"Qazaqstan" teleradıokorporasııasyna jańa basshy keldi

Qazaqstan Respýblıkasy Aqparat jáne kommýnıkasııalar mınıstri Dáýren Abaev "Qazaqstan" Respýblıkalyq teleradıokorporasııasy AQ" ujymyna korporasııanyń jańa basqarma tóraǵasy Kemelbek Oıshybaevty tanystyrdy dep habarlaıdy Egemen-aqparat. Mınıstrdiń aıtýy boıynsha, korporasııanyń burynǵy jetekshisi Nurjan Muhamedjanova tóraǵanyń birinshi orynbasary qyzmetine aýysyp, korporasııanyń strategııalyq damýy jáne fılıaldary máselesimen aınalysatyn bolady. Dáýren Abaev korporasııanyń jumysyna jaqsy baǵa berip, ujymǵa tabys tiledi. Kemelbek Oıshybaev ujymǵa jáne ózine artylyp otyrǵan senimdi aqtaýǵa kúsh salatynyn jetkizdi. Oıshybaev Kemelbek Baqtyǵululy 1977 jyly 13 shildede dúnıege kelgen. Ál-Farabı atyndaǵy Qazaq ulttyq ýnıversıtetin jýrnalıst mamandyǵy boıynsha bitirdi. Qazaq memlekettik zań ýnıversıtetinde, Halyqaralyq bıznes akademııasynda oqyǵan. "Zaman Qazaqstan" gazeti bas redaktorynyń orynbasary, "Qazaqtelekom" AQ" korporatıvti satýlar dıreksııasynyń bas dırektory, "Qazmedıa ortalyǵy" bas dırektorynyń birinshi orynbasary, Ortalyq kommýnıkasııalar qyzmetiniń dırektory sııaqty birqatar jetekshi qyzmetter atqarǵan. Egemen-aqparat