Jaqyp Asanov: Konkýrstan ótseńizder, tanyssyz jumysqa qabyldaımyz

Búgin  QR Bas prokýrory Jaqyp Asanov Astanada Qazaq gýmanıtarlyq zań ýnıversıtetiniń stýdentterimen kezdesti. Bul jóninde QazAqparat atalǵan vedomstvoǵa silteme jasap habarlady. Bas prokýror jalyndy jastardy otansúıgúshtik pen eńbekqorlyqqa jaqyn bolýǵa, teris ıdeologııadan alys júrýge shaqyrdy. Sonymen qatar, aldyǵa bıik maqsat qoıa alatyn jastardy jumysqa shaqyrdy. «Bárińizge aıtarym - eshqandaı tanystyń qajeti joq, kelińizder de, konkýrstan ótińizder. Eger nátıje joǵary bolsa - jumysqa qabyldaımyz", -  dep túıindedi J. Asanov. Shilde aıynda Astanadaǵy Nazarbaev Ýnıversıtetinde elimizdiń Bas Prokýrory «Prokýratýraǵa - úzdik mamandar» jobasyn tanystyrǵan bolatyn. Araǵa bir jarym aı salyp, tamyz aıynyń ortasynda respýblıka boıynsha  prokýratýra salasyna jańa qyzmetkerler qabyldaý konkýrsy ótti. Elimiz boıynsha 1350 adam qatysty. Onyń tek 69-y ǵana irikteýden ótti. Bul azamattar jaqyn arada jumysqa qabyldanady. Konkýrs barysynda úmitkerlerge talap qatań boldy. Ásirese, beımálim taqyrypqa esse jazýǵa asa mán berildi. Shyǵarmalardy Nazarbaev Ýnıversıtetinen kelgen sarapshylar tekserip, baǵalady. Konkýrstan ótken 4 úmitkerdiń 2-eýi osy Qazaq gýmanıtarlyq  zań ýnıversıtetiniń túlekteri. Sondyqtan Bas prokýror, bilimi joǵary azamattardyń jumysqa qabyldanýǵa múmkindigi mol ekenin basyp aıtty.