Qazaqstan Respýblıkasy Ishki ister mınıstrliginiń buıryǵy №926

2015 jylǵy 16 qarasha, Astana qalasy Memlekettik emes órtke qarsy qyzmetterdiń mamandaryn daıarlaý, qaıta daıarlaý jáne olardyń biliktiligin arttyrý jónindegi órt qaýipsizdigi salasyndaǵy mamandandyrylǵan oqý ortalyqtaryna qoıylatyn biliktilik talaptaryn bekitý týraly «Azamattyq qorǵaý týraly» Qazaqstan Respýblıkasynyń 2014 jylǵy 11 sáýirdegi Zańynyń 12-baby 1-tarmaǵynyń 36) tarmaqshasyna sáıkes buıyramyn: 1. Qosa berilip otyrǵan Memlekettik emes órtke qarsy qyzmetterdiń mamandaryn daıarlaý, qaıta daıarlaý jáne olardyń biliktiligin arttyrý jónindegi órt qaýipsizdigi salasyndaǵy mamandandyrylǵan oqý ortalyqtaryna qoıylatyn biliktilik talaptary bekitilsin. 2. «Memlekettik emes órtke qarsy qyzmetterdiń mamandaryn daıarlaý, qaıta daıarlaý jáne olardyń biliktiligin arttyrý jónindegi órt qaýipsizdigi salasyndaǵy mamandandyrylǵan oqý ortalyqtaryna qoıylatyn biliktilik talaptaryn bekitý týraly» Qazaqstan Respýblıkasy Tótenshe jaǵdaılar mınıstriniń 2014 jylǵy 20 mamyrdaǵy № 236 (Normatıvtik quqyqtyq aktilerdi memlekettik tirkeý tiziliminde 2014 jylǵy 11 maýsymda № 9502 bolyp tirkelgen, «Ádilet» aqparattyq-quqyqtyq júıesinde 2014 jylǵy  17 maýsymda, «Egemen Qazaqstan» gazetinde 2014 jylǵy 23 shildedegi №141 (28365) bolyp jarııalanǵan) buıryǵynyń kúshi joıyldy dep tanylsyn. 3. Qazaqstan Respýblıkasy Ishki ister mınıstrliginiń Tótenshe jaǵdaılar komıteti zańnamada belgilengen tártippen: 1) osy buıryqty Qazaqstan Respýblıkasy Ádilet mınıstrliginde memlekettik tirkeýdi; 2) osy buıryqty memlekettik tirkegennen keıin kúntizbelik on kún ishinde ony merzimdi baspa basylymdarynda jáne «Ádilet» aqparattyq-quqyqtyq júıesinde resmı jarııalaýǵa joldaýdy; 3) osy buıryqty Qazaqstan Respýblıkasy Ádilet mınıstrliginde memlekettik tirkegennen keıin kúntizbelik on kún ishinde Qazaqstan Respýblıkasynyń normatıvtik quqyq aktileriniń Etalondyq baqylaý bankine engizý úshin «Qazaqstan Respýblıkasy Ádilet mınıstrliginiń Respýblıkalyq quqyqtyq aqparat ortalyǵy» sharýashylyq júrgizý quqyǵyndaǵy respýblıkalyq memlekettik kásiporynǵa joldaýdy; 4) osy buıryqty Qazaqstan Respýblıkasy Ishki ister mınıstrliginiń resmı ınternet-resýrsynda ornalastyrýdy; 5) osy buıryqty Qazaqstan Respýblıkasy Ádilet mınıstrliginde memlekettik tirkegennen keıin on jumys kúni ishinde osy tarmaqtyń 1), 2), 3) jáne 4) tarmaqshalarynda kózdelgen is-sharalardyń oryndalýy týraly málimetterdi Qazaqstan Respýblıkasy Ishki ister mınıstrliginiń Zań departamentine usynýdy qamtamasyz etsin. 4. Osy buıryqtyń oryndalýyn baqylaý Qazaqstan Respýblıkasy Ishki ister mınıstriniń orynbasary V.K.Bojkoǵa júktelsin. 