Sol kelisimge sáıkes, búgin tań ata qanshama jyldar boıy Peterbýrg qalasynda Kýnstkamerada turǵan batyrdyń bas súıegi Qazaqstanǵa jetkizildi. Budan ári qandaı rásimder atqarylyp, batyrdyń basyn jerleý jumystary qalaı uıymdastyrylatynyn "Egemen-aqparat" nazarda ustaıtyn bolady. Ázirge biz Keıki batyrdyń basy elge qaıtarylatyny týraly aqparatqa oraı týǵan Serik Aqsuńqarulynyń shaǵyn tolǵaýyn usynyp otyrmyz. Kele jatyr altyn Basy Keıkiniń... Jaýdan jalǵyz – Shahıd keshken deıtuǵyn, Kele jatyr altyn Basy Keıkiniń; Masaıraǵan onyń munda joǵynda, Orman jurty qala bardy sońynda. Keýdesinde qalyp qoımaı zar áni, Mańdaı, sheke súıegine tarady; Ata jaýdan kóńili qalǵan, qaıran, Bas Art jaǵyna qaıyryla bir qarady... Beles, beles, beles dep, Aıdarynan sıpaǵandaı jel ıiskep; Bas keledi toqsan jyldaı kórmegen, О́z denesi О́z kózine Elestep! Tabanynyń astynda qap taǵylyq, Qasiretti qara túndi jamylyp, Bas... keledi toqsan jyldaı toryǵyp, О́r keýdesin! О́kpe-baýyryn saǵynyp! Ýlap-shýlap áleýmettik jeli kep, Demin ishke tartqan kezde tóńirek, Toqsan jyldaı eki kózi tórt bolǵan, Torǵaı jurty qoıa berdi eńirep... Bas keledi basa-kóktep ǵasyrdy, Álıhan men izdep Qanysh... Qasymdy; Qaraı bermeı jaýtań-jaýtań tómenge, Kókke qaraı kóter, qazaq, basyńdy!
Serik Aqsuńqaruly
