Qazaqstan Respýblıkasynyń Ulttyq brendin anyqtaý jónindegi baıqaýdyń Uıymdastyrý komıteti ótinimder qabyldaýdy 2017 jyldyń 15 qazanyna deıin uzartý týraly sheshim qabyldady. Bul týraly Aqparat jáne kommýnıkasııalar mınıstri Dáýren Abaev feısbýktegi paraqshasynda habarlady.
– Baıqaýǵa qazirgi kúnge deıin 260 jumys kelip tústi. Bul jumystarǵa qarap, el dańqyn asqaqtatýǵa degen qushtarlyqty kórýge bolady. Degenmen, sońǵy aptada mınıstrliktiń atyna baıqaý merzimin uzartý jóninde kóptegen ótinish tústi. Olardyń kópshiligi baıqaý týraly der kezinde estip úlgermegenin alǵa tartýda. Osy oraıda biz kópshiliktiń usynys-tilegin eskergendi jón kórip otyrmyz, — dedi D.Abaev.
Sondaı-aq, mınıstr óz paraqshasynda áli iriktelip alynbaǵan, kezdeısoq tańdalǵan birneshe jumysty el nazaryna usyndy.
Egemen-aqparat