5. Osy buıryq alǵashqy resmı jarııalanǵan kúninen keıin kúntizbelik jıyrma bir kún ótken soń qoldanysqa engiziledi. Qazaqstan Respýblıkasynyń Ishki ister mınıstri polısııa general-polkovnıgi Q.QASYMOV Qazaqstan Respýblıkasy Ishki ister mınıstriniń 2015 jylǵy 16 qarashadaǵy № 926 buıryǵymen bekitilgen Memlekettik emes órtke qarsy qyzmetterdiń mamandaryn daıarlaý, qaıta daıarlaý jáne olardyń biliktiligin arttyrý jónindegi órt qaýipsizdigi salasyndaǵy mamandandyrylǵan oqý ortalyqtaryna qoıylatyn biliktilik talaptary 1. Memlekettik emes órtke qarsy qyzmetterdiń mamandaryn daıarlaý, qaıta daıarlaý jáne olardyń biliktiligin arttyrý jónindegi órt qaýipsizdigi salasyndaǵy mamandandyrylǵan oqý ortalyqtary (budan ári - Mamandandyrylǵan oqý ortalyqtary) «Memlekettik emes órtke qarsy qyzmetterdiń mamandaryn arnaıy daıarlaý boıynsha oqytý kýrstarynyń baǵdarlamasyn, sondaı-aq olardy bitirgeni týraly kýáliktiń úlgisin bekitý týraly» Qazaqstan Respýblıkasy Ishki ister mınıstriniń 2015 jylǵy 24 qańtardaǵy №48 buıryǵymen (Normatıvtik quqyqtyq aktilerdi memlekettik tirkeý tiziliminde №10382 bolyp tirkelgen) bekitilgen baǵdarlama boıynsha memlekettik emes órtke qarsy qyzmetter mamandarynyń bastapqy daıarlaý, qaıta daıarlaý jáne biliktiligin arttyrý boıynsha arnaıy daıarlyq pen oqý kýrsyn qamtamasyz etedi. 2. Mamandandyrylǵan oqý ortalyqtaryna mynadaı biliktilik talaptary qoıylady: 1) oqý jumys josparlarynyń bolýy; 2) shtattaǵy oqytýshylardyń «О́rt qaýipsizdigi» mamandyǵy boıynsha orta tehnıkalyq jáne kásiptik, orta bilimnen keıingi jáne joǵary biliminiń bolýy, órtke qarsy qyzmet bólinisterinde basshy laýazymda praktıkalyq jumys ótili bes jyldan kem emes bolýy; 3) ınternet jelisine qosylǵan kompıýterlermen, «Halyq densaýlyǵy jáne densaýlyq saqtaý júıesi týraly» 2009 jylǵy 18 qyrkúıektegi Qazaqstan Respýblıkasynyń Kodeksine sáıkes sanıtarııalyq qaǵıdalar men gıgıenalyq normatıvterge saı keletin oqý kabınetterimen, oqytýdyń tehnıkalyq quraldarymen, makettermen jáne trenajerlarmen, oqýlyqtarmen, oqý quraldarymen jáne oqý-ádistemelik materıaldarmen jaraqtalýy; 4) bilim berý qyzmetiniń sapasyn qamtamasyz etetin menshikti ne sharýashylyq júrgizý nemese jedel basqarý quqyǵynda tıesili materıaldyq jáne materıaldyq emes aktıvterdiń (órt sóndirý tehnıkasy, jattyǵý-mashyqtaný munarasy, jylý-tútin kamerasy, psıhologııalyq daıyndyq jolaǵy) bolýy; 5) oqý ádebıetin, oqý mindetteri men tapsyrmalaryn, beınefılmderdiń taqyryptyq jıyntyqtaryn, oqý-kórneki quraldaryn, baqylaý kartochkalaryn, oqytý baǵdarlamalaryn, emtıhan bıletteriniń jıyntyqtaryn, praktıkalyq tapsyrmalar sıpattamalaryn jáne basqa da oqý-ádistemelik materıaldardy  qamtıtyn oqý-ádistemelik materıaldardyń qorynyń bolýy. 3. Qazaqstan Respýblıkasy Ishki ister mınıstrliginiń Tótenshe jaǵdaılar komıtetiniń edáýir daıarlanǵan qyzmetkerleri nemese tıisti biliktiligi bar basqa mamandar sabaq ótkizýge tartylýy múmkin. 4. Memlekettik emes órtke qarsy qyzmetter mamandaryn arnaıy daıarlaý jáne oqytý kýrstary kúzetiletin obektiniń óndiristik qyzmet erekshelikterin eskere otyryp júzege asyrylady. Buıryq Qazaqstan Respýblıkasynyń Ádilet mınıstrliginde 2015 jylǵy 23 jeltoqsandaǵy Normatıvtik quqyqtyq kesimderdi memlekettik tirkeýdiń tizilimine №12478 bolyp engizildi.