Qazaqstan Respýblıkasy Densaýlyq saqtaý jáne áleýmettik damý mınıstrliginiń buıryǵy  №1023 

  2015 jylǵy 25 jeltoqsan,Astana qalasy Qazaqstan Respýblıkasynda oftalmologııalyq kómek kórsetýdi uıymdastyrý standartyn bekitý týraly «Halyq densaýlyǵy jáne densaýlyq saqtaý júıesi týraly» Qazaqstan Respýblıkasynyń 2009 jylǵy 18 qyrkúıektegi Kodeksiniń 7-babynyń 1-tarmaǵynyń 6) tarmaqshasyna jáne Qazaqstan Respýblıkasy Úkimetiniń 2014 jylǵy 23 qyrkúıektegi № 1005 qaýlysymen bekitilgen Qazaqstan Respýblıkasy Densaýlyq saqtaý jáne áleýmettik damý mınıstrligi týraly erejeniń 16-tarmaǵynyń 9) tarmaqshasyna sáıkes buıyramyn: 1. Qosa berilip otyrǵan Qazaqstan Respýblıkasynda oftalmologııalyq kómek kórsetýdi uıymdastyrý standarty bekitilsin. 2. Qazaqstan Respýblıkasy Densaýlyq saqtaý jáne áleýmettik damý mınıstrliginiń Medısınalyq kómekti uıymdastyrý departamenti zańnamada belgilengen tártippen: 1) osy buıryqty Qazaqstan Respýblıkasy Ádilet mınıstrliginde memlekettik tirkeýdi; 2) osy buıryqty Qazaqstan Respýblıkasy Ádilet mınıstrliginde memlekettik tirkegennen keıin kúntizbelik on kúnniń ishinde merzimdi baspasóz basylymdarynda jáne «Ádilet» aqparattyq-quqyqtyq júıesinde resmı jarııalaýǵa jiberýdi; 3) osy buıryqty Qazaqstan Respýblıkasy Densaýlyq saqtaý jáne áleýmettik damý mınıstrliginiń ınternet-resýrsynda ornalastyrýdy; 4) osy buıryqty Qazaqstan Respýblıkasy Ádilet mınıstrliginde memlekettik tirkegennen keıin on jumys kúni ishinde Qazaqstan Respýblıkasy Densaýlyq saqtaý jáne áleýmettik damý mınıstrliginiń Zań qyzmeti departamentine osy tarmaqtyń 1), 2) jáne 3) tarmaqshalarynda kózdelgen is-sharalardy oryndaý týraly málimetti usynýdy qamtamasyz etsin. 3. Osy buıryqtyń oryndalýyn baqylaý Qazaqstan Respýblıkasynyń Densaýlyq saqtaý jáne áleýmettik damý vıse-mınıstri A.V.Soıǵa júktelsin. 4. Osy buıryq alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi. Qazaqstan Respýblıkasynyń Densaýlyq saqtaý jáne áleýmettik damý mınıstri T.DÚISENOVA Qazaqstan Respýblıkasy Densaýlyq saqtaý jáne áleýmettik damý mınıstriniń 2015 jylǵy 25 jeltoqsannyń №1023 buıryǵymen bekitilgen Qazaqstan Respýblıkasynda oftalmologııalyq kómek kórsetýdi uıymdastyrý standarty 1. Jalpy erejeler 1. Qazaqstan Respýblıkasynda oftalmologııalyq kómek kórsetýdi uıymdastyrý standarty (budan ári – Standart) «Halyq densaýlyǵy jáne densaýlyq saqtaý júıesi týraly» Qazaqstan Respýblıkasynyń 2009 jylǵy 18 qyrkúıektegi Kodeksiniń 7-babynyń 1-tarmaǵynyń 6) tarmaqshasyna (budan ári – Kodeks) jáne Qazaqstan Respýblıkasy Úkimetiniń 2014 jylǵy 23 qyrkúıektegi № 1005 qaýlysymen bekitilgen Qazaqstan Respýblıkasy Densaýlyq saqtaý jáne áleýmettik damý mınıstrligi týraly erejeniń 16-tarmaǵynyń 9) tarmaqshasyna sáıkes ázirlengen. 