Arab elderi men Afrıkanyń keıbir memleketterindegi bılikke qarsy narazylyq Lıvııaǵa da jetti. Mundaǵy tolqýlar búginde el astanasy – Trıpolı qalasynda qatty bilinýde. Osyǵan deıin negizinen birneshe qalany, sonyń ishinde eldiń ekinshi úlken shahary Bengazıdi basyp alǵan kóterilisshiler sondaǵy qolǵa túsken qarýlarmen muzdaı qarýlanǵan.
Bengazıdegi M.Kaddafıdiń saraıyn basyp alýǵa umtylǵan olarǵa artıllerııadan oq jaýdyrylyp, kózden jas aǵyzatyn gaz qoldanyldy. Qalany M.Kaddafıdiń eki uly bastaǵan áskerıler qorǵaýǵa tyrysýda. Sońǵy aqparattarǵa qaraǵanda, Trıpolıdiń de 3-4 aýdany kóterilisshilerdiń qol astyna kóshken. О́lgender sany shamamen 200 adamnan asqan. Bir sózben aıtqanda, bul elde naǵyz azamat soǵysy júrip jatyr.
Amerıkalyqtar aspandy ańsaýda
Amerıkanyń NASA ǵarysh agenttigi Dıskaverı shattlynyń aqyry ushatynyn málimdedi. Buǵan deıin onyń ushýy tehnıkalyq sebeptermen birneshe ret keıinge shegerilgen edi.
Ushý Florıda shtatyndaǵy Merrıot aralynda ornalasqan ǵaryshtyq ortalyqtan iske asyrylady. Naqty kúnin aıtatyn bolsaq, ol – aldaǵy aptanyń beısenbisi kúni keshki saǵat 17.00 dep jarııalady NASA-nyń baspasóz qyzmeti. Aıta ketetini, osy ǵarysh kemesinen keıin de bıyl úsh shattl ǵaryshqa attanbaq.
Arandatýshylar birlese aýyzdyqtalmaq
Osy jyldyń kókteminde Qyrǵyzstanda TMD elderi arnaýly qyzmetteriniń birlesken áskerı jattyǵýlary ótedi, dep habarlady TMD-nyń lańkestikke qarsy kúres ortalyǵynyń basshysy A.Novıkov. Áskerı oıyndardyń Qyrǵyzstanda ótýi kezdeısoqtyqtan emes eken.
Qazir ókimet áskerleriniń qysymymen Aýǵanstan talıbandary eldiń soltústik shekaralaryna qaraı jyljyp, tipti keıbir TMD respýblıkalarynyń aýmaǵyna ótip ketip jatqan faktileri de oryn alsa kerek. Atalǵan jattyǵýlar osyndaılarǵa qarsy kúresti shyńdaı túsý maqsatyn kózdeıdi. Sonymen birge, jattyǵýlar kezinde Qyrǵyzstan aýmaǵynda terrorlyq áreket jasaýshylardy birlese izdestirý sharalary da jasalatyn bolady.
Zań qorǵaýshylar ony ózderi buzady
Máskeý qalasynyń meri S.Sobıanınniń jiti qadaǵalaýymen shahardaǵy kazıno jáne oıyn avtomattary quryqtalýda. Bul eldiń zańy boıynsha 2009 jyldyń 1 shildesinen bastap ondaılarǵa tyıym salynǵan bolatyn.
Biraq «qyzyl jaǵalylardyń» qorǵashtaýymen ondaılar osy ýaqytqa deıin emin-erkin áreket etip kelgen edi. Endi dýanbasynyń tapsyrmasyn buljytpaı oryndaýǵa kóshken federaldyq qaýipsizdik qyzmeti zańsyz áreket etip jatqan kazınolar men oıyn avtomattary ornalasqan oryndardy shapshań áshkerelep jatyr. Al naýqanǵa kedergi keltirýi múmkin degen laýazym ıeleri qyzmetterinen ýaqytsha yǵystyryla bastaǵan. Olardyń arasynda Máskeý oblysynyń prokýrory A.Mohov pen onyń birinshi orynbasary A.Ignatenko da bar eken. Sóıtip, qazir Reseıde zańnyń oryndalýyn qadaǵalaıtyndardyń ózi zań buzýshy bolýy múmkin degen kúdik tarap ketti.
Jýrnalısterin tutqynnan bosatty
Iranǵa GFR syrtqy ister mınıstri Gıdo Vestervele resmı saparmen kelip, prezıdent M.Ahmadınejadpen jáne syrtqy ister mınıstri Alı Akbar Salehpen kelissózder júrgizdi.
Mundaı sapardy mańyzdy oqıǵalardyń qataryna jatqyzýǵa da bolmas edi, eger ol Iranǵa jasalmasa. Qazir Batys elderiniń bári Iranmen baılanysty shektep jatyr. Biraq nemis syrtqy saıasat vedomstvosynyń basshysy Iranǵa amalsyz kelgen sekildi. О́ıtkeni, onda 2010 jyldyń qazan aıynan beri birneshe nemis jýrnalısi eldiń qaýipsizdigine qarsy áreket jasady degen aıyptaýmen qamaýda otyrǵan bolatyn. Nemis dıplomatııasy óziniń mıssııasyn oryndap, jýrnalısterin tutqynnan bosatyp, aman alyp qaıtty. Al Iran jaǵy bul isti úlken dıplomatııalyq tabys boldy dep baǵalaýda.
Qysqa qaıyryp aıtqanda:
Lıvııada ýaqytsha turatyn 25 myń túrik azamaty otanyna oralmaq. Mundaı sheshimdi Túrkııa úkimeti qabyldady. Atalǵan maqsatqa 4 áýe kemesi bólinse, sońǵy derek boıynsha 600 túrik azamatynyń óz jerine tabany tıip úlgergen.
Iemende de bılikke qarsy narazylyq aksııasy kúsh ala bastaǵan. El astanasy – Sana qalasyna tankter men basqa da brondy tehnıkalar engizilgen. Mundaǵylar da bılikti taǵynan taıdyrmaı tynshymaýǵa bel býǵandaı.
Ázirbaıjannyń Goı Goh aýdanynda ornalasqan áskerı bólimde bir soldat óziniń 7 qyzmettesin atyp óltirgen. Oqıǵanyń sebebi anyqtalýda. Mundaı oqıǵa 2010 jyldyń qańtar aıynda da oryn alǵan eken. Onda 2 soldat 4 ofıserdi atyp óltirgen bolatyn.
Iraktyń Samarra qalasyndaǵy polısııa ýchaskesiniń janynda jarylys bolyp 10 adam qaza tapsa, kóptegen adam aýyr jaraqattanǵan. Jarylysty jasaǵan jankeshtiniń kim ekeni ázirge belgisiz.
2009 jylǵy qańtarda ultshyl-fashısterdiń qolynan qaza tapqan advokat S.Markelov pen jýrnalıst A.Babýrovanyń isi boıynsha Máskeýde sot is qarady. Tergeý kezinde qylmystaryn moıyndaǵan N.Tıhonov pen E.Hasıs endi óz sózderinen bas tartýda eken.
Aýǵanstannyń Qundyz provınsııasynda bir jankeshti pasport alýǵa kezekke turǵandardyń janyna kelip, boıyndaǵy jarylǵysh zatty iske qosqan. Jarylys saldarynan 21 adam qaza bolyp, 30-dan artyǵy túrli jaraqattar alǵan.
Internet materıaldary negizinde ázirlendi.
