Qazaqstan Respýblıkasy Densaýlyq saqtaý jáne áleýmettik damý mınıstrliginiń buıryǵy  №418

  2015 jylǵy 29 mamyr, Astana qalasy Pasıent pen medısınalyq uıym arasynda jasalatyn, tegin medısınalyq kómektiń kepildik berilgen kólemi sheńberinde medısınalyq kómek usyný jónindegi úlgilik shartty bekitý týraly «Halyq densaýlyǵy jáne densaýlyq saqtaý júıesi týraly» Qazaqstan Respýblıkasynyń 2009 jylǵy 18 qyrkúıektegi Kodeksiniń 7-babynyń 1-tarmaǵynyń 104) tarmaqshasyna sáıkes buıyramyn: 1. Osy buıryqqa qosymshaǵa sáıkes Pasıent pen medısınalyq uıym arasynda jasalatyn, tegin medısınalyq kómektiń kepildik berilgen kólemi sheńberinde medısınalyq kómek usyný jónindegi úlgilik shart (budan ári – Úlgilik shart) bekitilsin. 2. Qazaqstan Respýblıkasy Densaýlyq saqtaý jáne áleýmettik damý mınıstrliginiń Medısınalyq kómekti uıymdastyrý departamenti: 1) osy buıryqty Qazaqstan Respýblıkasy Ádilet mınıstrliginde memlekettik tirkeýdi; 2) osy buıryqty Qazaqstan Respýblıkasy Ádilet mınıstrliginde memlekettik tirkegennen keıin ony kúntizbelik on kúnniń ishinde merzimdi baspasóz basylymdarynda jáne «Ádilet» aqparattyq-quqyqtyq júıesinde resmı jarııalaýǵa jiberýdi; 3) osy buıryqty Qazaqstan Respýblıkasy Densaýlyq saqtaý jáne áleýmettik damý mınıstrliginiń ınternet-resýrsyna ornalastyrýdy qamtamasyz etsin. 3. Osy buıryqtyń oryndalýyn baqylaý Qazaqstan Respýblıkasynyń Densaýlyq saqtaý jáne áleýmettik damý vıse-mınıstri A.V.Soıǵa júktelsin. 4. Osy buıryq ony alǵashqy resmı jarııalaǵan kúninen bastap qoldanysqa engiziledi. Qazaqstan Respýblıkasynyń Densaýlyq saqtaý jáne áleýmettik damý mınıstri T.DÚISENOVA Qazaqstan Respýblıkasy Densaýlyq saqtaý jáne áleýmettik damý mınıstriniń 2015 jylǵy 29 mamyrdaǵy №418 Buıryǵyna qosymsha Pasıent pen medısınalyq uıym arasynda jasalatyn tegin medısınalyq kómektiń kepildik berilgen kólemi sheńberinde medısınalyq kómek usyný jónindegi úlgilik shart _____________ qalasy. № _____ 20___j. «___» __________________ _____________________________________________________________________________________________ , (Tegi, aty, ákesiniń aty (eger bolsa), týǵan kúni, jeke basyn kýálandyratyn qujat (jeke bas kýáligi, pasport) berilgen kúni, kim berdi) myna mekenjaı boıynsha turyp jatqan: _______________________________, odan ári «Pasıent» dep atalyp bir taraptan jáne «_______________________________________________», (densaýlyq saqtaý sýbektisiniń ataýy) medısınalyq qyzmetti júzege asyrý quqyǵyna berilgen lısenzııasy _____________________ atynan ___________________________________________________________________________________________________________, (laýazymy, tegi, aty, ákesiniń aty (ol bar bolǵan kezde) Jarǵynyń (Erejeniń) negizinde qyzmet etetin, odan ári «Densaýlyq