2. Osy Standart ambýlatorııalyq-emhanalyq, stasıonarlyq jáne stasıonardy almastyratyn deńgeılerde kórý aǵzasynyń aýrýlary bar pasıentterge medısınalyq kómek kórsetýdi uıymdastyrýǵa qoıylatyn talaptardy belgileıdi. 3. Oftalmologııalyq kómek kórsetetin densaýlyq saqtaý uıymdarynyń shtattary Qazaqstan Respýblıkasy Densaýlyq saqtaý mınıstriniń 2010 jylǵy 7 sáýirdegi № 238 buıryǵymen bekitilgen Densaýlyq saqtaý uıymdarynyń úlgi shtattarynyń jáne shtat normatıvterine (Qazaqstan Respýblıkasynyń normatıvtik quqyqtyq aktilerin memlekettik tirkeý tiziliminde № 6173 bolyp tirkelgen) sáıkes belgilenedi. 4. Osy Standartta paıdalanylatyn termınder men anyqtamalar: 1) beıindi maman – joǵary medısınalyq bilimi, «oftalmologııa» (eresekter men balalar) mamandyǵy boıynsha sertıfıkaty bar medısına qyzmetkeri; 2) densaýlyq saqtaý uıymy – densaýlyq saqtaý salasynda qyzmetti júzege asyratyn zańdy tulǵa; 3) Emdeýge jatqyzý bıýrosy portaly (budan ári – Portal) – tegin medısınalyq kómektiń kepildik berilgen kólemi sheńberinde pasıentterdiń stasıonarǵa josparly emdeýge jatqyzý joldamalaryn elektrondyq tirkeýdiń, esepke alýdyń, óńdeý men saqtaýdyń biryńǵaı júıesi; 4) kóz mıkrohırýrgııasy – mamandandyrylǵan mıkroskopııalyq jabdyqtar men aspaptardy paıdalana otyryp kórý aǵzasyna júrgiziletin hırýrgııalyq aralasýlardyń jıyntyǵy; 5) oftalmologııalyq kómek – dıagnostıkany, emdeýdi, profılaktıkany jáne medısınalyq ońaltýdy qamtıtyn kórý aǵzalarynyń aýrýlary bar pasıentterge kórsetiletin medısınalyq qyzmetterdiń jıyntyǵy; 6) profılaktıka – aýrýlardyń paıda bolýynyń, olardyń erte satyda órshýiniń aldyn alýǵa jáne oryn alǵan asqynýlardy, aǵzalar men tinderdiń búlinýlerin baqylaýǵa baǵyttalǵan medısınalyq jáne medısınalyq emes is-sharalar kesheni; 7) tegin medısınalyq kómektiń kepildik berilgen kólemi (budan ári – TMKKK) – Qazaqstan Respýblıkasynyń azamattaryna jáne oralmandarǵa kórsetiletin medısınalyq qyzmetter Kodekstiń 6-babynyń 7) tarmaqshasyna sáıkes aıqyndaıtyn tizbesi boıynsha biryńǵaı medısınalyq kómektiń kólemi. 2. Qazaqstan Respýblıkasynda oftalmologııalyq kómek kórsetetin uıymdar qyzmetteriniń negizgi baǵyttary men qurylymy 5. Menshik nysanyna jáne vedomstvolyq tıistiligine qaramastan oftalmologııalyq kómek kórsetetin medısınalyq uıymdardyń (budan ári - MU) negizgi mindetteri, fýnksııalary jáne qurylymy Qazaqstan Respýblıkasy Densaýlyq saqtaý mınıstriniń 2012 jylǵy 28 aqpandaǵy № 120 buıryǵymen bekitilgen Qazaqstan Respýblıkasynyń halqyna oftalmologııalyq kómek kórsetetin densaýlyq saqtaý uıymdarynyń qyzmeti týraly erejede aıqyndalǵan (Qazaqstan Respýblıkasynyń Normatıvtik quqyqtyq aktilerin memlekettik tirkeý tiziliminde № 7505 bolyp tirkelgen). 