Aımaqtyq balalar aýrýhanasy О́tegen batyr kentinde ashyldy

Jetkinshek urpaqtyń deni­niń saý bolýyna qam­qorlyq ja­saý maqsatynda jalpy qu­ny 3,3 mlrd. teńge   bolǵan aı­maq­tyq balalar aýrýhanasy­nyń qu­ry­lysy aıaqtalyp,  kúni keshe paıdalanýǵa berildi. Memleket basshysynyń «100 mektep, 100 aýrýhana» baǵdar­lamasymen baǵy janǵan aýrýhanada 200 bala stasıonarda emdelse, kúnine 400-den asa adamǵa túrli emdik sharalar jasalady. Emhana keshenderin zamanaýı qural-jabdyq­tarmen qamtýǵa 733 mln. teńge jumsa­ly­pty. Osylaısha aýrýhanada 630 qyzmetker jumyspen qam­tyldy. Onyń 161-i  joǵary bilimdi kásibı dárigerler. Olardyń qaıtarymdy eńbek etýine jaǵdaı jasaý maqsatynda jaqyn jerden aýdan bıýdjetinen bólingen qarjyǵa 30 otbasylyq turǵyn úı qurylysy da aıaqtalyp, baspanaǵa zárý mamandarǵa berilmekshi. Demek, taǵy da qonys toıyn toılaıtyn sát jaqyn. О́tegen batyr kentindegi aımaqtyq aýrýhananyń ashylý saltanatyna oblys ákimi Serik Úmbetov qa­tys­ty. Ákim qoǵamnyń basty baılyǵy – adam densaý­lyǵyn qorǵaý men jaqsartý baǵytyndaǵy jumysty jetildirý, dárigerlerdiń biliktiligin arttyrý búgingi kúnniń basty mindeti ekendigin atap kórsete kelip, endi az ýaqytta taǵy bir densaýlyq nysany Talǵar qalasynda ashyla­tynyn da eske sala ketti. Kúmisjan BAIJAN. Almaty oblysy.