Qazaqstan Respýblıkasy Úkimetiniń qaýlysy №539 

  2016 jylǵy 23 qyrkúıek , Astana, Úkimet Úıi «Tabıǵı teriden jasalǵan kıim zattary, kıimge kerek-jaraqtar jáne ózge de buıymdar» taýar pozısııasy boıynsha taýarlardy baqylaý (ıdentıfıkasııalaý) belgilerimen tańbalaýdy engizý jónindegi pılottyq jobany 2015-2016 jyldary iske asyrý jónindegi sharalar týraly «Keden odaǵyna jáne Biryńǵaı ekonomıkalyq keńistikke múshe memleketterdiń aýmaqtarynda jeńil ónerkásip ónimderiniń jekelegen túrlerin tańbalaý júıesin ázirleý týraly» Joǵarǵy Eýrazııalyq ekonomıkalyq keńestiń 2014 jylǵy 10 qazandaǵy № 88 sheshimine sáıkes 2016 jylǵy 29 aqpandaǵy Qazaqstan Respýblıkasynyń Zańymen ratıfıkasııalanǵan «Tabıǵı teriden jasalǵan kıim zattary, kıimge kerek-jaraqtar jáne ózge de buıymdar» taýar pozısııasy boıynsha taýarlardy baqylaý (ıdentıfıkasııalaý) belgilerimen tańbalaýdy engizý jónindegi pılottyq jobany 2015-2016 jyldary iske asyrý týraly kelisimniń oryndalýyn qamtamasyz etý maqsatynda Qazaqstan Respýblıkasynyń Úkimeti qaýly etedi: 1. Qazaqstan Respýblıkasynyń Qarjy, Investısııalar jáne damý, Aqparat jáne kommýnıkasııalar, Ulttyq ekonomıka mınıstrlikteri Qazaqstan Respýblıkasy Ulttyq Bankimen jáne «Atameken» Qazaqstan Respýblıkasynyń Ulttyq kásipkerler palatasymen kelisý boıynsha bir aı merzimde birlesken akt qabyldaý arqyly «Tabıǵı teriden jasalǵan kıim zattary, kıimge kerek-jaraqtar jáne ózge de buıymdar» taýar pozısııasy boıynsha taýarlardy baqylaý (ıdentıfıkasııalaý) belgilerimen tańbalaýdy engizý jónindegi pılottyq jobany 2016 jyly ótkizý tártibin aıqyndasyn. 2. Osy qaýly alǵashqy resmı jarııalanǵan kúninen bastap qoldanysqa engiziledi. Qazaqstan Respýblıkasynyń Premer-Mınıstri B.SAǴYNTAEV