6. Menshik nysanyna jáne vedomstvolyq tıistiligine qaramastan Qazaqstan Respýblıkasynda oftalmologııalyq kómek kórsetetin medısınalyq uıymdar Qazaqstan Respýblıkasy Densaýlyq saqtaý jáne áleýmettik damý mınıstriliginiń «Qurmet belgisi» ordendi Qazaq kóz aýrýlary ǵylymı-zertteý ınstıtýty» aksıonerlik qoǵamymen (budan ári – QazKǴZI) ózara is-qımyldy júzege asyrady. 3. Qazaqstan Respýblıkasynda oftalmologııalyq kómek kórsetýdi uıymdastyrý 7. Qazaqstan Respýblıkasynda halyqqa oftalmologııalyq kómek «Tegin medısınalyq kómektiń kepildik berilgen kóleminiń tizbesin bekitý týraly» Qazaqstan Respýblıkasy Úkimetiniń 2009 jylǵy 15 jeltoqsandaǵy № 2136 qaýlysymen bekitilgen TMKKK sheńberinde kórsetiledi. 8. Oftalmologııalyq kómek kórsetý (eresekterge jáne balalarǵa) medısınalyq kómektiń mynadaı nysandarynda júzege asyrylady: 1) ambýlatorııalyq-emhanalyq kómek, sonyń ishinde alǵashqy medısınalyq-sanıtarııalyq kómek (budan ári – MSAK) jáne konsýltasııalyq-dıagnostıkalyq kómek (budan ári – KDK); 2) stasıonarlyq; 3) stasıonardy almastyratyn kómek. 9. Kórý aǵzalarynyń aýrýlary bar pasıentterge MSAK Qazaqstan Respýblıkasy Densaýlyq saqtaý jáne áleýmettik damý mınıstriniń 2015 jylǵy 28 sáýirdegi № 281 buıryǵymen bekitilgen Alǵashqy medısınalyq-sanıtarııalyq kómek kórsetý qaǵıdalary jáne Azamattardy alǵashqy medısınalyq-sanıtarııalyq kómek kórsetý uıymdaryna bekitý qaǵıdalaryna sáıkes (Qazaqstan Respýblıkasynyń normatıvtik quqyqtyq aktilerin memlekettik tirkeý tiziliminde № 11268 bolyp tirkelgen) kórsetiledi. 10. Ambýlatorııalyq-emhanalyq deńgeıde oftalmologııalyq kómek kórsetý: 1) profılaktıkalyq, sonyń ishinde skrınıngtik qarap-tekserýlerdi; 2) dıagnostıkalyq zertteýler, sonyń ishinde MSAK mamanynyń qarap-tekserýi, zerthanalyq jáne aspaptyq zertteýlerdi; 3) emdik is-sharalar, sonyń ishinde shuǵyl jáne kezek kúttirmeıtin kómek kórsetýdi, klınıkalyq hattamalarǵa (budan ári – KH) sáıkes emdeý amaldardy; 4) Qazaqstan Respýblıkasy Densaýlyq saqtaý mınıstriniń mindetin atqarýshynyń 2011 jylǵy 4 qarashadaǵy № 786 buıryǵymen bekitilgen Tegin medısınalyq kómektiń kepildik berilgen kóleminiń sheńberinde ambýlatorııalyq deńgeıde belgili bir aýrýlary (jaı-kúıi) bar halyqty tegin qamtamasyz etý úshin dárilik zattardyń jáne medısınalyq maqsattaǵy buıymdardyń jáne mamandandyrylǵan emdik ónimderdiń tizbesine sáıkes (Qazaqstan Respýblıkasynyń Normatıvtik quqyqtyq aktilerin memlekettik tirkeý tiziliminde № 7306 bolyp tirkelgen) kórý aǵzalarynyń aýrýlary bar pasıentterge dárilik zattarǵa, sonyń ishinde tegin dári-dármekpen qamtamasyz etý boıynsha reseptiler