* 1 qańtarda Prezıdent N.Á.Nazarbaevtyń Qazaqstan halqyna jańa jyldyq Úndeýi «Egemen Qazaqstan» gazetinde jarııalandy. «Ekonomıkany turaqtandyrýǵa, óndiristiń quldyraýyn toqtatyp, ony yrǵaqty qalypqa túsirýge bizdiń múmkindigimiz jetedi, oǵan meniń senimim mol», dep jazyldy Úndeýde.
* 10-11 qańtarda Prezıdent Nursultan Nazarbaev О́zbekstanda resmı saparmen boldy. Memleketter basshylary – Nursultan Nazarbaev pen Islam Karımov eki el arasynda birtutas ekonomıkalyq keńistik qurý týraly shartqa qol qoıdy. Qańtardyń 11 kúni Nókiste Ortalyq Azııa memleketteri basshylarynyń jáne Reseı Federasııasynyń qatysýymen Aral teńizi basseıniniń problemalary boıynsha konferensııa ótti.
* 20 qańtarda Elbasy Nursultan Nazarbaev Ýkraınaǵa resmı saparmen bardy. Sapar barysynda Elbasy men Ýkraına basshysy Leonıd Kravchýk Qazaqstan men Ýkraına arasyndaǵy dostyq pen yntymaqtastyq týraly Shartqa, «Qazirgi dúnıe: qyr kórsetý jáne qaterler» atty Deklarasııaǵa, eki memleket arasyndaǵy qatynastarǵa baılanysty basqa da qujattarǵa qol qoıyldy.
*28 qańtar – 1 aqpan kúnderi aralyǵynda Prezıdent
N.Á. Nazarbaev Davos qalasynda ótken (Shveısarııa) Búkilálemdik ekonomıkalyq forýmǵa qatysty.
* 12 aqpanda elimizde adam quqyǵy men bostandyǵy qurmettelýin qamtamasyz etý, olardyń saqtalýyna kepildikterdi kúsheıtý maqsatynda Adam quqyǵy jóninde respýblıkalyq komıssııa quryldy.
*13-18 aqpan aralyǵynda Prezıdent N.Á. Nazarbaevtyń AQSh-qa resmı sapary boldy. Kelissózder nátıjesinde Qazaqstan jáne AQSh Prezıdentteri demokratııalyq yqpaldastyq hartııasyna qol qoıdy. Sondaı-aq, sapar aıasynda Qazaqstan ıadrolyq qarýy joq el retinde tanylyp, Iаdrolyq qarýdy taratpaý týraly shartqa qol qoıyldy. Budan bólek, 16 aqpan kúni Nıý-Iorkte Qazaqstan Prezıdenti BUU Bas hatshysy Býtros B. Galımen kezdesti. AQSh-tan qaıtar jolda, ıaǵnı 18 aqpan kúni Nursultan Nazarbaev Parıjge aıaldap, Fransııanyń prezıdenti Fransýa Mıtteranmen kezdesti.
* 25 aqpanda Aqmoladaǵy Tyńgerler saraıynda (qazirgi Kongress-holl) Qazaqstandaǵy tyń jáne tyńaıǵan jerlerdi ıgerýdiń 40 jyldyǵyna arnalǵan respýblıka jurtshylyǵy ókilderi men agroónerkásip kesheni qyzmetkerleriniń saltanatty jınalysy ótti.
* 7 naýryzda Joǵarǵy Keńes pen jergilikti ókiletti organdar
dyń saılaýy ótti.
*15 naýryz «Jeke tulǵalardyń tabysyna salynatyn salyq týraly» Qazaqstan Respýblıkasy Prezıdentiniń Jarlyǵy jarııalandy.
*20 naýryzda Prezıdent N.Á. Nazarbaev Almaty qalasyna is-saparmen kelgen AQSh Qorǵanys mınıstri Ýlıam Perrıdi qabyldady.
*21 naýryzda Prezıdent N.Á. Nazarbaevtyń Ulybrıtanııaǵa resmı sapary bastaldy. Úsh kúndik sapar barysynda ekijaqty yntymaqtastyq negizin qalaıtyn qujattarǵa qol qoıyldy.
*23-24 naýryzda Memleket basshysynyń Ispanııa Koroldigine resmı sapary boldy. Sapar kezinde Qazaqstan Prezıdenti Ispanııa koroli I Hýan Karlospen kezdesti jáne ıspan úkimetiniń basshysy Felıpe Gonsalespen ekijaqty kelissózder júrgizdi.