saqtaý sýbektisi» dep atalyp ekinshi taraptan, tómendegiler týraly osy Shartty (budan ári – Shart) jasasty: 1. Sharttyń máni 1. Densaýlyq saqtaý sýbektisi tegin medısınalyq kómektiń kepildik berilgen kólemi (budan ári - TMKKK) sheńberinde: - Qazaqstan Respýblıkasynyń zańnamasyna sáıkes Pasentke medısınalyq kómek (dárigerge deıingi medısınalyq kómek, bilikti medısınalyq kómek, mamandandyrylǵan medısınalyq kómek, joǵary mamandandyrylǵan medısınalyq kómek, medısınalyq-áleýmettik kómek, onyń ishinde táýlik boıy medısınalyq baqylaý jasalatyn mamandandyrylǵan jáne joǵary mamandandyrylǵan medısınalyq kómek, stasıonardy almastyratyn, ońaltý jáne pallıatıvtik kómek) kórsetedi; - dári-dármektik terapııany ýaqtyly taǵaıyndaýdy jáne Qazaqstan Respýblıkasy Densaýlyq saqtaý mınıstriniń mindetin atqarýshynyń 2011 jylǵy 4 qarashadaǵy № 786 buıryǵymen (budan ári – № 786 buıryq) bekitilgen Tegin medısınalyq kómektiń kepildik berilgen kóleminiń sheńberinde ambýlatorııalyq deńgeıde belgili bir aýrýlary (jaı-kúıi) bar halyqty tegin qamtamasyz etý úshin dárilik zattardyń jáne medısınalyq maqsattaǵy buıymdardyń jáne mamandandyrylǵan emdik ónimderdiń tizbesine sáıkes pasıentke dárilik zattar men medısınalyq maqsattaǵy buıymdardy ambýlatorııalyq deńgeıde alýyna resepter jazyp berýdi qamtamasyz etedi. 2. Pasıent dáriger belgilegen rejımdi saqtaý boıynsha, onyń ishinde sapaly medısınalyq qyzmet usynýdy qamtamasyz etetin jazylyp berilgen dárilik zattardy jáne medısınalyq maqsattaǵy buıymdardy qabyldaýǵa baılanysty Densaýlyq saqtaý sýbektisi mamanynyń usynymdaryn oryndaıdy. 3. Densaýlyq saqtaý sýbektisi men Pasıenttiń arasyndaǵy qarym-qatynastar Qazaqstan Respýblıkasynyń (budan ári – QR) zańnamalyq normalarymen jáne osy shartpen retteledi. 4. Pasıent óziniń derbes derekterin (tegi, aty, ákesiniń aty (ol bar bolǵan kezde), ulty, jynysy, týǵan kúni, jeke sáıkestendirý nomeri, zańdy meken-jaıy, turǵylyqty jeri, baılanys quralynyń abonenttik nómiri) jáne medısınalyq jazbalaryn Pasıentti zerttep-qaraý jáne emdeý prosesiniń qatysýshylarymen osy aqparatpen almasý maqsatynda Densaýlyq saqtaý sýbektisi men Qazaqstan Respýblıkasy Densaýlyq saqtaý jáne áleýmettik damý mınıstrliginiń (budan ári – QR DSÁDM) aqparattyq júıelerine engizýge jáne paıdalanýǵa kelisedi. 2. Qyzmet kórsetý sharttary men tártibi 6. Densaýlyq saqtaý sýbektisi osy shart boıynsha __________________ mekenjaıy boıynsha, sondaı-aq Densaýlyq saqtaý sýbektisimen tegin medısınalyq kómektiń kepildik berilgen kólemi (budan ári - TMKKK) sheńberinde medısınalyq qyzmetter kórsetýge arnalǵan qosalqy merdigerliktiń tıisti sharttary bar medısınalyq uıymdarda da qyzmet kórsetedi. 