Brıtanııa parlamentshilerimen kezdesti

Parlament Senatynyń Tóraǵasy Qasym-Jomart Toqaev Ulybrıtanııa jáne Soltústik Irlandııa Birikken Koroldigi Parlamentiniń Qazaqstanmen yntymaqtastyq jónindegi búkilpartııalyq toptyń delegasııasymen kezdesti, dep habarlady Qazaqstan Parlamenti Senatynyń baspasóz qyzmeti. Qaýymdar palatasynyń depýtaty Gızel Stıýart basqaratyn bul topqa Parlamenttiń qos pa­la­­ta­syndaǵy túrli saıası partııa­lardyń músheleri, sondaı-aq táýelsiz depýtattar enedi. Q.Toqaev eki eldiń jan-jaqty ózara is-qımylyn nyǵaıtýǵa yqpal etetin Brıtanııa Parlamentindegi depýtattyq toptyń qyzmetin qoldaıtynyn aıtty. Meımandardyń ótinishi boıynsha Tóraǵa Prezıdent Nursultan Nazarbaev bastaǵan ınstıtýttyq reformalardy iske asyrý barysy, sondaı-aq, elimizdiń saıası júıesindegi Senattyń róli týraly áńgimeledi. Tóraǵa reformalar kásibı jáne derbes memlekettik apparatty qalyptastyrýǵa, zań ús­temdigin qamtamasyz etýge, ın­dýs­trııalandyrý men eko­nomıkalyq órkendeýge, ult tutas­tyǵyn ny­ǵaıtýǵa, sondaı-aq trans­parentti já­ne esep beretin memle­ketti da­my­­týǵa baǵyttalǵany týraly habar­­dar etti. Ekijaqty yntymaqtastyqtyń basymdyqtary týraly aıtqanda Q.Toqaev Qazaqstan Prezıdentiniń ótken jylǵy qarashada Londonǵa resmı sapary barysynda qol jetken ýaǵdalastyqtardy iske asyrýdyń mańyzdylyǵyn atady. Senat basshysy Ulybrı­ta­nııanyń Eýropalyq odaqtan shyǵý úderisi týraly óz pikirin bil­dirdi. «Eýroodaq – biz úshin iri saý­da-ekonomıkalyq áriptes, al Uly­brıtanııa – Qazaqstan eko­no­mı­kasynyń negizgi ınvestor­lary­nyń biri. Biz London men Brıýs­seldiń tezirek ońtaıly sheshim­ge kelýine jáne saýda-ekonomı­kalyq damýdyń meılinshe qolaıly shart­taryn daıarlaýyna múddelimiz», – dedi Q.Toqaev. Brıtanııa Parlamentiniń de­pý­tat­tary Qazaqstannyń qazirgi za­­mandaǵy damýyna, Prezıdent N.Na­zar­baevtyń reformalar baǵ­dar­lamasyna jáne Qazaqstan­nyń syrtqy saıası basymdyq­tary­na oń pikir bildirdi, sondaı-aq, Qa­zaq­stan men Brıtanııanyń par­la­­menttik únqatysýyn jalǵas­ty­rý­dyń mańyzdylyǵyn atap ótti.