Májilistiń bıýro otyrysy ótti

Májilis Tóraǵasy Nurlan Nyǵmatýlınniń tóraǵalyǵymen palatanyń bıýro otyrysy ótip, aldaǵy jalpy otyrystyń kún tártibi naqtylandy, dep habarlady Májilistiń baspasóz qyzmeti. Palata depýtattary nazaryna básekelestik máseleleri boıynsha ózgeristerge qatysty zań jobasyn birinshi oqylymda qaraý usynylyp otyr. Zań jobasynyń negizgi maqsaty elimizdiń monopolııaǵa qarsy zańnamasyn jetildirý jáne Qazaqstandaǵy báseke­les­­tikti qorǵaý salasyndaǵy saıa­sat­ty odan ári kúsheıtip, onyń nor­­malaryn eń ozyq ha­ly­q­ara­lyq tájirıbege sáıkes keltirý. Sondaı-aq, Májilis osy kúni «Parıj kelisimin ratıfıkasııalaý týraly» zań jobasyn jumysqa qabyldaıtyn bolady. Parıj kelisimi ornyqty damý salasyndaǵy maqsattarǵa jetýge yqpal etedi jáne shy­ǵa­ry­n­dylardy azaıtý men klı­mattyń ózgerýine turaqty­lyqty nyǵaıtýǵa múmkindik beretin sharalardyń «jol kartasy» bolyp sanalady. Sonymen qatar, bıýro oty­rysynda Ekonomıkalyq reforma jáne óńirlik damý ko­mıtetiniń Almaty oblysyn­da, Áleýmettik-mádenı damý ko­mı­tetiniń Qostanaı oblysynda kóshpeli otyrystaryn ótkizý týraly sheshim qabyldandy.