berýdi; 5) Qazaqstan Respýblıkasy Densaýlyq saqtaý jáne áleýmettik damý mınıstriniń 2015 jylǵy 29 qyrkúıektegi № 761 buıryǵymen bekitilgen (budan ári - № 761 buıryq) Stasıonarlyq kómek kórsetý qaǵıdalaryna sáıkes (Qazaqstan Respýblıkasynyń normatıvtik quqyqtyq aktilerin memlekettik tirkeý tiziliminde № 12204 bolyp tirkelgen) Portalda joldamany tirkeý jáne pasıenttiń MU-dy erkin tańdaý quqyǵy eskerile otyryp, josparly emdeýge jatqyzýdyń josparlanǵan kúnin anyqtaý arqyly MU-ǵa josparly emdeýge jatqyzýǵa irikteý jáne jiberýdi; 6) oftalmologııalyq patologııasy bar pasıentterdi dınamıkalyq baıqaýdy; 7) oftalmologııalyq patologııasy bar pasıentterdi dıspanserleýdi; 8) «Densaýlyq saqtaý uıymdarynyń bastapqy medısınalyq qujattama nysandaryn bekitý týraly» Qazaqstan Respýblıkasy Densaýlyq saqtaý mınıstriniń mindetin atqarýshynyń 2010 jylǵy 23 qarashadaǵy № 907 buıryǵyna (budan ári – № 907 buıryq) sáıkes (Qazaqstan Respýblıkasynyń Normatıvtik quqyqtyq aktilerin memlekettik tirkeý tiziliminde № 6697 bolyp tirkelgen) bastapqy medısınalyq qujattamany resimdeý jáne júrgizýdi; 9) Qazaqstan Respýblıkasy Densaýlyq saqtaý jáne áleýmettik damý mınıstriniń 2015 jylǵy 31naýryzdaǵy № 183 buıryǵymen bekitilgen Eńbekke ýaqytsha jaramsyzdyqqa saraptama júrgizý, eńbekke ýaqytsha jaramsyzdyq paraǵy men anyqtama berý qaǵıdalaryna sáıkes eńbekke ýaqytsha jaramsyzdyq saraptamasyn júrgizýdi (Qazaqstan Respýblıkasynyń normatıvtik quqyqtyq aktilerin memlekettik tirkeý tiziliminde № 10964 bolyp tirkelgen); 10) salamatty ómir saltyn qalyptastyrý jáne nasıhattaýdy qamtıdy. 11. Kórý aǵzalarynyń aýrýlary bar pasıentterge KDK Qazaqstan Respýblıkasy Densaýlyq saqtaý jáne áleýmettik damý mınıstriniń mindetin atqarýshynyń 2015 jylǵy 28 shildedegi № 626 buıryǵymen bekitilgen Konsýltasııalyq-dıagnostıkalyq kómek kórsetý qaǵıdalaryna sáıkes (Qazaqstan Respýblıkasynyń normatıvtik quqyqtyq aktilerin memlekettik tirkeý tiziliminde № 11958 bolyp tirkelgen) júzege asyrylady. 12. KDK dáriger oftalmologtar júzege asyrady jáne olar: 1) kórý aǵzalarynyń aýrýlary bar naýqastarǵa konsýltasııalyq, dıagnostıkalyq, emdik jáne medısınalyq ońaltý kómegin kórsetýdi; 2) jedel medısınalyq aralasýdy talap etetin kózdiń, onyń qosalqy apparatynyń jáne uıasynyń jiti jaı-kúılerinde jáne (nemese) aýrýlary kezinde (kózdiń, onyń qosalqy apparatynyń jáne uıasynyń jaraqattary, kózdiń jáne onyń qosalqy apparatynyń termııalyq jáne hımııalyq kúıýi, kóz tamyrlarynyń jiti aýrýlary, kórý nervisiniń jiti aýrýlary, qasań qabyqtyń oıyq jarasynyń tesilýi, jiti glaýkoma ustamasy, kózdiń, onyń qosalqy apparatynyń jáne uıasynyń qabynǵan irińdi jiti aýrýlary) shuǵyl jáne kezek kúttirmeıtin