Aqan Sataevtyń jańa fılmi kórsetildi

Almatydaǵy Respýblıka sara­­ıyn­da jyldyń eń aıtýly preme­ra­sy rejısser Aqan Sataev­tyń «Anaǵa aparar jol» fılmi­niń tu­saý­keser kórsetilimi ótti. Keńes­tik kezeńdegi ujym­das­­tyrý, saýat ashý kezeńinen bas­tap, ashar­shy­lyq, úrkinshilik, soǵys, stalındik náýbet sekildi qazaq ultynyń basyna túsken qıyn­dyq­tardy tizbe­lep, tutas bir dáýirdiń sulba­syn kıno tilimen kórsetken rejıs­ser­­diń aýqymdy eńbegi baǵa­laý­ǵa tu­rar­lyq. Fılmniń bas­ty keıip­keri Ilııastiń ómir­ge kel­­gen kúninen bastap tarqaty­la­tyn oqı­ǵa­lar tizbeginiń qaı-qaı­sysy da qazaq­qa jaqyn ári túsi­nikti. Rejıs­ser keıip­kerdiń basyna tús­ken synaq­tar­­dan ótýine kómek­te­setin ana ma­hab­­ba­tynyń kúshin oqıǵa qazyǵy etip ala oty­ryp, keıip­kerdiń ór rý­hy­nyń bıiktigin, otan­ǵa degen súıis­­­pen­­shiligin, adam sen­gi­siz jan­kesh­­ti­ligin kórsetýdi maqsat etken. Qyzyldar qurǵan ókimettiń óktem­digine moıynsuna almaǵan Eraly baı shekara aspaq bolyp beki­nip kelgeninde, arqasúıer aǵaıyny izinen ilespek túgili, ózine qarsy turady. Adýyndy baı ashý shaqyryp, qol­shoqparlary qarý kezenip, qym-qýyt qaqtyǵys kezinde qańǵyǵan oqtan Ilııastiń ákesi qurban bolady. Úrerge ıti qalmaǵan aýylda ashtyqtyń qurbany bolar dep qoryqqan Eraly inisiniń jalǵyz tuıaǵyn anasynan aıy­ryp, kúshpen bókterip ózimen birge alyp ketedi. Odan ári Túrkııa asyp, keme arqyly Ýkraınaǵa jetip, keńes elinde ómiri qaıta jalǵasqanymen, bir qıyn­dyqtan ekinshisine tap bolyp, eriksiz erkindiginen aıyryl­ǵan Ilııas anasymen uzaq jyldarǵa tabysa almaıdy. Ilııas – bir ǵa­syr­daǵy zulmattyń bárin basy­nan keship, jankeshtilikpen aman qalǵan adamdardyń jıyn­tyq beınesi. Talaı ret ólimmen bet­pe-bet kelse de, óziniń eń ja­qyn jany – anasymen qaıta qaýy­sha­tynyna senimin joǵalt­paıdy. Fılm ómirlik qundylyq­tardy oı elegi­nen qaıta ótkizýge, adamǵa, qo­ǵam­ǵa degen kóz­qaras­ty ózger­týge óz áserin tıgizbeı qoımaıdy. Tarıhı taqyryptardy top­tas­tyrǵan biregeı týyndy Qazaq­stan, Belarýs, Ázerbaıjan respýblıkalarynda túsi­rilgen. Fılmniń eń basty jetistigi – akterlerdiń óz rólin shynaıy beıneleı alǵany. Ananyń obrazyndaǵy Alty­­naı Nógerbektiń, Ilııas­tiń rólin­degi Ádil Ahmetovtiń, Eraly beıne­sin­­degi Bolat Ábdil­manovtyń, Hamıt­ti keıip­tegen Azamat Saty­bal­­dynyń, Muqan­dy oı­naǵ­an Erkebulan Daıyrovtyń, Luq­pan­dy keskindegen Berik Aıtjanovtyń oıy­nyn­daǵy shyndyq sendir­meı qoımaıdy. Jalpy alǵanda, fılmniń túsiri­limine 2000-nan astam adam ju­myl­dyrylǵan. Tusaýkeser saltanatyna fılm­­niń bas prodıýseri Álııa Nazarbaeva, Mádenıet jáne sport vıse-mı­nıstri Ǵalym Ahme­dııarov, Almaty qalasy ákiminiń oryn­basary Arman Qyryqbaev, Máji­lis depýtattary Zaǵıpa Balıeva men Birǵanym Áıtimova qatysty. Fılmnen shyqqan soń ulttyq tanymy men júregine qozǵaý salǵan qýattan aıyǵa almaǵan barlyq analardy Saraı syrtynda qýanysh gúli kútip turdy. Aıgúl AHANBAIQYZY, «Egemen Qazaqstan» ALMATY