Shýaǵyn shashqan «Aıshýaq»

Sozaq aýdanynyń ortalyǵy – Sholaq­­qorǵan aýylynda «Aıshýaq» bala­baq­­shasy paıdalanýǵa berildi. 280 oryn­dyq balabaqsha «QazTransOıl» aksıoner­lik qoǵamynyń demeýshili­gimen salyndy. Balalar mekemesiniń ashylý saltanatyna oblys ákiminiń orynbasary Jaqyp Bókenbaev pen «QazTransOıl» AQ bas dırektory Dımash Dosanov qatysyp, quttyqtaý sóz sóıledi. 3281 sharshy metrdi quraǵan qurylys aýmaǵynyń 1822 sharshy metrinde balabaqsha ornalasqan. Al onyń 1459 sharshy metri kógaldandyrý alańyna tıesili. – Memleket basshysy Nursultan Nazarbaev elimizdiń nurly bolashaǵy – balalar úshin barlyq jaǵdaıdy jasap keledi, – dedi «QazTransOıl» AQ basshysy. – Jańadan paıdalanýǵa berilgen ǵımarat ta sonyń jarqyn bir dáleli. Elimizde balalar alańsyz ósip, jaqsy tárbıe alý úshin biz de qolymyzdan kelgen kómegimizdi aıamaımyz. Onyń ústine balabaqshanyń ashylýy el Táýelsizdiginiń 25 jyl­dyǵy­men tuspa-tus kelip otyr. Son­dyq­tan barshańyzdy eń úlken merekemen quttyqtaımyz. Sozaq – Ońtústiktiń Saryarqamen qoıyndasyp jatqan bir pushpaǵy. Sondyqtan da el aýyzynda Teriskeı dep atalady. Bıyl munda tórt bala­baq­sha ashylǵan. Jyl sońyna deıin taǵy úsheýi ashylady dep kútilýde. Sonda mundaǵy balalardyń baqshamen qamtylýy 88,8 paıyzǵa jetpek. Baqtııar TAIJAN, «Egemen Qazaqstan» Ońtústik Qazaqstan oblysy