EKSPO: Ashanalar qalaı tańdalady?

«Astana EKSPO-2017» kompanııasy halyqaralyq kórme aýmaǵynda qyzmet kórsetetin qoǵamdyq tamaqtandyrý operatorlaryn tańdaýdy bastamaq. Ol úshin jyl sońyna deıin ashyq baıqaý ótkizilip, tıisti talaptarǵa saı keletinder iriktelip alynady. Aıtýly shara aıasynda halyqty tamaqtandyryp tabys tabý múmkindigine ıe bolǵysy keletinder úshin qoıylatyn talaptarǵa toqtala keteıik. Aldymen, ondaı kompanııanyń osy saladaǵy tájirıbesi mol bolýǵa tıis. Ekinshiden, tamaqtaný ornynyń dızaınynyń tartymdylyǵyna kóńil bólinedi. Sonymen qatar, baǵa saıa­saty da kóńilge qonymdy, halyqtyń qaltasyna salmaq salmaıtyn bolýǵa tıis. – Biz 30 meıramhana men 14 dúńgirshek qajet dep taýyp otyrmyz. Kórmeniń formatyn eskere otyryp, óz elimizdiń azamattary ǵana emes, sheteldik qonaqtar da kóp bolady dep kútilýde. Sol úshin álemniń tanymal ashanalaryn qarastyrmaqpyz, – deıdi kompanııanyń Kommersııalandyrý departamentiniń dırektory Dáýlet Erkimbaev. Onyń aıtýynsha, baıqaýǵa otandyq jáne sheteldik kompanııalar ashyq negizde qatysa alady. Irikteý premıým sanattaǵy meıramhanalar men barlar, kofehanalar, dámhanalar jáne fastfýd jelileri arasynda júrgiziledi. Baıqaýdyń qory­tyndysy kelesi jyldyń basynda shy­ǵarylyp, aqpan, naýryz aılarynda pavılondarda jeńimpaz mekemeler jumys isteıtin oryndar naqtylanady. Baıqaýda jeńiske jetken kompanııalar kórme aýmaǵynda arendalyq ne­gizde jumys isteıdi. Jaldaý aqysy elor­dadaǵy ortasha baǵa deńgeıinen tómen bol­maq. Sondaı-aq, bul jerde tamaqtaný baǵasy da Astanadaǵy basqa tamaqtaný nysandarynyń baǵasymen shamalas bolýy kerek. – Baıqaý sharttary tender ótkizý sharttaryna uqsaıdy, biraq odan góri birshama jeńildeý. О́ıtkeni, bul jerde bıýdjet qarajaty bolmaıdy. Baıqaýǵa uıymdastyrýshy kompanııanyń ókilderi tóreshi bolady, – deıdi Dáýlet Erkimbaev. Elordada ótetin halyqaralyq kór­meniń ashylýyna 9 aıdan az ýaqyt qaldy. Kúni búginge deıin álemniń 103 eli aý­qym­dy sharaǵa atsalysýǵa nıet bildirip otyr, olarmen aradaǵy kelisimshart jasaý jumystary jyl sońyna deıin támamdalýǵa tıis. Maýsym-qyrkúıek aı­larynyń aralyǵynda elordaǵa osy el­derden jáne basqa memleketterden 300 myń adam keledi dep kútilýde. Al eli­mizdiń ózge aýmaqtarynan keletin adamdardy qosqanda, týrısterdiń jalpy sany 2 mıllıonnan asyp túsýge tıis. Jýyrda ǵana kompanııa basshysy A.Esimov aıtyp ótkendeı, qazir 74 myń bıletti satý úshin iri kelisimderge qol jetkizilgen. Halyqaralyq kórme otandyq týrzım salasyna sony serpin beredi dep úmit artylyp otyrǵanyn eskersek, týrısterdi yńǵaıly ári tartymdy qoǵamdyq tamaqtandyrý oryndarymen qamtýdyń da mańyzy arta túsedi. «Astana EKSPO-2017» kompa­nııasynyń Qoǵammen baılanys depar­tamenti dırektorynyń orynbasary Aqsulý Arzyqulovanyń aıtýynsha, halyqaralyq kórme aýmaǵyn tamaqtandyrý oryndarymen jabdyqtaý kezinde álem elderiniń tanymal ashanalaryn qamtýǵa kóńil bólinedi. Sondaı-aq, sheteldik meımandar úshin qazaqtyń ulttyq taǵam túrlerin kórsetý de nazardan tys qalmaıdy. Kórmege kelýshilerge elimizde turatyn ózge de ulystardyń taǵamdary usynylýǵa tıis. Halyqaralyq kórme ótkennen keıin ony uıymdastyrýshy kompanııa taraıtyny belgili. Al kórme pavılondaryndaǵy qoǵamdyq tamaqtandyrýshylarǵa olardyń ózderiniń qalaýy boıynsha, jumystaryn odan ári jalǵastyrýǵa múmkindik jasalady. Arnur ASQAR, «Egemen Qazaqstan»