7. Densaýlyq saqtaý sýbektisi osy shart boıynsha Densaýlyq saqtaý sýbektisiniń ákimshisi belgilegen jáne Pasıentke málimdelgen jumys kúni men ýaqytynda qyzmetter kórsetedi. 8. Densaýlyq saqtaý sýbekti Pasıentke Qazaqstan Respýblıkasynyń zańnamasyna sáıkes TMKKK sheńberinde medısınalyq qyzmetter (dárigerge deıingi medısınalyq kómek, bilikti medısınalyq kómek, mamandandyrylǵan medısınalyq kómek, joǵary mamandandyrylǵan medısınalyq kómek, medısınalyq-áleýmettik kómek, onyń ishinde táýlik boıy medısınalyq baqylaý jasalatyn mamandandyrylǵan jáne joǵary mamandandyrylǵan medısınalyq kómek, stasıonardy almastyratyn, ońaltý jáne pallıatıvtik kómek) kórsetedi. 9. Pasıentti stasıonarǵa josparly emdeýge jatqyzý kezde, kezinde túsken sátten bastap 30 mınýttan keshiktirmeı qabyldaý bólimshesinde qabyldaý bólimshesiniń dárigeri tekserip-qaraý júrgizedi. 10. Naýqas stasıonarǵa shuǵyl kelip túsken kezde qabyldaý bólimshesiniń dárigeri dereý tekserip-qaraý júrgizedi. 11. Balany emdeýge jatqyzý kezinde onyń zańdy ókilimen shart jasalady. 12. Densaýlyq saqtaý sýbektisi stasıonarda demalys jáne mereke kúnderin qosa alǵanda, táýlik boıy baqylaýdy, barlyq qajetti zerttep-qaraýdy jáne emdeýdi qamtamasyz etedi. 13. Densaýlyq saqtaý sýbektisi Pasıenttiń tegin dárilik zattar men medısınalyq maqsattaǵy buıymdardy alý quqy­ǵyn iske asyrýdy, sondaı-aq tegin dárilik zattar men medısınalyq maqsattaǵy buıymdardy alý prosesinde laıyq­ty iltıpat jasaýdy, Pasıenttiń mádenı jáne jeke basynyń qundylyqtaryna qurmet kórsetýdi qamtamasyz etedi. 3. Taraptardyń quqyqtary men mindetteri 14. Densaýlyq saqtaý sýbektisi: 1) «Halyq densaýlyǵy jáne densaýlyq saqtaý júıesi týraly» Qazaqstan Respýblıkasynyń 2009 jylǵy 18 qyrkúıektegi 184-babymen kózdelgen Medısına jáne farmasevtıka qyzmetkerleriniń Ar-namys kodeksiniń saqtalýyn qamtamasyz etedi; 2) uıymnyń bar lısenzııasyn, sertıfıkattaryn jáne Qazaqstan Respýblıkasynda qoldanystaǵy densaýlyq saqtaý týraly zańnamaǵa sáıkes Pasıentke medısınalyq kómekti usyna otyryp, osy shart boıynsha qyzmetti ýaqtyly jáne sapaly kórsetedi; 3) zańmen belgilengen tártipte qoldanylýyna ruqsat etilgen profılaktıkalaý, dıagnostıkalaý, emdeý ádisterin, medısınalyq tehnologııalardy, dárilik zattardy, ımmýnobıologııalyq preparattardy jáne dezınfeksııa quraldaryn paıdalanady; 4) Pasıent qolaıly, túsinikti tildegi jáne belgilengen tártipte mynalar kiretin aqparatpen qamtamasyz etedi: - qyzmet kórsetý orny, uıymda kórsetilýi múmkin profılaktıkalyq, dıagnostıkalyq jáne emdik medısınalyq qyzmet kórsetýler týraly, mamandardyń biliktilikteri jáne sertıfıkattary týraly málimetter; - jumys rejımi men tártibi týraly málimetter, dárigerlerdiń qabyldaý kestesi (kabınettiń nómiri, dárigerdiń tegi, aty, ákesiniń aty (ol bar bolǵan jaǵdaıda), qabyldaý ýaqyty kórsetilgen) (alǵashqy