń zańnamasyna, Qazaqstan Respýblıkasy Ishki ister mınıstrliginiń, Densaýlyq saqtaý jáne áleýmettik damý mınıstrliginiń buıryqtaryna sáıkes júzege asyrady. 3. Qazaqstan Respýblıkasy Ishki ister mınıstrliginiń áskerı-medısına (medısına) bólimshelerinde medısınalyq kómek kórsetý tártibi 5. Qazaqstan Respýblıkasy Ishki ister mınıstrliginiń áskerı-medısına (medısına) bólimshelerinde medısınalyq kómek kórsetýdi uıymdastyrýdy IID Medısınalyq basqarmasy jáne medısına qyzmetteri, medısınalyq kómek kórsetýdi Qazaqstan Respýblıkasy Ishki ister mınıstrliginiń áskerı-medısına (medısına) bólimsheleri júzege asyrady. Qazaqstan Respýblıkasy Ishki ister mınıstrliginiń áskerı-medısına (medısına) bólimshelerine EbOG, Astana, Almaty qalalarynyń jáne oblystardyń IID EbG men derbes emhanalary jatady. Áskerı-medısına (medısına) bólimsheleriniń kontıngenti: Ulttyq ulannyń, Tótenshe jaǵdaılar komıtetiniń, áskerı-tergeý organdarynyń áskerı qyzmetshileri jáne olardyń otbasy músheleri, sondaı-aq ishki ister organdarynyń zeınetkerleri bolyp tabylady. 6. Áskerı-medısına (medısına) bólimshelerinde Kodekske sáıkes medısına qyzmetiniń myna túrleri: 1) medısınalyq kómek; 2) zerthanalyq dıagnostıka; 3) densaýlyq saqtaý salasyndaǵy saraptama; 4) kontıngenttiń densaýlyǵyn qorǵaý salasyndaǵy qyzmet; 5) kontıngenttiń sanıtarlyq-epıdemıologııalyq salaýattyǵy salasyndaǵy qyzmet kórsetiledi. 7. Áskerı-medısına (medısına) bólimsheleri Kodekske sáıkes mynadaı nysandaǵy medısınalyq kómek kórsetedi: 1) ambýlatorııalyq-emhanalyq kómek: alǵashqy medısınalyq-sanıtarlyq kómek jáne konsýltatıvtik-dıagnostıkalyq kómek; 2) stasıonarlyq kómek; 3) stasıonardy almastyratyn kómek; 4) qalpyna keltirý emi jáne medısınalyq ońaltý. 8. Medısınalyq kómek kórsetýdiń joǵaryda kórsetilgen nysandaryn usyný tártibi Kodekstiń talaptaryna sáıkes júrgiziledi. 9. Áskerı-medısına (medısına) bólimsheleriniń mindetteri: 1) kontıngentke ambýlatorlyq jáne stasıonarlyq medısınalyq kómek kórsetý; 2) medısınalyq (profılaktıkalyq) tekseristi uıymdastyrý jáne ótkizý, kontıngenttiń densaýlyǵy jaı-kúıine dınamıkalyq baqylaý; 3) kezek kúttirmeıtin medısınalyq kómek kórsetýdi barlyq oǵan muqtajdarǵa kórsetý; 4) sanıtarlyq-gıgıenalyq jáne epıdemııaǵa qarsy is-sharalardy uıymdastyrý jáne ótkizý bolyp tabylady. 10. Qazaqstan Respýblıkasy Ishki ister mınıstrliginiń áskerı-medısına (medısına) bólimsheleri: kontıngentke lısenzııaǵa sáıkes sapaly medısınalyq kómek kórsetýdi; tótenshe jaǵdaılar, áskerı qaqtyǵystar jáne terrorızm aktileri jaǵdaıyndaǵy jumysqa ázirlikti; dıagnostıka, profılaktıka jáne emdeý ádisterin, sondaı-aq Kodekspen ruqsat etilgen dárilik zattardy qoldanýdy; aınalasyna qaýip tóndiretin aýrýlardy, sondaı-aq kásibı aýrýlardy eskertý, dıagnostıkalaý jáne emdeý