Elimizdiń birqatar aımaqtarynda úsik júredi

Búgin elimizdiń basym bóliginde kún ashyq bolady. Tek batys pen ońtústik óńirlerdiń keı jerlerinde atmosferalyq aǵymdardyń ótýine baılanysty jańbyr jaýyp, jel kúsheıedi. «Qazgıdromettiń» málimetinshe, túnde jáne tańerteń keı jerlerde tuman túsedi. Soltústik pen shyǵysta jáne ortalyqta úsik júrýi yqtımal. Shyǵys Qazaqstan oblysynyń birqatar aımaqtarynda kúndiz naızaǵaı oınap, jeldiń ekpini sekýndyna 15-20 metrge jetedi. Pavlodar, Aqmola, Mańǵystaý, Qostanaı, Soltústik Qazaqstan, Qaraǵandy oblystarynyń keı jerlerinde tuman túsedi. Qyzylorda men Aqtóbe oblystarynda, sondaı-aq túnde jáne tańerteń Jambyl, Ońtústik Qazaqstan oblystarynyń keı jerlerinde jeldiń kúshi údeı túsip, sekýndyna 15-20 metrge jetedi. Aqmola, Pavlodar, Qaraǵandy, Shyǵys Qazaqstan oblystarynyń birqatar aımaqtarynda aýa temperatýrasy 1-3 gradýsqa deıin tómendep, úsik júredi. Ońtústik Qazaqstan oblysynda jáne Qaraǵandy, Jambyl, Almaty oblystarynyń basym bóliginde, sondaı-aq Atyraý, Aqtóbe, Shyǵys Qazaqstan oblystarynyń keı jerlerinde órt qaýipi saqtalady. Egemen-aqparat