*28 naýryzda Prezıdent Nursultan Nazarbaevtyń Reseı Federasııasyna birinshi resmı sapary bastaldy. Nursultan Nazarbaev pen Reseı Prezıdenti Borıs Elsın ekonomıkalyq yntymaqtastyq pen ıntegrasııany tereńdetý týraly shartqa, Reseı Federasııasy aýmaǵynda turatyn Qazaqstan azamattarynyń jáne Qazaqstan aýmaǵynda turaqty ómir súretin Reseı azamattarynyń azamattyq jáne quqyqtyq mártebesine baılanysty máselelerdiń negizgi prınsıpteri týraly memorandýmǵa, áskerı yntymaqtastyq týraly shartqa, Qazaqstan Respýblıkasy aýmaǵynda ýaqytsha ornalastyrylǵan strategııalyq ıadrolyq kúshter týraly kelisimge, «Baıqońyr» ǵaryshjaıy jónindegi kelisimge qol qoıdy.
*29 naýryzda Qazaqstan basshysy Máskeý memlekettik ýnıversıtetiniń professor-oqytýshy quramynyń jáne stýdentteriniń aldynda sóz sóıledi. Osy joly Elbasy Eýrazııalyq ekonomıkalyq odaq qurý ıdeıasyn usyndy.
Bul týraly «Egemen Qazaqstan» gazetiniń 31 naýryz kúngi nómirinde «Prezıdent Nursultan Nazarbaevtyń bastamasy: «Táýelsiz memleketter dostastyǵynan – Eýrazııalyq odaqqa» taqyrybymen maqala jarııalandy.
* 6 sáýirde Prezıdent N.Á.Nazarbaevtyń Japonııaǵa alǵashqy resmı sapary bastaldy. Elbasy sapar barysynda Japonııa Imperatory, Premer-mınıstri, saıası qaıratkerleri jáne eldiń isker top ókilderimen júzdesti.
* 12 sáýirde Prezıdent N.Á. Nazarbaev Qazaqstanǵa resmı saparmen kelgen Avstralııa general-gýbernatory Ýılıam Djordj Heıdenmen kezdesti.
* 20 sáýirde Parlamenttiń jańa basshylyǵy saılandy. 176 depýtat qatysqan daýys berýdiń nátıjesinde Joǵarǵy Keńestiń Tóraǵasy bolyp Ábish Kekilbaev saılandy.
* 21 sáýirde Prezıdent N.Á. Nazarbaev Almaty qalasynda adam ólshemi máselelerine qatysty semınaryna kelgen ulttyq azshylyqtar isi boıynsha Eýropadaǵy qaýipsizdik jáne yntymaqtastyq uıymynyń Joǵarǵy komıssary Maks van der Stýldy qabyldady.
* 25-28 sáýir aralyǵynda QHR Memlekettik keńesi Premeri Lı Penniń Qazaqstanǵa resmı sapary ótti. Kelissózder barysynda N.Á. Nazarbaev pen Lı Pen Qazaqstan-Qytaı shekarasy jóninde, Qytaıdyń Qazaqstanǵa memlekettik nesıe berý jáne gýmanıtarlyq kómek berý, halyqaralyq júk jáne jolaýshylar tasymalyn damytý jáne taǵy da basqa kelisimderge qol qoıdy.
* 28 sáýirde AQSh prezıdenti Bıll Klıntonnyń Qazaqstan basshysy Nursultan Nazarbaevqa joldaǵan haty baspasózde jarııalandy. Hatta AQSh prezıdenti Qazaqstannyń ıadrolyq qarýlardy taratpaý jónindegi shartqa qosylýy búkil dúnıe júzi úshin úlgi bolatyn tarıhı qadam ekenin, jas táýelsiz memlekettiń bul iste kóshbasshylyq jasaǵanyn atap kórsetti.
* 30 sáýirde Qazaqstan Prezıdenti Nursultan Nazarbaev pen О́zbekstan Prezıdenti Islam Karımov Prezıdent Asqar Aqaevtyń shaqyrýymen Qyrǵyzstanda qysqa merzimdi saparda boldy. Sapar aıasynda úsh memleket arasynda Birtutas ekonomıkalyq keńistik qurý jónindegi shartqa qol qoıyldy.