medısınalyq-sanıtarııalyq kómek kórsetetin uıymdar úshin); - dárigerdi úıge shaqyrtý erejeleri týraly aqparat (alǵashqy medısınalyq-sanıtarlyq kómek kórsetetin uıymdar úshin); - stasıonar jumysynyń ishki tártibi men erejeleri týraly málimetter (medısınalyq-sanıtarııalyq alǵashqy kómek kórsetetin uıymdar úshin); - qoldanylatyn emniń túrleri men ádisteri týraly, dárilik zattardyń mólsheri, dúrkindiligi, uzaqtyǵy jáne qabyldaý tártibi týraly jáne preparattardyń múmkin bolatyn saldary men janama áserleri týraly, úı jaǵdaıynda dárilik zattardy saqtaýdyń erekshelikteri týraly qysqasha aqparat; - oǵan medısınalyq qyzmet kórsetetin densaýlyq saqtaý salasyndaǵy mamandardyń attary, biliktilikteri jáne sertıfıkattalýy týraly aqparat; 5) medısınalyq-sanıtarııalyq alǵashqy kómek kórsetetin uıymdaryn tirkeý ornynyń utymdy jumysyn uıymdastyrý arqyly pasıentter aǵymynyń qarqyndylyǵyn retteýdi qamtamasyz etedi: - halyqty jumys rejımi týraly ýaqtyly aqparattandyrý; - kedergisiz jáne kidirissiz aldyn ala qabyldaýǵa jazylý, onyń ishinde avtomattandyrylǵan rejımde; - dárigerdiń qabyldaýyna, dárigerge deıingi kómek kabınetine, medısınalyq profılaktıka kabınetine jazylý (emhanaǵa tikeleı kelgen kezde de, telefon boıynsha da); - pasıentterdiń turǵylyqty jeri boıynsha dárigerlerdi úıge shaqyrýlardy ýaqytyly qabyldaý; 6) úıge shaqyrtýlardy ýaqtyly qamtamasyz etedi (shaqyrtqan kúni); 7) kórsetilimderiniń (joǵary temperatýra, arterııalyq gıpertenzııa nemese basqa da aýyr jaǵdaılar) bolýyna baılanysty Pasıent júgingen kezde qajet bolǵan jaǵdaıda medısınalyq jedel járdem brıgadasyn shaqyrtyp, shuǵyl medısınalyq kómek kórsetedi; 8) Pasıentterge tıisti jaǵdaılar jasaıdy (úı-jaıdy taqtaıshalarmen, siltemelermen, múmkindiginshe ishki navıgasııa júıesimen, aýyz sýmen jabdyqtaý, tazartý bólmelerin barlyq qajetti gıgıenalyq jabldyqtarmen jabdyqtaý); 9) stasıonarda Pasıentter úshin tıisti jaǵdaılar jasaıdy (laıyqty kútim jasaý jáne tamaqtandyrý, aýyz sýmen, tósek-oryn jabdyqtarymen jáne ydys-aıaqtarmen qamtamasyz etý, tazartý bólmelerin barlyq qajetti gıgıenalyq jabldyqtarmen jabdyqtaý, úı-jaıdy taqtaıshalarmen, siltemelermen, múmkindiginshe – ishki navıgasııa júıesimen jabdyqtaý); 10) plakattar, stendter túrinde pasıenttiń quqyqtary týraly, sondaı-aq uıymda kórsetiliýi múmkin dıagnostıkalyq jáne emdik medısınalyq qyzmet kórsetýler týraly aqparattyq materıaldar usynady; 11) Pasıentke dári-dármektik terapııany ýaqtyly taǵaıyndaýdy jáne № 786 buıryqqa sáıkes dárilik zattar men medısınalyq maqsattaǵy buıymdardy alýǵa resepter jazyp berýdi qamtamasyz etedi; 12) pasıentke aldynda berilgen dárilik zattar bitkenge deıin birneshe kún buryn ýaqtyly tegin dárilik zattar men medısınalyq maqsattaǵy buıymdar