jónindegi is-sharalardy júrgizýdi; kontıngentke medısınalyq kómektiń nysandary men túrleri týraly tegin, jedel jáne dáıekti aqparat usynýdy; sanıtarlyq-epıdemıologııalyq salaýattylyǵy salasynda normatıvtik-quqyqtyq aktilerdi saqtaýdy; basqa da densaýlyq saqtaý uıymdarymen ózara is-qımyl jasasýdy jáne óz qyzmetindegi sabaqtastyqty; ýaqytsha eńbekke qabiletsizdikke saraptama júrgizýdi jáne ýaqytsha eńbekke qabiletsizdik paraǵyn berýdi; aınalasyna qaýip tóndiretin ınfeksııalyq aýrý, kontıngent jeke quramy arasyndaǵy ólim jaǵdaılary týraly habarlaýdy; «Densaýlyq saqtaý uıymdarynyń bastapqy medısınalyq qujattama nysandaryn bekitý týraly» Qazaqstan Respýblıkasy Densaýlyq saqtaý mınıstriniń mindetin atqarýshynyń 2010 jylǵy 23 qarashadaǵy №907 buıryǵyna (Normatıvtik quqyqtyq aktilerdi memlekettik tirkeý tiziliminde 2010 jylǵy 21 jeltoqsanda №6697 bolyp tirkelgen) sáıkes medısınalyq qujattama júrgizýdi; salaýatty ómir saltyn qalyptastyrýdy qamtamasyz etedi. 11. Qyzmet ótkeretin jeri nemese turǵylyqty jeri boıynsha áskerı-medısına (medısına) bólimsheleri nemese olarda tıisti bólimsheler, mamandar ne bolmasa arnaıy jabdyqtar bolmaǵan kezde medısınalyq kómek vedomstvolyq tıesiligine qaramastan, medısınalyq uıymdarda (mekemelerde) tegin medısınalyq kómektiń kepildik berilgen kólemi sheginde kórsetiledi. Tegin medısınalyq kómektiń kepildik berilgen kólemi kontıngentke bıýdjet qarajaty esebinen usynylady jáne profılaktıkalyq, dıagnostıkalyq jáne emdeý medısınalyq qyzmetin qamtıdy. 12. Emdeý-profılaktıkalyq is-sharalar júıeli baqylaý jáne aýyrý sebepterin taldaý, ýaqytsha jumysqa qabiletsizdik, alǵash ret múgedektikke shyǵý, jaraqattaný, olardyń deńgeıi men qurylymy, sondaı-aq aýrýdyń aldyn alý boıynsha júrgizilip jatqan is-sharalardyń tıimdiligi negizinde ótkiziledi. 13. Áskerı-medısına (medısına) bólimshelerinde stasıonarlyq emdelýdegi kontıngentke medısınalyq jáne dári-dármektik qamtamasyz etý syrqatty emdeý úshin qajetti kólemde jáne quramda kórsetiledi. 14. Áskerı-medısına (medısına) bólimsheleriniń stasıonarlarynda dári-dármekpen qamtamasyz etý Qazaqstan Respýblıkasy Densaýlyq saqtaý jáne áleýmettik damý mınıstriniń 2015 jylǵy 22 mamyrdaǵy № 369 buıryǵymen bekitilgen Qazaqstandyq ulttyq dárilik formýlıardy ázirleý jáne bekitý qaǵıdalaryna (Normatıvtik quqyqtyq aktilerdi memlekettik tirkeý tiziliminde 2015 jylǵy 24 maýsymda №11429 bolyp tirkelgen) sáıkes tegin kórsetiledi. 15. Medısınalyq kómek alý úshin bekitilgen kontıngentti resimdeýdi ishki ister organdarynyń kadr qyzmetteri usynǵan kontıngent tiziminiń negizinde áskerı-medısına (medısına) bólimsheleri júrgizedi. Áskerı-medısına (medısına) bólimshelerine tirkeý áskerı-medısına (medısına) bólimshesiniń jumys kestesine sáıkes myna qujattar: áskerı qyzmetshiniń qyzmettik kýáligi; týý týraly kýálik; otbasy músheleri úshin jeke kýálik; zeınetker kýáligi negizinde júzege asyrylady. Árbir tirkelgen adamǵa pasıenttiń ambýlatorlyq kartasy resimdeledi, ol ambýlatorlyq-emhanalyq bólimsheniń tirkeý bóliminde saqtalady. 