Daıyndyq joǵary deńgeıde

Alda úlken sport dúbiri kele jatqany kún ótken saıyn bilinýde. Almaty aýqymdy sharany ótki­zýge baryn salyp otyr. Osy tir­lik­tiń aıasynda 2017 jylǵy qysqy Ýnıversıadaǵa oraı jumys sapa­ry­men kelgen sheteldik delegattar qala aýrýhanalaryn aralap shyqty. Qazir qaladaǵy barlyq emdeý mekemeleri stýdentterdiń álemdik qysqy oıyndaryna tyńǵylyqty daıynd­alyp jatyr. Arnaıy delega­sııa aldymen Almaty qalasyndaǵy №4 qalalyq aýrýhanaǵa, jedel járdem aýrýhanasyna bas suqty. Atalmysh mekemeler almatylyq­tarǵa ǵana emes, eldiń ár shalǵaıynan shıpa izdep kelgenderge shuǵyl jáne josparly túrde medısınalyq kómek kórsetedi. Olar ozyq medısınalyq tehnologııalarmen jabdyqtalǵan. Munda shetelderde tájirıbeden ótken bilikti mamandar qyzmet at­qara­dy. Bólimsheler kúrdeli opera­sııalar jasaýmen, sırek kezdesetin aýrýlardy emdeýmen aınalysady. Emdeý oryndaryndaǵy jabdyq­tar­dy kórgen Ulybrıtanııa ulttyq stýdentter sporty federasııasy medısınalyq komıtetiniń jetekshisi Edjeı Abosıde Olýgboınva: «Biz qaladaǵy aýrýhanalardy kórip, jaq­sy oıda qaldyq. Bar­lyq pala­talar ozyq úlgidegi tehnıka­larmen jabdyqtalypty. Al mamandardyń biliktiligi joǵary ekenine kóz jet­kizdik. Jarys kezinde sportshylar úshin barlyq kómek kórsetiletinine senimdimin», – dedi. Sonymen qatar, sheteldikterge jedel medısınalyq kómek kórsetý stansalary da kórsetildi. Olar avtomattandyrylǵan júıe men jańa jedel járdem mashınalarymen tanysty. AQSh stýdentter sporty fede­rasııasy medısınalyq komıteti­niń jetekshisi Ronald Olson Ýnıversıada kezinde shuǵyl kómektiń asa qajet ekenin aıta kele: «Úlken jarystarda sportshy kez kelgen sátte qulap, jaraqat alýy múmkin. Al oǵan shuǵyl kómek kórsetý asa mańyzdy. Medısına qyzmetkerlerin kórip, olardyń aqjarqyn jandar ekenine kózim jetti. Bul da asa qajet. Menińshe, bári oıdaǵydaı bolady», degendi aıtty. Ýnıversıada kezinde Almaty qalasy ákimdiginiń sheshimimen 40 jedel járdem kólikteri qatar turmaq. Onyń 8-i – reanımobıl kólikteri. Medısınalyq kómek kór­setý úshin Almatynyń 8 stasıonary jumyldyrylady. Qalalyq densaýlyq saqtaý basqarmasynyń basshysy Ýálıhan Ahmetov medısına qyzmetkerleri Ýnıversıadaǵa saqadaı-saı daıyn ekendigin aıtyp otyr. Oıyndar kezinde sportshylar men tirkelgen tulǵalarǵa ambýlatorlyq kómek kórsetý úshin medısınalyq ortalyq pen saýyqtyrý-ońaltý is-sharalary jumys isteıdi. Shuǵyl naýqastar úshin Ýnıversıadanyń resmı aýrýhanalaryna kedergisiz qabyldanady. Qazirgi tańda 130-dan astam medı­sınalyq qyzmetker aǵylshyn tilin oqyp úırenip jatyr. Uıymdastyrý tártibi boıynsha árbir sporttyq jarys nysanynda jáne atletıkalyq aýylda dopıng-baqylaý stansalary bolady. Dopıng baqylaý rásimderi testileýge arnal­ǵan Dúnıejúzilik dopıngke qarsy kúres kodekstiń jáne Halyqaralyq standarttyń erejelerine sáıkes júrgiziledi. Aınash ESALI, «Egemen Qazaqstan» ALMATY