Oblystyq shtab iske kiristi

«Nur Otan» HDP oblystyq fılıaly tóraǵasynyń birinshi orynbasary Álibek Qartov BAQ ókilderimen ótkizgen brıfıngte Qazaqstan Respýblıkasy prezıdenttigine kandıdat N. Nazarbaev­ty qoldaý jónindegi qoǵamdyq shtab­tyń qurylyp, iske kiriskenin málim etti. Shtab tóraǵasynyń aı­týynsha, alda zor mindetter tur. Qazirgi basty maqsat – kúshti «Nur Otan» HDP atynan usy­nyl­ǵan úmitkerdi qoldaýshy­lar­dyń daýysyn jınaýǵa jumyl­dy­rý. Sodan keıin prezıdenttikke kandıdattyń saılaýaldy baǵdar­la­masyn jurtshylyq arasynda na­sıhattaý isine belsene atsaly­sa­tyn bolady. Jergilikti partııa uıymdary 755 saılaý ýchaskeleri boıynsha senim bildirilgen adam­dardyń tizimin usynýdy aıaqtady. Álibek Namımuly segiz bólimniń qurylyp, atqarylatyn úgittik-na­sıhattyq, uıymdyq sharalardyń jan-jaqty eskerilgenin jetkizdi. Shtab quramyna úkimettik emes uıymdar, ardagerler, jastar, etnomádenı birlestikter ókil­deri engen. Qaı-qaısysyn bol­syn oblys jurtshylyǵy jaq­sy biledi. Solardyń biri Petropavl qalalyq ardagerler keńe­si­niń tóraǵasy, shtab jetekshisiniń orynbasary Grıgorıı Kýhar referendým ótkizýge baılanysty bastamany soltústikqazaqstandyq saılaýshylardyń 56 paıyzy qol­da­ǵanyn, kezekten tys saılaýda da jerlesterimizdiń óz ádil tań­daýlaryn jasaıtynyn jetkizdi. Shtab músheleri jýrna­lıs­ter­diń saýaldaryna jaýap berdi. О́mir ESQALI. Soltústik Qazaqstan oblysy.