medısınalyq kómek kórsetýdi, al stasıonarlyq jaǵdaıda medısınalyq kómek kórsetýdi talap etetin jaǵdaılar kezinde pasıentter táýlik boıy kezek kúttirmeıtin medısınalyq kómek kórsetetin oftalmologııalyq bólimshege jiberýdi (shuǵyl kómek kórsetý boıynsha MU tańdaý qalanyń, oblystyń Densaýlyq saqtaý basqarmasy belgileıtin ýrgenttik kómek kórsetý kestesine sáıkes júzege asyrylady); 3) oftalmologııalyq beıinde onkologııalyq aýrý anyqtalǵan kezde, aralas jáne (nemese) úılesken emdeýdi qajet etpeıtin pasıentti oftalmolog dárigeridiń emdeý men baıqaýdy; 4) dárigerdiń baıqaýymen stasıonarlyq jaǵdaıdan shyǵarylǵan pasıentterge, sonyń ishinde operasııalyq aralasýlardan keıin, medısınalyq uıym jaǵdaıynda birneshe saǵat boıy medısına qyzmetkeriniń baıqaýyn talap etetin emdik is-sharalardy júrgizý qajet bolǵanda medısınalyq kómek kórsetýdi; 5) emdeý kýrstaryn qaıta júrgizýdi talap etetin sozylmaly aýrýlary bar naýqastarǵa medısınalyq kómek kórsetýdi; 6) pasıentterdi hırýrgııalyq, sonyń ishinde lazerlik emdeýdi; 7) pasıentterde qosalqy patologııalary bolǵan kezde aralas mamandyq dárigerlerin tartýdy; 8) kórý aǵzalarynyń aýrýlary bar pasıentterdi dınamıkalyq jáne dıspanserlik baıqaý, sonyń ishinde qaýip tobyndaǵy balalardy baıqaýdy (retınopatııasy damymaǵan shala týǵandar, regresi barlar jáne basqa.); 9) bekitilgen halyqty profılaktıkalyq qarap-tekserýge qatysýdy; 10) joıylǵan kórý fýnksııalaryn qalpyna keltirýge baǵyttalǵan medısınalyq ońaltý júrgizýdi; 11) qalpyna keltire emdeýdi uıymdastyrý, balalardyń alystan kórmeýiniń, soqyrlyqtyń jáne bekitilgen halyq arasynda nashar kórýdiń damýyn aldyn alýǵa baǵyttalǵan is-sharalardy júrgizýdi; 12) múgedektik tobyn belgileý úshin medısınalyq qujattamany daıyndaý jáne naýqastardy medısınalyq-áleýmettik saraptamaǵa ýaqtyly jiberýdi; 13) № 907 buıryqqa sáıkes bastapqy medısınalyq qujattamany resimdeý jáne júrgizýdi qamtıdy. 13. Táýlik boıy medısınalyq baıqaýmen mamandandyrylǵan jáne joǵary mamandandyrylǵan medısınalyq kómek kórsetý qajettiligi stasıonarǵa emdeýge jatqyzý úshin kórsetilimder bolyp tabylady. 14. Stasıonarlyq deńgeıdegi oftalmologııalyq kómek: 1) dáleldi medısına negizinde qajetti dıagnostıkalyq zertteýlerdi qoldana otyryp joǵary mamandandyrylǵan, mamandandyrylǵan medısınalyq kómek kórsetýdi; 2) pasıentterdi kúndelikti qarap-tekserý, bólim meńgerýshisiniń aralap qarap shyǵýyna qatysýdy; 3) KH-sáıkes dıagnostıka (zerthanalyq jáne aspaptyq zerttep-qaraý) jáne emdeýdi (konservatıvtik jáne hırýrgııalyq); 4) aralas mamandyqtar dárigerleriniń pasıentterge konsýltasııasyn uıymdastyrýdy, konsılıýmdar uıymdastyrýdy; 5) medısınalyq bosandyrý uıymdarynda shala týǵandardyń