Shyǵanaq sharapaty

Aq tarynyń atasy, dańqty dıqan Shyǵanaq Bersıevtiń 135 jyl­­dyǵy týǵan jeri – Oıyl aýda­­nyn­­­daǵy Qaratal aýylynda aı­­shyq­ty atalyp ótti. Mereı­­toı­­­lyq shara rekordtyq ónim al­ǵan al­qaptyń qasyndaǵy Qarasý aýy­ly­nyń irgesindegi 1946 jyly boı kótergen «Dańq mu­narasy» men taryshynyń beıiti­ne táý etýden bastaldy. Túıe shy­ǵyr­men alqapqa sý shyǵaryp, ket­peni­men sýarmada tary ósirip, mań­daı terimen qazaqty álemge tanyt­qan dıqannyń arýaǵyna quran baǵyshtaldy. Sodan keıin Qara­tal aýylyndaǵy dańqty dıqan es­kertkishine gúl shoqtaryn qoı­ǵan qonaqtar aýyl klýbynda «Shy­ǵanaq baǵyndyrǵan shyń!» taqy­ry­bynda ǵylymı-tanymdyq kon­fe­rensııaǵa qatysty. Shyǵanaq Bersıev atyndaǵy aýdandyq óner jáne ólke tarıhy mýzeıinde «Aq tarynyń aqtańgeri – Shyǵanaq» atty kórmemen tanystyrylyp, mýzeı qyzmetkerleri daıyndaǵan beı­ne­fılm kórermender nazary­na usynyldy. Shyǵanaq Bersıev ısi qazaqqa jaqsy tanys. Ol týraly qazaq ja­zý­shysy Ǵabıden Mustafın «Shyǵanaq» romanyn jazsa, nemis aqyny Bertold Breht «Tary týra­ly» poemany ómirge ákeldi. Jazý­shy G.Fısh «Bolmasty bol­dyr­ǵan adam» degen tamasha ocherk jazdy. Eńbek adamynyń atyn álemge áıgilegen onyń eńbek­qor­­­ly­ǵy, jyldar boıy jınaǵan táji­­rı­besi deý oryndy. Onyń tary­­shy­­lar zvenosy 1942 jyly 40 gek­­tar tary alqabynyń ár gek­tary­­nan orta eseppen 175 sent­ner tary alsa, 1943 jyly 4 gek­tar jerdiń ár gektarynan 201 sent­ner tary jınap, dúnıe júzi­lik rekordqa qol jetkizdi. Bul Shy­ǵanaq baǵyndyrǵan shyń retinde el esinde máńgi qaldy. Konferensııada sońǵy jyl­dary taryshy eńbegin zerdeleı zert­tep júrgen ardager jýrnalıst Idosh Asqar baıandama jasady. Ol «Shyǵanaq – jaratqannyń ja­ra­lymy, naǵyz fenomen tulǵa», – deı kelip, ataqty taryshynyń rekord­tyq kórsetkishine qalaı jet­­kenin eńbek jáne ómir joly­men baı­lanystyra baıandady. Tary­­shy týraly derekter jınaý­ǵa, zert­teýge oqýshylaryn ju­myl­­­dyr­ǵan ustaz Aıjan Alma­nııazo­­va aq tarynyń atasy týraly tujy­rymdaryn ortaǵa saldy. Eń­bek ardagerleri Keldibaı Es­pa­ǵam­­betov, Elýbaı Qalıev, Tu­rar Sherııazdanov, Qarakóz Qosaeva men jıeni Muhambetqalı Eshmuqan Shyǵanaq týraly jáne izbasarlarynyń eseli eńbegi jaıly estelikter aıtsa, aqyn Jaqsylyq Aıjan men aýyl turǵyny Salamat Shańǵala da óz oılarymen bólisti. Konferensııa sońynda aýdan ákimi Bulbul Kúzembaeva qonaqtarǵa izgi tilegin bildirdi. Konferensııadan soń kórermen­der nazaryna jergilikti aqyn-jýrnalıst, Nurlybek Qalaýov­tyń pesasy boıynsha qoıylǵan «Shy­ǵa­naq» spektakli usynyldy. Odan soń aýyl ortasyndaǵy saıa­ba­qta «Qurmet taqtasy» salta­natpen ashyldy. Saıabaqta ornatylǵan sahnada ob­lystyq aqyndar aıtysy uıym­das­­tyryldy. Oǵan segiz aqyn qaty­syp, aıtystyń kórigin qyz­dyr­dy. Olar Shyǵanaqqa óleń shýmaq­ta­ryn arnap, kókeılerine kelgen kó­­­rik­­­­ti oı­lardy jyrlaryna arqaý etti. Kelesi kúni Oıyl selosynda Sh.Bersıev atyndaǵy selolyq okrýgi­niń kúni ótkizilip, aýyl sharýa­shylyǵy ónimderiniń jár­meńkesi uıymdastyryldy, kon­serttik baǵdarlama usynyldy. ...Bıyl jaz jańbyrly boldy. Oıyldyq sharýalar aq tarynyń atasy Shyǵanaq Bersıevtiń tary ósirý dástúrine den qoıyp, laıyq­ty jalǵastyrýda. Sharýa qoja­lyq­­tary bıyl tary alqabynan mol ónim alypty. Bul da Shyǵanaq óne­ge­siniń ómirsheńdigin kórsetse kerek. Satybaldy SÁÝIRBAI, «Egemen Qazaqstan» Aqtóbe oblysy, Oıyl aýdany