alýǵa aldyn ala resepter beredi; 13) pasıentti aýrýlardyń profılaktıkasy jáne qaýip faktorlary jónindegi aqparattyq-bilim berý materıaldarymen qamtamasyz etedi; 14) qajet bolǵan jaǵdaıda Pasıentti dıspanserlik esepke qoıady jáne onyń densaýlyǵy jaǵdaıyna dınamıkalyq baqylaý júrgizedi; 15) Pasıentti beıindi densaýlyq mektepterinde jáne salamatty ómir salty kabınetterinde oqytady; 16) emdeýge jatqyzýǵa kórsetilimderi bolǵan kezde júrgizilgen zertteýlerdiń nátıjelerin kórsetip stasıonarǵa emdeýge jatqyzýǵa qoldanysy merzimi kúntizbelik 10 kúnnen aspaýy tıis nemese aıǵaqtary boıynsha shuǵyl joldama rásimdeıdi; 17) basqa densaýlyq saqtaý uıymdarymen ózara is-qımyldy jáne óz qyzmetindegi sabaqtastyqty qamtamasyz etedi; 18) Pasıentke zertteýdiń nátıjelerin, anyqtamany, eńbekke jaramsyzdyq paraǵyn, QR zańnamasymen kózdelgen jaǵdaılar men tártipte naýqastyń ambýlatorııalyq (stasıonarlyq) kartasynan úzindi kóshirme beredi; 19) óziniń mamandarynyń jáne (nemese) Densaýlyq saqtaý sýbektisimen sharttyq qarym-qatynastaǵy medısınalyq uıymydar qyzmetkerleriniń kúshimen medısınalyq qyzmet kórsetý boıynsha ózi qabyldaǵan mindettemelerdi oryndaýdy qamtamasyz etedi. 15. Densaýlyq saqtaý sýbektisi: 1) Pasıenttiń densaýlyǵy jaǵdaıyna sáıkes emdeýdiń uzaqtyǵyn, dárilik zattar men medısınalyq maqsattaǵy buıymdardy qabyldaý rejımin aıqyndaıdy; 2) Pasıenttiń barlyq taǵaıyndalǵan dıagnostıkalyq rásimder men saýyqtyrý is-sharalarynan ótýine, sondaı-aq Pasıenttiń taǵaıyndalǵan dárilik preparattardy qabyldaý rejımin saqtaýyna monıtorıng jáne baqylaý júrgizedi; 3) dárigerdiń keńesin, usynymdaryn jáne taǵaıyndaýlaryn óreskel buzǵan jaǵdaıda naýqasty aýrýhanadan shyǵarady (uıǵarylǵan rejımdi saqtamaý, stasıonardan óz betimen ketý, alkogolden, esirtkiden, ýytty zattardan mas bolý, medısına qyzmetkerlerimen jáne bólmeles kórshilermen janjaldasý jáne tózýge bolmaıtyn qylyqtar kórsetý jáne basqa); 4) kórsetilimderi boıynsha pasıentti basqa medısınalyq uıymǵa aýystyrýdy (jiberýdi) júzege asyrady; 5) tegin medısınalyq kómektiń kepildik berilgen kóleminen bólek Pasıenttiń qarajaty, uıymnyń, erikti saqtandyrý júıesiniń jáne basqa da tyıym salynbaǵan kózderdiń qarajaty esebinen qosymsha medısınalyq qyzmet kórsetedi. 16. Pasıent: 1) dárigerdi nemese medısınalyq uıymdy tańdaýǵa, aýystyrýǵa quqyly; 2) emhanaǵa kelgen sátten bastap sapaly bilikti konsýltasııalyq-dıagnostıkalyq kómekpen jáne stasıonarǵa túsken sátten bastap bilikti, mamandandyrylǵan, joǵary mamandandyrylǵan medısınalyq kómekpen qamtamasyz etiledi; 3) mynalar týraly ol úshin qoljetimdi nysanda qolaıly qolda bar aqparatty alady: - zerttep-qaraý nátıjeleri týraly málimetterdi qosa alǵanda, óz densaýlyǵynyń jaǵdaıy; - aýrýdyń bolýy, onyń dıagnozy