retınopatııasy boıynsha qaýip tobyndaǵy jańa týǵan nárestelerdiń ýaqtyly dıagnostıkasy jáne mamandandyrylǵan oftalmologııalyq kómek kórsetýdi. Medısınalyq bosandyrý uıymdarynda operasııalyq emdeý júrgizýge jaǵdaılar bolmaǵan kezde balalardy qalalyq, oblystyq aýrýhanalardyń balalarǵa arnalǵan oftalmologııalyq bólimshelerine, kelisim boıynsha QazKǴZI-ǵa emdeýge jatqyzý júzege asyrylady. Operasııalyq aralasýdan keıin bala táýlik boıy reanımasııa bólimshesinde dárigerlerdiń baıqaýynda bolady, bul balanyń ómir súrý qaýipsizdigi men densaýlyǵynyń mindetti sharty bolyp tabylady. Stasıonardan shyqqannan keıin bala turǵylyqty jeri boıynsha emhanada dárigerdiń baıqaýynda bolady; 6) shala týǵandardyń retınopatııasyna skrınıng, monıtorıng júrgizýdi jáne lazerlik emdeýdi uıymdastyrý KH sáıkes júzege asyrylady; 7) medısınalyq ǵylym men praktıkanyń jetistikterine negizdelgen emdeý, dıagnostıka jáne profılaktıkanyń zamanaýı ádisterin meńgerý jáne tájirıbege engizýdi; 8) pasıentterge kórsetiletin emdeý-dıagnostıkalyq kómektiń sapasyn arttyrýdy; 9) medısınalyq kómek kórsetýdiń, pasıentterge kútimniń uıymdastyrýshylyq nysandary men ádisterin damytý jáne jetildirýdi; 10) emdeý-kúzet rejımin qurý, protıvoepıdemııaǵa qarsy is-sharalardy jáne aýrýhanaishilik ınfeksııa profılaktıkasyn júrgizýdi; 11) sanıtarııalyq-aǵartý jumysyn júrgizý, halyqty gıgıenalyq turǵydan tárbıeleý jáne salamatty ómir saltyn nasıhattaýdy; 12) óz beıini boıynsha syrqattanýshylyqqa taldaý jasaý jáne ony tómendetý boıynsha is-sharalardy júrgizýdi; 13) № 907 buıryqqa sáıkes medısınalyq qujattamany durys resimdeýdi jáne júrgizýdi qamtamasyz etýdi qamtıdy. 15. Medısınalyq kómek kórsetýdiń barlyq deńgeıinde dıagnozdy sáıkestendirý qıyndyǵy týyndaǵan jaǵdaıda, júrgizilgen emdeý tıimsiz, sondaı-aq basqa kórsetilimder bolǵan jaǵdaıda basshynyń medısınalyq bólim jónindegi orynbasary bólimshe meńgerýshiniń ótinimi boıynsha konsılıým (qajet bolǵan jaǵdaıda respýblıkalyq deńgeıdegi konsýltantty qosa alǵanda, qajetti (keminde úsh) mamandardy tarta otyryp, pasıentke qosymsha zerttep-qaraýdy, emdeý taktıkasyn naqtylaý, belgileý jáne aýrýdyń boljamyn júrgize otyryp) uıymdastyrady. Keshki, túngi ýaqytta, demalys jáne mereke kúnderi konsılıýmdy kezekshi dárigerdiń ótinimi boıynsha stasıonardyń jaýapty kezekshi dárigeri uıymdastyrady. 16. Kórý aǵzalarynyń aýrýlary bar pasıentterge stasıonarlyq kómek № 761 buıryǵymen bekitilgen Stasıonarlyq kómek kórsetý qaǵıdalaryna sáıkes júzege asyrylady. 17. Stasıonardy almastyratyn kómek Qazaqstan Respýblıkasy Densaýlyq saqtaý jáne áleýmettik damý mınıstriniń 2015 jylǵy 17 tamyzdaǵy № 669 buıryǵymen bekitilgen Stasıonardy almastyratyn kómek kórsetý qaǵıdalaryna sáıkes (Qazaqstan Respýblıkasynyń Normatıvtik quqyqtyq aktilerin memlekettik tirkeý tiziliminde №12106 bolyp tirkelgen) júzege asyrylady. 