Qoǵamdyq keńestiń mindeti men maqsaty

Qoǵamdyq keńes tóraıymy, Parlament Senatynyń Áleýmettik-mádenı damý jáne ǵylym komıtetiniń tóraıymy Birǵanym Áıtimovanyń jetekshiligimen Syrtqy ister mınıstrligi (SIM) janyndaǵy Qoǵamdyq keńestiń kezekti májilisi bolyp ótti. Májilis barysynda Syrt­qy ister mınıstri Erlan Ydyry­sov Keńes múshelerin vedomstvo­nyń álem­degi geosaıası jaǵdaı aıasyndaǵy aǵym­daǵy jumys­tarynyń sheshýshi ba­ǵyt­tary men basymdyqtary týraly habar­dar etti. Qazaqstannyń 2017-2018 jyldary BUU Qaýipsizdik Keńe­sine aldaǵy tóraǵalyǵy taqy­rybyna erekshe nazar aýdaryldy. «Bul mıssııa biz úshin úlken jaýap­­­kershilik bolyp tabylady. Biz BUU Qaýipsizdik Keńesiniń jumy­syna halyq­aralyq beıbitshilik pen qaýip­­­sizdik, preventıvti dıplomatııa, jan­­jal­dardy retteý men janjaldan keıingi qalpyna keltirý, bitimger­shilik, adam quqyqtary, genderlik teń­dik, halyqaralyq quqyq sekildi sala­­larda úles qosýǵa umtylatyn bola­myz. Ortalyq Azııa atalǵan organ tarı­hynda alǵash ret Qaýipsizdik Keńe­sinde ókilettik etetin bolady. Biz­diń múshe­ligimiz – Keńes músheleri­niń nazaryn óńirlik qaýipsizdik, onyń ishinde Aýǵanstandy turaqtandyrý máse­lelerine aýdarýda úlken múm­kindik bolyp tabylady. Bizdiń bas­ty ıdeıamyz – óńirdi beıbitshilik, yntymaqtastyq jáne qaýipsizdik óńirine aınaldyrýǵa yqpal etý», – dep atap kórsetti E.Ydyrysov. B.Áıtimova Keńestiń úsh sheshýshi baǵyt – aq­pa­rattyq, sarap­shyldyq-tal­da­malyq jáne jurtshy­lyqpen baı­lanys, sondaı-aq, úkimettik emes uıymdar baǵyt­yndaǵy jumys qory­tyn­dylary týraly aıtyp berdi. «Ár baǵyt boıynsha jumys toptary qurylsa, olar tarapynan birqatar mindetter júzege asty. Keńes mú­she­leri BAQ-tarda sóz sóılep, iri halyqaralyq sharalarǵa, onyń ishin­de shetel­dik sharalarǵa qatysyp júr. Qa­zaq­stan elshileriniń SIM-de óte­tin taqyryptyq brıfıngterine de úles qosyp turady. Prezıdent ja­­nyndaǵy Qazaqstannyń stra­tegııalyq zertteýler ınstıtýtymen birlesip, basymdyq berilgen elder jáne óńirlermen ynty­maqtastyqty bel­sendilendirý boıynsha ǵylymı-zertteý jobalaryn júzege asyrý úderisteri de bas­talyp ketken. Atalǵan baǵyttardaǵy jumys barystary Keńes músheleriniń ózde­rin qyzyqtyrǵan taqyryptarǵa tere­ńi­rek boılaýlaryna múmkin­dik be­rip otyr. Al SIM ózi tarapynan qandaı da bir máseleniń aǵym­­daǵy jaǵdaıyna ishki baǵalaý júr­gizdi. Osy turǵydan alǵanda, jumys­­tardyń baǵyt alǵan qyrla­ry Qoǵam­dyq keńestiń min­detteri men maqsat­taryna tolyq kólem­de sáıkes keledi»,– dedi B.Áıtimova. Keńestiń «Qazaq memlekettik zań ýnıversıteti» AQ-tyń Halyq­aralyq quqyq ǵylymı-zertteý ortalyǵymen ynty­maqtastyǵy jónindegi jańa perspektıvaly joba boıynsha Lılıa Ispenbetova áńgimeledi. Atalǵan baǵyt qazaq­standyq zańnamalardy ári qaraı jetildirý men olardy halyqaralyq standarttarǵa kel­tirý boıynsha usynymdamalar jasaýda ózara is-qımyldy yntalandyrýdy kózdeıdi. Keńes tarapynan SIM-niń zertteý jumystaryndaǵy min­det­terin talqylaý, 2015 jyly júr­gizilgen keń aýqymdy sholý zert­teýleri máse­leleri de qozǵaldy.  Máselen, Mem­leket bas­shy­synyń Bes ınstıtýttyq baǵdar­­lamasy aıasynda birqatar jańa zań­dar qabyldandy. Qyz­metteri je­ke zań­men retteletin Qoǵam­dyq keńester qury­lýynyń ózi osy refor­malardyń bir bólshegi bolyp tabylatyny atap ótildi. Jańa qadamdar jasaý men engizý óte aýqymdy aldyn ala daıyndyq jumystaryn júrgizýdi talap etti. Sol kezeńde SIM-niń sheshýshi ju­mys baǵyty Bes reformany júze­ge asyrý boıynsha halyqaralyq tá­jirıbege negizdelgen saraptamalar júrgizýler bolyp tabyldy. Bul arada shetel tájirıbeleri de es­kerildi. Tutastaı alǵanda, 50-den as­tam eldiń tájirıbeleri zertteldi. Mysaly, shetelderdiń memlekettik qyz­met júıesi, saıası júıesiniń evo­lıý­sııasy men jemqorlyqpen kúres tásilderi; sot tóreligi júıesi; ult­tyq birtektilikti qalyptastyrý men nyǵaıtý; ındýstrııalandyrý men ekono­mıkalyq ósim, ekonomıkany árta­raptandyrý, energetıkalyq qaýip­sizdik, jasyl tehnologııalarǵa kóshý­degi sharalar men energııanyń qaıta­­lama kózderin paıdalaný, ınno­va­sııa­lyq klasterlerdi damytý, álem­dik ınte­grasııalyq úderister sekil­di taqyryp­tar jan-jaqty sarap­taldy. Shet memleketterdiń orta merzimdi jáne uzaq merzimdi kezeńderdegi damýyn aıqyndaıtyn strategııalyq baǵdar­lamalyq qujattaryn oqyp-úırenýge  bólek nazar aýdaryldy. Osyǵan baılanysty aıtatyn bolsaq, jańa tájirıbelerge saraptama júrgizý, ozyq halyqaralyq tájirıbelerdi oqyp-úırený SIM-niń turaqty  jumysy bolyp tabylatyny atap ótildi. Al ǵylymı jáne sarapshylyq ınstıtýttar tarapynan osy baǵyttaǵy ıdeıalardy paıymdaý qajet ekendigi de nazardan tys qalǵan joq. Bul jumystyń basty maqsaty – Qazaq­stan Respýblıkasy memlekettik organ­dary­nyń qyzmetin tıimdi jú­zege asyratyn júıe qurýdy qamta­masyz etýge baǵyt­talyp otyr. Syrtqy ister mınıstrligi janyn­daǵy Qoǵamdyq keńestiń kezekti má­jilisi ústimizdegi jyldyń jeltoq­san aıynda ótedi dep belgilendi. Sáýlebek BIRJAN