jáne boljamy; - emdeý tásili, oǵan baılanysty qaipter; - medısınalyq aralasýlardyń múmkin bolatyn nusqalary, olardyń saldary; - júrgizilgen emdeý nátıjeleri; 4) medısınalyq qyzmetterdiń ınvazıvtik ádisterine aqparattandyrylǵan jazbasha erikti kelisim beredi; 5) óziniń quqyqtary men mindetteri, kórsetiletin qyzmetter, aqyly qyzmetterdiń baǵasy týraly, jáne de olardy usyný tártibi týraly aqparat alady; 6) tegin medısınalyq kómektiń kepildik berilgen kóleminen tys óz qarajatynyń, uıymnyń, erikti saqtandyrý júıesiniń jáne basqa da tyıym salynbaǵan kózderdiń qarajaty esebinen qosymsha medısınalyq qyzmetter alady; 7) dıagnostıkalaý, emdeý jáne kútý, ambýlatorııalyq (stasıonarlyq) deńgeıde dárilik zattarmen jáne medısınalyq maqsattaǵy buıymdarmen qamtamasyz etý prosesinde óziniń mádenı jáne jeke qundylyqtaryna laıyqty iltıpat pen qurmetti paıdalanady; 8) taǵaıyndalǵan dárilik zat týraly tolyq aqparat alady; 9) medısınalyq tehnologııalardyń qoldanystaǵy deńgeıiniń múmkindigine qaraı beınetin jeńildetýge, konsılıým ótkizilýine quqyǵy bar; 10) Qazaqstan Respýblıkasynyń qoldanystaǵy zańnamasyna sáıkes medısına qyzmetkerleriniń dárilik zattardy, medısınalyq maqsattaǵy buıymdar men medısınalyq tehnıkany durys taǵaıyndamaýyna jáne qoldanbaýyna baılanysty densaýlyǵyna keltirilgen zııannyń ornyn toltyrýdy talap etýge quqyly; 11) qandaı da bolmasyn kemsitý faktorlarynyń yqpalynsyz, tek qana medısınalyq krıterıılerdiń negizinde anyqtalatyn kezektilikpen medısınalyq kómek alady; 12) medısınalyq qyzmet kórsetýshilerdiń tegi, aty, ákesiniń aty (ol bar bolǵan kezde) jáne kásibı mártebesi týraly málimetter alady; 13) jumysqa shyǵarýdyń, basqa medısınalyq uıymǵa aýystyrýdyń jáne basqa da bas tartqan jaǵdaılardyń sebebi túsindiriledi; 14) belgilengen tártipte jazbasha resimdeı otyryp jáne medısınalyq qujattamaǵa engizip, medısınalyq kómek alýdan bas tarta alady; 15) aýyrýy kezeńinde eńbekke ýaqytsha jaramsyzdyq faktisin rastaıtyn qujattardy alady (eńbekke ýaqytsha jaramsyzdyq paraǵy nemese eńbekke ýaqytsha jaramsyzdyq týraly anyqtama); 16) Tegin medısınalyq kómektiń kepildik berilgen kóleminiń sheńberinde ambýlatorııalyq deńgeıde belgili bir aýrýlary (jaı-kúıi) bar halyqty tegin qamtamasyz etý úshin dárilik zattardyń jáne medısınalyq maqsattaǵy buıymdardyń jáne mamandandyrylǵan emdik ónimderdiń tizbesiniń sheńberinde ambýlatorııalyq deńgeıde tegin emdelýge dárilik zattar men medısınalyq maqsattaǵy buıymdardy tegin resepter boıynsha alady; 17) medısınalyq qyzmet jáne (nemese) dárilik qamtamasyz etý sapasyz kórsetilgen jaǵdaıda: - medısınalyq uıymnyń Ishki baqylaý qyzmetine (pasıentke qoldaý kórsetý) júginedi; - kórsetilgen medısınalyq qyzmetterge táýelsiz saraptama júrgizý úshin táýelsiz (beıindi) sarapshylardy nemese táýelsiz saraptama júrgizetin qoǵamdyq birlestikterdi tartady; - Qazaqstan Respýblıkasy Densaýlyq saqtaý jáne áleýmettik damý mınıstrliginiń Medısınalyq jáne farmasevtıkalyq qyzmetti baqylaý komıtetiniń aýmaqtyq departamentine júginedi; - Densaýlyq saqtaý sýbektisinde, joǵary turǵan organǵa jáne (nemese) zańdy túrde medısına jáne farmasevtıka qyzmetkerleriniń is-áreketterine (áreketsizdigine) shaǵymdana alady. 18) mynalardy qosa alǵanda óz densaýlyǵyn saqtaý jáne nyǵaıtý sharalaryn qabyldaıdy: - profılaktıkalyq medısınalyq tekserip-qaraýdan ýaqtyly jáne tolyq (skrınıngtik zertteýlerden) ótý; - salamatty ómir saltyn ustaný jáne aýyr saldarǵa (asqynýlarǵa) ákep soǵatyn aýrýlardy týdyratyn nemese sozylmaly aýrýlardy asqyndyratyn qaýipti faktorlar bolyp tabylatyn zııandy ádetterden bas tartý – artyq dene salmaǵy, shylym, esirtki shegý, ishimdikti shekten tys paıdalaný, dene belsendiliginiń tómendigi; - dáriger usynǵan dıetany, dene júktemesiniń, kún jáne demalys rejımin, jáne qaralý kezdiligin saqtaý; - dárilik zattardy qabyldaý rejımi men ońaltý is-sharalary boıynsha dárigerdiń barlyq qajetti talaptary men uǵymdaryn, onyń ishinde qabyldaý rejımi men ýaqytyn múltiksiz oryndaý, emdeýdiń tıimdiligin qamtamasyz etetin basqa da talaptar men uıǵarymdardy oryndaý; 19) medısınalyq qyzmet kórsetkenge deıin dárigerge dıagnoz qoıýǵa jáne aýrýdy emdeýge qajet bolatyn basynan ótkergen syrqattary, ózine málim allergııalyq reaksııalar, buryn júrgizilgen emdeýler men onyń nátıjeleri týraly aqparat beredi; 20) medısına qyzmetkeriniń taǵaıyndaýy boıynsha aýrýdyń profılaktıkasy boıynsha beıindi densaýlyq mektepterinde, salamatty ómir salty kabınetterinde oqýdan ótedi; 21) medısına qyzmetkerleri týraly ýaqtyly aqparat beredi: - dıagnostıkalaý jáne emdeý úrdisinde óz densaýlyǵy jaǵdaıynyń ózgerýi; - aınalasyndaǵylarǵa qaýip tóndretin aýrýlardyń týyndaýy, ne bolmasa olardyń bolýyna kúdiktengen jaǵdaılarda; - qandaı da bir dárilik zatqa tózbeýshilik nemese allergııalyq reaksııalarynyń bolýy, ishimdikti shekten tys paıdalaný jáne/nemese esirtki preparattaryna qumarlyq, shylym shegý jáne ózge de málimetter týraly; - basqa dárilik zattardy qabyldaıtyndyǵy týraly; - dárilik zattardyń úı jaǵdaıynda saqtalatyndyǵy jáne qabyldap júrgen dárilerdiń jaramdylyq merzimi týraly ýaqtyly aqparat beredi; 22) osy sharttyń talaptaryn buljytpaı oryndaıdy, Densaýlyq saqtaý sýbektisi mamandarynyń taǵaıyndaýlary men usynymdaryn naqty oryndaıdy jáne Pasıenttiń osy shartty oryndaýyna kedergi keltiretin kez kelgen jaǵdaılar týraly Densaýlyq saqtaý sýbektisine ýaqtyly aqparat beredi; 23) basqa pasıentterdiń quqyqtaryn buzatyn is-qımyl jasamaıdy; 24) medısına qyzmetkerlerimen qarym-qatynasta bolǵanda qurmet pen ádeptilik kórsetedi; 25) ishki tártipteme qaǵıdalaryn saqtaıdy jáne medısınalyq uıymnyń múlkine uqyptylyqpen qaraıdy, medısınalyq kómek alǵan kezde medısına personalymen yntymaqtastyqta bolady; 26) medısınalyq uıymǵa kelip túsken/júgingen kezde óziniń jeke basynyń kýáligin nemese onyń zańdy ókiliniń jeke basyn kýálandyratyn qujatty kórsetedi. 