18. TMKKK sheńberinde stasıonardy almastyratyn kómek TMKKK sheńberinde kúndizgi stasıonar jáne úıdegi stasıonar jaǵdaıynda densaýlyq saqtaý uıymynyń joǵary medısınalyq bilimi bar qyzmetkerdiń joldamasy boıynsha usynylady. 19. Mamandandyrylǵan medısınalyq kómekti beıindi mamandar kórsetedi jáne ózine arnaıy ádister men kúrdeli medısınalyq tehnologııalardy, medısınalyq ońaltýdy paıdalanýdy talap etetin aýrýlarmen jaı-kúılerdiń profılaktıkasyn, dıagnostıkasyn, emdeýdi qamtıdy. 20. Joǵary mamandandyrylǵan medısınalyq kómekti oftalmolog dárigerler kórsetedi jáne ózine ınnovasııalyq, az ınvazıvti, arnaıy ádisterdi jáne kúrdeli medısınalyq tehnologııalardy paıdalanýdy medısınalyq ońaltýdy talap etetin aýrýlarmen jáne jaı-kúılerdiń profılaktıkasyn, dıagnostıkasyn, emdeýdi qamtıdy. 21. Oftalmologııalyq kómek kórsetý deńgeıleri boıynsha klınıkalyq-dıagnostıkalyq zertteýlerdiń kólemi osy Standartqa qosymshaǵa sáıkes belgilenedi. 22. Stasıonarlyq jaǵdaıda mamandandyrylǵan nemese joǵary mamandandyrylǵan medısınalyq kómek kórsetý aıaqtalǵannan keıin pasıentke stasıonarlyq naýqastyń medısınalyq kartasynan júrgizilgen zerttep-qaraýlar men emdeý nátıjeleri, ambýlatorııalyq-emhanalyq deńgeıde naýqasty qadaǵalap qaraýdyń odan arǵy taktıkasy boıynsha usynymdary bar úzindi kóshirme (№ 907 buıryqpen bekitilgen 027/e nysany) beriledi jáne pasıentte belsendi dınamıkalyq baıqaýǵa kórsetilimder bolǵan jaǵdaıda, olar týraly aqparat bekitilgen turǵylyqty jeri boıynsha MSAK uıymyna beriledi. 23. Kórý aǵzalarynyń aýrýlary bar pasıentterge jedel medısınalyq kómek Qazaqstan Respýblıkasy Densaýlyq saqtaý jáne áleýmettik damý mınıstriniń 2015 jylǵy 27 sáýirdegi № 269 buıryǵymen bekitilgen Jedel medısınalyq kómek kórsetý jáne sanıtarııalyq avıasııa nysanynda medısınalyq kómek usyný qaǵıdalaryna sáıkes (Qazaqstan Respýblıkasynyń Normatıvtik quqyqtyq aktilerin memlekettik tirkeý tiziliminde № 11263 bolyp tirkelgen) júzege asyrylady. Qazaqstan Respýblıkasynda oftalmologııalyq kómek kórsetýdi uıymdastyrý standartyna qosymsha Oftalmologııalyq kómek kórsetý deńgeıleri boıynsha klınıkalyq-dıagnostıkalyq zertteýlerdiń kólemi Medısınalyq kómek kórsetý deńgeıleri Dıagnostıkalyq qyzmetterdiń bazalyq paketi Oryndaýǵa beriletin kúntezbilik kúnderdiń sany Otbasylyq dárigerlik ambýlatorııalardyń, aýdandyq, qalalyq emhanalardyń qurylymyndaǵy jalpy praktıka dárigeriniń, terapevttiń, pedıatordyń kabınetteri 1) Saýal júrgizý; 2) anamnezdi jınaý; 3) fızıkalyq zerttep-qaraý; 4) kózdiń ótkiriligin