16. Qazaqstan Respýblıkasynyń basqa qalalarynda turatyn kontıngent joǵary mamandandyrylyǵan medısınalyq kómek alý úshin Astana jáne Almaty qalalarynda ornalasqan respýblıkalyq medısına uıymdaryna konsýltasııa alýǵa jáne aýrýhanaǵa jatýǵa jiberiledi. 17. Adamdardy shetelge tekserilýge jáne emdelýge bıýdjet qarajaty esebinen jiberý «Qazaqstan Respýblıkasynyń azamattaryn bıýdjet qarajaty esebinen shetelge emdelýge jiberý qaǵıdalaryn bekitý týraly» Qazaqstan Respýblıkasy Densaýlyq saqtaý jáne áleýmettik damý mınıstriniń 2015 jylǵy 30 maýsymdaǵy № 544 buıryǵyna (Normatıvtik quqyqtyq aktilerdi memlekettik tirkeý tiziliminde 2015 jylǵy 30 shildede №11795 bolyp tirkelgen) sáıkes júzege asyrylady. 18. Qyzmettik mindetterin oryndaý kezinde qaza bolǵan ishki ister organdary áskerı qyzmetshileriniń otbasy múshelerine Qazaqstan Respýblıkasy Ishki ister mınıstrliginiń áskerı-medısına (medısına) bólimshelerinde áskerı-medısınalyq (medısınalyq) qamtamasyz etilý quqyǵy saqtalady. 4. Qalpyna keltirý emi jáne medısınalyq ońaltý 19. Tirkelgen kontıngentke qalpyna keltirý emi jáne medısınalyq ońaltý Kodekske sáıkes densaýlyq saqtaý uıymdarynda, sondaı-aq sanatorııalyq-kýrorttyq uıymdarda júrgiziledi. 20. Qalpyna keltirý emi jáne medısınalyq ońaltý týa bitken jáne júre kele paıda bolǵan aýrýlardan, sondaı-aq qatty, sozylmaly aýrýlar jáne jaraqattar saldarynan zardap shegetin azamattarǵa kórsetiledi. 21. «Áskerı qyzmet jáne áskerı qyzmetshilerdiń mártebesi týraly» 2012 jylǵy 16 aqpandaǵy Qazaqstan Respýblıkasynyń Zańyna sáıkes áskerı qyzmet mindetterin oryndaý kezinde jaralanǵan, kontýzııa, jaraqat alǵan, mertikken nemese aýyrǵan ishki ister organdarynyń áskerı qyzmetshileri, sondaı-aq merzimdi qyzmettiń áskerı qyzmetshileri men áskerı oqý oryndarynyń kýrsanttary medısınalyq kórsetkishteri bolǵan kezde memleket esebinen sanatorlyq-kýrorttyq emdelýmen qamtamasyz etiledi. 22. Sanatorlyq-kýrorttyq emdeýge jiberý kezinde «Densaýlyq saqtaý uıymdarynyń bastapqy medısınalyq qujattama nysandaryn bekitý týraly» Qazaqstan Respýblıkasy Densaýlyq saqtaý mınıstriniń mindetin atqarýshynyń 2010 jylǵy 23 qarashadaǵy № 907 buıryǵymen (Normatıvtik quqyqtyq aktilerdi memlekettik tirkeý tiziliminde 2010 jylǵy 21 jeltoqsanda №6697 bolyp tirkelgen) bekitilgen nysan boıynsha medısınalyq qujattama  resimdeledi. Buıryq Qazaqstan Respýblıkasynyń Ádilet mınıstrliginde 2015 jylǵy 12 qarashadaǵy Normatıvtik quqyqtyq kesimderdi memlekettik tirkeýdiń tizilimine №12275 bolyp engizildi.