4. Qupııalylyq 17. Densaýlyq saqtaý sýbektisi Pasıenttiń medısınalyq kómekke júginý faktisi týraly aqparatty, onyń densaýlyǵy jaǵdaıy, aýrýynyń dıagnozy jáne ony zerttep-qaraý jáne emdeý kezinde alynǵan ózge de málimetterdi qupııa (dárigerlik qupııa) saqtaıdy. 18. Pasıenttiń nemese onyń ókiliniń jazbasha kelisimimen dárigerlik qupııadan turatyn málimetterdi basqa adam­darǵa, onyń ishinde Pasıentti zerttep-qaraýǵa jáne emdeýge múddeli laýazymdyq adamdarǵa berýge ruqsat etiledi. 19. Densaýlyq saqtaý sýbektisi Pasıenttiń derbes derekterin jınaý men óńdeý Qazaqstan Respýblıkasynyń zańnamasyna sáıkes qupııalylyq qaǵıdalary saqtala otyryp júzege asyrylatyndyǵyna kepildik beredi. 20. Pasıentti zerttep-qaraý jáne emdeý maqsatynda jaǵdaıyna baılanysty óziniń erkin bildire almaıtyn jáne Qazaqstan Respýblıkasynyń zańnamasymen kózdelgen basqa da jaǵdaılarda Pasıenttiń nemese onyń ókiliniń kelisiminsiz dárigerlik qupııa bolyp tabylatyn málimetterdi berýge ruqsat etiledi. 5. Daýlardy qaraý 20. Osy shart boıynsha daýlar men kelispeýshilikter taraptardyń olardy sotqa deıin narazylyq tártibinde retteý jónindegi sharalar qabyldaýy arqyly sheshiledi. Ekinshi tarap jazbasha narazylyqqa ony alǵannan keıin on jumys kúniniń ishinde sheshedi. 21. Kelisimge kele almaǵan jaǵdaıda taraptar arasyndaǵy daýlar Qazaqstan Respýblıkasynyń zańnamasymen belgilengen tártipte qaralatyn bolady. 6. Sharttyń áreket etý merzimi men ony toqtatý tártibi 22. Osy shart: - Densaýlyq saqtaý sýbektisi taratylǵan jaǵdaıda; - Pasıent qaıtys bolǵan jaǵdaıda; - taraptardyń jazbasha nysandaǵy kelisim boıynsha (esepten/tizimnen shyǵarý); - Densaýlyq saqtaý sýbektisi medısınalyq qyzmetti júzege asyrý quqyǵyn joǵaltqan jaǵdaıda buzyldy dep esepteledi. 7. О́zge de talaptar 23. Osy shartta kózdelmegen máseleler boıynsha taraptar Qazaqstan Respýblıkasynyń zańnamasyn basshylyqqa alady. 24. Osy shart birdeı zań kúshi bar eki danada jasaldy. Bir danasy Pasıentte, ekinshisi – Densaýlyq saqtaý sýbektisinde bolady. 25. Taraptar mekenjaılary men rekvızıtteri ózgergendigi týraly bir-birin tezdetip habarlaýdy mindettenedi. Densaýlyq saqtaý sýbektisi Pasıent ________________________ ____________________ Buıryq Qazaqstan Respýblıkasynyń Ádilet mınıstrliginde 2015 jylǵy 1 shildede Normatıvtik quqyqtyq kesimderdi memlekettik tirkeýdiń tizilimine №11520 bolyp engizildi.