anyqtaý, qabaqty, konıýnktıvany, jas bólý múshelerin búıirlik jaryqpen, ótpeli sáýlelermen qarap-tekserý; 5) tonometrııa, perımetrııa (baqylaý ádisi); 6) kórsetilimder bolǵan jaǵdaıda oftalmologtyń kabınetine, stasıonar jaǵdaıynda mamandandyrylǵan kómek kórsetý úshin emdeýge jatqyzýǵa jiberý 1 kúnge deıin Aýdandyq, qalalyq emhanalardyń qurylymyndaǵy, onyń ishinde jeke menshik nysanyndaǵy kóz kabıneti, optometrııa jáne tonometrııa kabınetteri, mamandandyrylǵan balabaqshalar men mektep-ınternattarda kóz kabıneti 1) Saýal júrgizý; 2) anamnezdi jınaý; 3) kózdiń ótkirligin, kórý shegin, jaryqty jáne tústi kórýdi, kórý sıpatyn zertteý; qarashyqtyń jaryqqa reaksııasyn anyqtaý, jaryqqa baılanysty qozǵalys reaksııasyn qadaǵalaý, tirkeý; táýliktik tonometrııa; týra jáne keri oftalmoskopııa; sıkloskopııa, gonıoskopııa; tonometrııa; bıomıkroskopııa; dıafanoskopııa; skıaskopııa, keratorefraktometrııa; kózdiń qozǵalys apparatyn zertteý; oftalmohromoskopııa; gıpermetropııa, mıopııa, astıgmatızm, afakııa kezinde kózildirik tańdaý jáne túzetý; jas joldaryn shaıý; ekzoftalmometrııa; konıýktıvalyq qýystan bakposev alý; 4) beıindi mamandardyń konsýltasııasy; 5) kórsetilimder bolǵan jaǵdaıda stasıonarlyq emdeýge jiberý 3 táýlikke deıin Oblystyq oftalmologııalyq aýrýhanalardyń (ortalyqtardyń), oblystyq (qalalyq) kóp beıindi aýrýhanalardyń, respýblıkalyq aýrýhanalardyń, «Qurmet Belgisi» ordendi Qazaq kóz aýrýlary ǵylymı zertteý ınstıtýty» (budan ári - QazKǴZI) qurylymynda lazerlik oftalmologııa bólimshesi (kabıneti), kórýdi baılanysty (kontaktili) kúrdeli jáne arnaıy túzetý kabıneti Kogerenttik tomografııany (OST), retınaldyq tomografııany (HRT), ÝDZ, kóz túbiniń flıýoressenttik angıografııasyn (KTFA), kompıýterlik perımetrııany, tózimidilikke synamalardy jáne basqalardy qoldana otyryp, kórsetilimderi boıynsha tereńdetilgen tolyq zerttep-qaraý 3 táýlikke deıin Oblystyq oftalmologııalyq aýrýhanalardyń (ortalyqtardyń), oblystyq (qalalyq) kóp beıindi aýrýhanalardyń, respýblıkalyq aýrýhanalardyń, QazKǴZI qurylymynda kóz mıkrohırýrgııasy stasıonarlyq bólimsheleri, onyń ishinde shuǵyl oftalmologııalyq jáne oftalmotravmatologııalyq kómek ortalyǵy bar balalar bólimsheleri Medısınalyq kórsetilimder bolǵan jaǵdaıda kózdiń ýltradybystyq dopplerografııasyn, elektrofızıologııalyq, ımmýnologııalyq zertteýlerdi, kózdiń ýltrabıomıkroskopııasyn, kompıýterlik tomografııany, pýnksııalyq bıopsııany jáne basqalardy paıdalana otyryp, tereńdetilgen tolyq zerttep-qaraý 3 táýlikke deıin Buıryq Qazaqstan Respýblıkasynyń Ádilet mınıstrliginde 2016 jylǵy 26 qańtarda Normatıvtik quqyqtyq kesimderdi memlekettik tirkeýdiń tizilimine №12923 bolyp engizildi.