Baqytjan Saǵyntaev Uzynaǵash isin baqylaýǵa alýdy tapsyrdy

“Qazirgi ýaqytta BAQ-tarda qylmystar týraly kóp aıtylyp jatyr. Qylmyskerlerdiń Almaty oblysynda ustalǵany belgili boldy, tergeý sharalary júrip jatyr. Bul halyqty alańdatyp otyrǵandyqtan, bul jaıynda bizge málimet berseńiz” dedi Úkimet basshysy Saǵyntaev Ishki ister mınıstri Qalmuhanbet Qasymovqa. “20 qyrkúıekte bizge úsh azamattyń Almatyǵa mal satýǵa ketip, joǵalyp ketkeni jaıly habar kelip tústi. 21 qyrkúıekte olardyń bir kóligin taptyq. Olar eki kólikpen 41 bas iri qarany Almaty oblysyndaǵy bazarǵa satýǵa apara jatqan. 23 qyrkúıekte ekinshi kólik tabyldy” dedi Qalmuhanbet Qasymov. “Osydan keıin jergilikti turǵyndardyń bul kóliktiń júrgizýshilerine kómekteskeni belgili boldy, sóıtse olar laı-batpaqta turyp qalypty, keıin ol jerde kim bolǵany belgili boldy. Olar Jambyl aýdanynyń turǵyndary. Osy tulǵalar arqyly qylmyskerlerdi anyqtadyq, Jambyl aýdanynyń eki turǵynyn anyqtadyq, olar mal bazarǵa bara jatyp, osy satýshylarǵa jaqyndaǵan. Sóıtip, olardan barlyq malyn satyp alýdy usynǵan. Olardy aldap, alqapqa alyp ketip, qylmys jasaǵan. Máıitter men maldy jetkizý barysynda olardyń kóligi toqtap qalǵan, sondyqtan olar jergilikti turǵyndardan kómek suraǵan. Qazirgi ýaqytta qylmyskerler ustaldy, kisi óltirýge qoldanylǵan qarý tárkilendi, qylmyskerler máıitterdi qaıda kómip ketkenin óz qalaýymen kórsetip berdi. Qajetti saraptamalar taǵaıyndaldy. Búgin jerleý rásimi ótedi. 36 bas iri qara tárkilendi. Isti Almaty oblystyq IID tergep jatyr. Menińshe, az ýaqyttyń ishinde isti tergep, sotqa joldaımyz” Ishki ister mınıstri. “Baqylaýǵa alyńyzdar. Qoǵamdyq qaýipsizdiktiń jáne zorlyqpen kúrestiń bizdiń negizgi jumysymyz ekenin barlyǵymyz bilemiz. Sondyqtan taıaý arada osy máseleni úkimette qaraımyz dep oılaımyn”, – dedi Saǵyntaev. Taldyqorǵan qalasyna jaqyn mańdaǵy Kóksý aýdanynyń 3 turǵyny Almaty jaqtaǵy Uzynaǵash bazarynda mal satýǵa ketip sol kúıi joǵalyp ketken bolatyn. Keıinirek olardyń máıitteri tabyldy. Vedomstvodaǵylardyń aıtýynsha, marqumdardyń denesinde zorlyq belgiler bar. Polıseıler kisi óltirdi degen kúdiktilerdi ustapty. Olar Jambyl aýdanynyń eki turǵyny. Qazirgi ýaqytta QR Qylmystyq kodeksiniń 99-baby (“Adam óltirý”) boıynsha sotaldy tergeý bastalypty. Kúdiktiler ýaqytsha ustaý ızolıatoryna qamaldy.