Ciz ne deısiz?

BAǴANY QURYQTAÝǴA BOLA MA? Bul kúnde barlyq jerlerdegideı, Qaraǵandyda da  azyq-túlik ónimderi baǵa­sy ósip tur. Ol solaı bola bere me? Ony yryqta us­taýǵa múmkindik bar ma? «Egemen Qazaqstannyń» atalǵan óńir boıynsha tilshisi Aıqyn Nesipbaı oblystyq aýyl sharýashylyǵy basqarmasynyń  bastyǵy Nıqan Omarhanovqa: – Siz buǵan ne deısiz? – Bizdiń aımaqta negizinen óndiris basym damyǵan. Tur­ǵyn­dardyń 80 paıyzy qala­lar­da turady. Sondyqtan az­yq-túlik tutynymy ózge óńir­lerge qaraǵanda joǵary. Baǵa­nyń óńirde qymbattaýy bir ja­ǵynan soǵan baılanysty da bolsa kerek. Aýyl eńbek­ker­leri oblys jurtshylyǵyn ázir­ge tek bıdaı, kartop, sábizben ǵana tolyq qamtamasyz ete alyp júr. Basqa túrleri syrttan áke­linedi. Shyndyǵyn aıtqanda, kar­toptyń jón-josyqsyz qym­bat­taýynda túsiniksiz jaılar bar. О́tken kúzde oblysymyzda 220 myń tonna kartop ón­di­ril­di. Qys aldynda aıǵa sozylǵan jármeńkede kılosy 45-50 teńgeden satyldy. Qalalyqtar 300 tonnasyn satyp aldy. Zertteýler kórsetip otyrǵan­daı, qory, barshylyq. Qazir qalalardaǵy áleýmettik dúken­derde ár kılosy 85 teńgeden satylýda. Bazarlarda 130-140 teńge. Iаǵnı, 2 ese qymbat. Quqyq qorǵaý organdary men salyq departamentiniń  qyz­metkerlerinen qurylǵan komıssııa bir máseleniń máni­sin anyqtap jatyr. Baǵany quryqtaý úshin sharalar qa­ras­tyrylýda. Eń aldymen, bazar­lar­daǵy ár túrli tólemderdi joıýǵa, deldaldardy azaıtýǵa kóńil bólinýde. Aýyl jaqtan arzanǵa satyp alyp, sodan soń asa qymbatqa ótkizýshilerge tosqaýyl qoıylmaq. Bıyl kókónis pen kartop saqtaıtyn qoımalar salyna­dy. Et saqtaýǵa arnalǵan úlken tońazytqyshtar qurylysy bas­talady. Mal ónimderine baǵany qalypty ustaý úshin «Mal ónimderi» tutyný kooperatıvi quryldy. Áleýmettik mańyzy bar taǵamdyq ónim­der­di ótkizý úshin saýda orynda­ryn tegin bólýge bazarlar basshylaryna tapsyrma berildi. Keshe osy máselege baıla­nysty oblystyq keńes ót­kizilip, istiń jaıy jan-jaqty taldandy. Baǵany qalypty ustap turý úshin aldaǵy eki jylǵa arnalǵan keshendi sharalar belgilendi. Qaraǵandy.