Qazaq tildi saıttar baıqaýy bastaldy

Astanada Qazaqstan Respýblıkasy Tuń­ǵysh Prezıdenti – Elbasy Qory Qazaqstan halyqtarynyń tilderi kúni men Qazaqstan Respýblıkasy Táýelsizdiginiń 25 jyldyǵyna oraı qazaq tildi úzdik ınternet-saıt baıqaýyna ótinimder qabyldaý bastalǵanyn jarııalady. Baıqaý ótkizýdegi seriktes – Memlekettik tildi damytý qory. Baıqaý maqsaty – ınternet júıesindegi úzdik qazaq tildi resýrstardy anyqtaý men nasıhattaýǵa, aqparattyq resýrstar men servısterdiń sany men sapasyn arttyrýǵa, jeli qoldanýshylarynyń qyzyǵýshylyǵyn ulǵaıtýǵa, aqparat keńistiginde qazaq tiliniń qoldanys aıasyn keńeıtýge jáne úzdikterdiń tanymaldylyǵyn kóterýge yqpal etý. Baıqaýǵa úkimettik emes, táýelsiz qoǵamdyq saıttar, ǵalamtor keńistigindegi tájirıbesi keminde bir jylǵa tolǵan, qazaq tilinde aq­parat taratatyn, qyzmet túri Qazaqstan Respýb­lıkasynyń qoldanystaǵy zańnamasyna qaıshy kelmeıtin kez kelgen saıt qatysa alady. Baıqaýǵa tek memlekettik organdardyń, sheteldik uıymdardyń, buqaralyq aqparat quraldarynyń elektrondy nusqalary (gazet, tv, radıo) qatysa almaıdy. Syılyq mynadaı nomınasııalar boıynsha taǵaıyndalady: «О́tkir til» – qazaq tilin jáne ulttyq qundylyqtardy nasıhattaýshy úzdik saıt, «Rýhanı azyq» – qazaq ádebıeti men mádenıetin nasıhattaýshy úzdik saıt, «Tereń izdenis» – qazaq eliniń tarıhyn nasıhattaýshy úzdik saıt, «Shynaıy ómir» – qoǵamdaǵy ózekti máselelerdi talqylaıtyn úzdik saıt, «Sport tynysy» – salamatty ómir salty men sportty nasıhattaýshy úzdik saıt, «Bilim bulaǵy» – bilim beretin úzdik saıt, «Jastar álemi» – jastar taqyrybyna arnalǵan úzdik saıt. Árbir nomınasııa boıynsha jeńimpazǵa 300 myń teńge kóleminde aqshalaı syılyq beriledi. Baıqaý qorytyndysy osy jylǵy qazan aıynyń sońynda shyǵady. Baıqaý jeńimpazdaryn belgili qoǵam qaıratkerleri, qalamger-jýrnalıster men baıqaý quryltaıshylarynan jasaqtalǵan qazylar alqasy anyqtaıdy. Qazylar alqasy saıttardy mazmuny, qyz­­­met baǵyty, ınteraktıvtiligi, kórkemdik jaǵy, ıdeıa ereksheligi, tartymdylyǵy sekildi talap­tar boıynsha saralap, jeńimpazdardy anyqtaıdy. Baıqaý erejesimen Qazaqstan Res­pýb­lıkasy Tuńǵysh Prezıdenti – Elbasy Qory men Memlekettik tildi damytý qorynyń saıttarynan tanysýǵa bolady. «Egemen-aqparat»