Oljasty ıtalııalyqtar oqıdy

Italııanyń Pordenon qalasynda uıym­das­tyrylǵan «Festa del libro con gli autori» (avtorlardyń qatysýymen kitap festıvali) atty iri kitap jármeńkesi aıasynda qazaqtyń kórnekti aqyn-jazýshysy, qoǵam qaıratkeri Oljas Súleımenovtiń ıtalııa tiline aýdarylǵan «Jazý tili» kitabynyń tusaýkeseri ótti. Qazaqstannyń Italııadaǵy elshiligi elimiz Táýelsizdiginiń 25 jyldyq mereıtoıy qarsańynda kitaptyń aýdarmasy men basylýyn tarıh, mádenıet, ádebıet jáne fılologııa salasynda kitaptardy basyp shyǵarýǵa mamandandyrylǵan «Sandro Tetı Edıtore» baspa úıimen birlesip daıyndady. Tusaýkeserge Italııanyń ónerpaz jáne ǵylymı zııaly ókilderi, saıası, qoǵamdyq, iskerlik toptary, Italıa ýnıversıtetteriniń professorlary jáne stýdentteri, iri kitap baspalarynyń ókilderi qatysty. Italııanyń ataqty tarıhshysy, jazýshy Franko Kardını jınalǵandarǵa kitaptyń avtoryn tanystyrdy. Ol óz sózinde álemde alǵash ret antııadrolyq qozǵalysynyń negizin qala­ǵan O.Súleımenovtiń qoǵamdyq-saıası qyzmeti jóninde de aıtyp ótti. Budan ári aqynnyń ádebı qyzmetine toqtalyp, óleńderi men dastandary álemniń kóptegen tilderine aýdarylǵanyn sóz etti. «Jazý tili» kitabynyń Eýropa tilderi arasynda birinshi bolyp ıtalııa tiline aýdaryldy. Sondaı-aq F.Kardını qazaq kalamgerine eki el arasyndaǵy mádenıet baýyrlastyǵy burynnan jaqyn ekenin aıta kelip, onyń ıtalııa tilindegi kitabynyń basylyp shyǵýy bizderdi burynǵydan da jaqyndata túsetinin tilge tıek etti. «Egemen-aqparat»